လံာ်စီၤပၤအခီၣ်ထံးတဘ့ၣ် 8:11 - Sgaw Karen Common Bible

¹¹ တၢ်အၢၣ်လၢအကပီၤကတြ့ၣ်ကတြိၣ်ဒီးယွၤအတၢ်အိၣ်ဆိးဝဲ, ဒီးအဝဲသ့ၣ်က့ၤနုာ်ဆူယွၤအတၢ်လုၢ်ဟံၣ်အပူၤလၢကမၤအမူအဒါ တဖၣ်အဂီၢ်န့ၣ်, တသ့ဘၣ်.

လံာ်စီၤပၤအခီၣ်ထံးတဘ့ၣ် 8:11 Iomraidhean Croise

လံာ်စီၤပၤအခီၣ်ထံးတဘ့ၣ် 8:10

ဖဲပှၤလုၢ်တၢ်အခိၣ်တဖၣ်ဟးထီၣ်လၢယွၤအတၢ်လုၢ်ဟံၣ်န့ၣ်သတူၢ်ကလာ် ယွၤအတၢ်လုၢ်ဟံၣ်ဘၣ်တၢ်လုၣ်ဘၢအီၤဒီးတၢ်အၢၣ်,

လံာ်စီၤပၤအခီၣ်ထံးတဘ့ၣ် 8:12

တုၤနုၤတစု, စီၤၡလိၤမိၤဘါထုကဖၣ်စံးဝဲ, “နဲဒၣ်ယွၤဧၢ, နပာ်လီၤမုၢ်လၢမူကပိာ်လိၤဒၣ်လဲာ်, နဃုထၢတ့ၢ်နဲလၢနကအိၣ် ကဆိးလၢတၢ်အၢၣ်တဖၣ်ဒီးတၢ်ခံးသူအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:14

သတးဒီးပှၤလုၢ်တၢ်အခိၣ်တဖၣ်, မၤတၢ်ဘူၣ်ထီၣ်ဘါထီၣ်ယွၤအတၢ် ရဲၣ်တၢ်ကျဲၤတသ့လၢၤဘၣ်လၢတၢ်အၢၣ်အဃိန့ၣ်လီၤ.

စံးထီၣ်ပတြၢၤ 90:16

မ်နခ့နပှၤတဖၣ်ထံၣ်ဘၣ်နတၢ်ဖံးတၢ်မၤအဒိၣ်အမုၢ်တဖၣ်, မ်ပစၢၤပသွဲၣ်တဖၣ် ထံၣ်ဘၣ် နတၢ်လၤကပီၤဖးဒိၣ်တက့ၢ်.

လံာ်တၢ်ဟးထီၣ်ကွံာ် 29:43

ဖဲန့ၣ်ယကသဂၢၢ်ကီၢ်အံၣ်စရ့လးအပှၤဂီၢ်မုၢ်ဒီးယတၢ်အိၣ်ဝဲဆိးဝဲ အတၢ်ကပြုၢ်ကပြီၤန့ၣ်ကမၤစီဆှံတၢ်လီၢ်န့ၣ်လီၤ.

လံာ်တၢ်ဟးထီၣ်ကွံာ် 40:34

တုၤနုၤတစုတၢ်အၢၣ်ကးဘၢဒဲစီဆှံ, ဒီးကစၢ်ယွၤအိၣ်ဝဲ ဆိးဝဲအတၢ်ကပီၤကပြုၢ်ကပြီၤန့ၣ်မၤပှဲၤအီၤန့ၣ်လီၤ.

လံာ်တၢ်ဟးထီၣ်ကွံာ် 40:35

လၢတၢ်အံၤအဃိ, စီၤမိၤၡ့လဲၤနုာ်ဆူဒဲစီဆှံအပူၤတသ့ဝဲဘၣ်.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယဃ့းစက့လး 10:4

ယွၤအိၣ်ဝဲဆိးဝဲအတၢ်ကပီၤဆဲးကပြုၢ်ကပြီၤဟဲထီၣ်ဝဲလၢတၢ် ဘၣ်တ့တဖၣ်အအိၣ်, ဒီးသုးဘူးအသးဆူယွၤအတၢ်လုၢ်ဟံၣ် အကျဲစၢၤန့ၣ်လီၤ. ဝံၤဒီး, တၢ်အၢၣ်မၤပှဲၤယွၤအတၢ်လုၢ်ဟံၣ်, ဒီးဂၢၤန့ၣ်ဆဲးကပြုၢ်ဝဲဒီးတၢ်ကပီၤန့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်တၢ်ဘူၣ်ထီၣ်ဘါထီၣ် 9:23

ဒီးစီၤမိၤၡ့ဒီးစီၤအၤဟရိၣ်လဲၤနုာ်ဆူတၢ်ဘူၣ်ထီၣ်ဘါထီၣ်ယွၤအဒဲပူၤ, ဒီးဖဲအဝဲသ့ၣ်ဟဲက့ၤထီၣ်ဝဲန့ၣ်ဆိၣ်ဂ့ၤဝဲပှၤဂီၢ်မုၢ်ခဲလၢာ်လီၤ. ဒီးယွၤအိၣ်ဖျါထီၣ်ဝဲဆူပှၤဂီၢ်မုၢ်ခဲလၢာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:6

ဒီးစီၤမိၤၡ့စံးဝဲဒၣ်, “ယွၤမၤလိာ်တၢ်ခဲလၢာ်အံၤ, ဒ်သိးကဒုးနဲၣ်ဖျါထီၣ်အလၤကပီၤလၢသုလီၤ.”

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

လံာ်လီၣ်ဖျါ 21:11

ဒီးကပြုၢ်ကပြီၤထီၣ်ဝဲလၢကစၢ်ယွၤအလၤကပီၤန့ၣ် လီၤ. ဝ့ၢ်တဖျၢၣ်န့ၣ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်, ဒ်လၢၢ်နကၤသွဲးဒီးအိၣ်ဖျါဆှံဝဲဒ်လၢၢ်ဖျါကလၤအသိး န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.