လံာ်စီၤပၤအခီၣ်ထံးတဘ့ၣ် 8:21 - Sgaw Karen Common Bible

²¹ လၢယွၤအတၢ်လုၢ်ဟံၣ်အပူၤန့ၣ်, ယကတဲာ်ကတီၤစ့ၢ်ကီးတၢ်လီၢ်တတီၤ လၢယွၤအတၢ်အၢၣ်လီၤအီလီၤအတလါစီဆှံအဂီၢ်န့ၣ်လီၤ. လၢတလါစီဆှံအံၤအပူၤန့ၣ်, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးပမိၢ်ပၢ်ဖံဖုလၢပျၢၤ တဖၣ်ဖဲအဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အလၢၢ်ဘ့ၣ်ဘၣ်တဖၣ်အိၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 8:21 Iomraidhean Croise

လံာ်စီၤပၤအခီၣ်ထံးတဘ့ၣ် 8:9

လၢယွၤအတလါစီဆှံအပူၤန့ၣ်, မ့တမ့ၢ်လၢလၢၢ်ဘ့ၣ်ဘၣ်ခံဘ့ၣ်လၢ စီၤမိၤၡ့ဒၢနုာ်အီၤဖဲကစၢၢ်စံၤနါအလိၤ, ဖဲယွၤမၤတၢ်အၢၣ်လီၤအီလီၤဒီးပှၤအံၣ်စရ့လးဖိဖဲအဝဲသ့ၣ် ဟဲထီၣ်လၢကီၢ်အဲၤကူပတူးအပူၤအခါဘၣ်န့ၣ်တၢ်အဂၤတအိၣ်နီတမံၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:19

ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်တၢ်ဟးထီၣ်ကွံာ် 24:8

အန့ၣ်ဝံၤဒီးစီၤမိၤၡ့ဟံးန့ၢ်တၢ်သွံၣ်လၢလီခီတဖၣ်အပူၤ ဒီးဖှံလီၤဝဲလၢပှၤဂီၢ်မုၢ်အလိၤန့ၣ်လီၤ. ဒီးစံးဝဲဒၣ်, “အအံၤမ့ၢ်တၢ်သွံၣ်လၢအစဲပနီၣ်တၢ်အၢၣ်လီၤအီ လီၤလၢယွၤမၤတ့ၢ်ဒီးသုဖဲအဝဲဟ့ၣ်လီၤတၢ်မၤလိာ်တဖၣ်အံၤ အကတီၢ်န့ၣ်လီၤ.”

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်သိၣ်လီၤသီလီၤတၢ် 31:26

“ဟံးန့ၢ်လံာ်အံၤလၢအဘၣ်ထွဲဒီးယူဒၤအတၢ်သိၣ်တၢ်သီ လၢကစၢ်ယွၤဟ့ၣ်လီၤဝဲဒီးပာ်လီၤအီၤလၢယွၤ, သုကစၢ်အတၢ်အၢၣ်လီၤအီလီၤအတလါစီဆှံအကပၤ, ဒ်သိးတၢ်န့ၣ်ကအိၣ်ဒံးဝဲဖဲန့ၣ်ဒ်တၢ်အုၣ်အသးတမံၤထီဒါအဝဲ အပှၤဂီၢ်မုၢ်အဂီၢ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 9:11

မ့ၢ်လံ, တုၤအနံၤလွံၢ်ဆံဒီးအနၤလွံၢ်ဆံန့ၣ်ပူၤကွံာ်အလီၢ်ခံ ဒီးယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်ဒီးလၢအလိၤန့ၣ်အဝဲ ကွဲးတၢ်အၢၣ်လီၤအီလီၤန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.