လံာ်စီၤပၤအခီၣ်ထံးတဘ့ၣ် 8:22 - Sgaw Karen Common Bible

²² ဒီးလၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤလဲၤဂဲၤဆၢထၢၣ် လၢတၢ်လုၢ်လီၢ်အမဲာ်ညါ, ဒီးယူာ်ထီၣ်အစု, ဒီးဘါထုကဖၣ်တၢ်စံးဝဲ,

လံာ်စီၤပၤအခီၣ်ထံးတဘ့ၣ် 8:22 Iomraidhean Croise

လံာ်စီၤပၤအခီၣ်ထံးတဘ့ၣ် 8:54

ဖဲစီၤၡလိၤမိၤဘါထုကဖၣ်တၢ်ဆူယွၤအအိၣ်ဝံၤန့ၣ်, အဝဲဂဲၤဆၢထၢၣ်လၢတၢ်လုၢ်လီၢ်အမဲာ်ညါ, တၢ်လီၢ်ဖဲအဝဲချံးလီၤတ့ၢ်အခီၣ်အိၣ်ဒီးအစုယူာ်ထီၣ်အသးဆူ မူခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 63:4

မ်ဒ်န့ၣ်ဒီး, ဖဲယမူဒံးယဲန့ၣ်ယကစံးထီၣ်ပတြၢၤနၤ, ယကယူာ်ထီၣ်ယစုဒီးကိးထီၣ်နမံၤန့ၣ်လီၤ.

လံာ်တၢ်ဟးထီၣ်ကွံာ် 33:10

ဖဲပှၤဂီၢ်မုၢ်ထံၣ်ဘၣ်တၢ်အၢၣ်အထူၣ်လၢယွၤအဒဲစီဆှံအတြဲၤ တဘျီဃီန့ၣ်အဝဲသ့ၣ်ကဘၣ်ဆုးလီၤအခိၣ်လီၤ.

လံာ်တၢ်ဟးထီၣ်ကွံာ် 9:29

ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.