လံာ်စီၤပၤအခီၣ်ထံးတဘ့ၣ် 7:51 - Sgaw Karen Common Bible

⁵¹ ကယဲၢ်တၢ်အပီးအလီခဲလၢာ်အံၤဘၣ်တၢ်မၤအီၤလၢထူန့ၣ်လီၤ. တုၤစီၤပၤၡလိၤမိၤမၤဝံၤကယဲၢ်တၢ်မၤလၢယွၤအတၢ်လုၢ်ဟံၣ် အဂီၢ်န့ၣ်, ကယဲၢ်တၢ်လၢအပၢ်စီၤဒၤဝံးလုၢ်ထီၣ်တ့ၢ်ဝဲဆူ ယွၤအအိၣ်လၢအမ့ၢ်စ့, ထူဒီးတၢ်ပီးတၢ်လီအဂၤတဖၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:51 Iomraidhean Croise

လံာ်စီၤပၤအခီၣ်ထံးတဘ့ၣ် 15:15

ကယဲၢ်တၢ်ပီးတၢ်လီလၢအပၢ်ပာ်စီဆှံတ့ၢ်အီၤဆူကစၢ်ယွၤအအိၣ်, ဒီးဒ်န့ၣ်အသိးတၢ်ပီးတၢ်လီတဖၣ်လၢတၢ်မၤအီၤလၢထူဒီးစ့ လၢအဝဲအကစၢ်ဒၣ်ဝဲပာ်စီဆှံထီၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အပူၤခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:14

အန့ၣ်ဒီးစီၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:9

အန့ၣ်သတးဒီး, စီၤပၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ. အဝဲမၤထီၣ်တၢ်အခိၣ်ဒုးလာ်လၢကျိၤတဖၣ်ဒီးသ့ၣ်ဘၣ်တဖၣ်လၢသ့ၣ် ဆှိအ့ရ့းန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:15

အဝဲသ့ၣ်စိာ်ထီၣ်ကွံာ်ကယဲၢ်တၢ်ခဲလၢာ်လၢအဘၣ်တၢ်ပိာ်အီၤလၢထူ မ့ၢ်ဂ့ၤ, စ့မ့ၢ်ဂ့ၤ, ဃုာ်ဒီးသလၢအဆံးတဖၣ်ဒီးသပၢၤဘံၣ်သလၣ်တဖၣ်လၢတၢ် သူအီၤလၢတၢ်စိာ်မ့ၣ်အူအ့ၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:1

တုၤစီၤပၤၡလိၤမိၤမၤဝံၤကယဲၢ်တၢ်မၤဘၣ်ဃးဒီးယွၤအတၢ်လုၢ် ဟံၣ်န့ၣ်, အဝဲဒၢနုာ်လီၤကယဲၢ်တၢ်တဖၣ်ခဲလၢာ်လၢအပၢ်စီၤဒၤဝံးပာ်စီ ဆှံတ့ၢ်အီၤဆူယွၤ, လၢအမ့ၢ်ဝဲ, စ့, ထူဒီးတၢ်ပီးတၢ်လီအဂၤတဖၣ်, ဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:15

တၢ်မၤလိာ်ပိာ်လီၤတဖၣ်လၢစီၤဒၤဝံးဟ့ၣ်တ့ၢ်ဝဲပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်ဘၣ်ဃးဒီးတၢ်ပာ်ဖှိၣ်အဟံၣ်တဖၣ် ဒီးတၢ်ဂ့ၢ်အဂၤတဖၣ်န့ၣ်, ဘၣ်တၢ်မၤထွဲအီၤလၢာ်အခၢးန့ၣ်လီၤ.

လံာ်စီၤဧ့စြၤ 6:15

လၢစီၤပၤဖးဒိၣ်ဒၤရယါဝ့ၣ်ပၢတၢ်ဃုနံၣ်တနံၣ်လါအးဒၢ်လါ ထီၣ်သၢသီတသီန့ၣ်အဝဲသ့ၣ်မၤဝံၤတၢ်လုၢ်ဟံၣ်န့ၣ်လီၤ.

လံာ်တၢ်ဟးထီၣ်ကွံာ် 40:33

စီၤမိၤၡ့ဘျးထီၣ်ဘျးသဒၢတၢ်ဝးတရံးဒဲစီဆှံဒီးတၢ်လုၢ် လီၢ်ဒီးဘျးလီၤစဲၤယၣ်ဘျးသဒၢဖဲဒဲစီဆှံအကျဲစၢၤန့ၣ်လီၤ. မၤသးဒ်န့ၣ်ဒီး, အဝဲမၤဝံၤကယဲၢ်တၢ်မၤခဲလၢာ်န့ၣ်လီၤ.

လံာ်စကၤရယၤ 4:9

အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”