လံာ်စီၤပၤအခီၣ်ထံးတဘ့ၣ် 7:49 - Sgaw Karen Common Bible

⁴⁹ တၢ်ပာ်ထီၣ်မ့ၣ်အူဒၢအလီၢ်ဆံဆဲၣ်ခါလၢအဘၣ်တၢ်ပာ်အီၤဖဲ တၢ်လီၢ်စီဆှံကတၢၢ်အမဲာ်ညါ, ယဲၢ်ခါလၢကလံၤထံးတကပၤဒီးယဲၢ် ခါလၢကလံၤစိးတကပၤ, သံၣ်ဧိၤဖီဧိၤတဖၣ်, မ့ၣ်အူဒၢတဖၣ်ဒီးနီၣ်တံာ်လၢတၢ်ကမၤပံာ်မ့ၣ်အူတဖၣ်,

လံာ်စီၤပၤအခီၣ်ထံးတဘ့ၣ် 7:49 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

လံာ်ကွဲးနီၣ်တၢ်ခံဘ့ၣ်တဘ့ၣ် 4:7

အဝဲသ့ၣ်မၤ, တၢ်ပာ်မ့ၣ်အူဒၢအလီၢ်လၢထူဆံဆဲၣ်ခါဒ်အက့ၢ်အဂီၤ ညီနုၢ်အိၣ်ပာ်စၢၤ, ဒီးပာ်အီၤလၢယွၤအတၢ်လုၢ်ဟံၣ်အဒၢးမိၢ်ပှၢ်အပူၤ, ယဲၢ်ခါလၢကလံၤထံးဒီးယဲၢ်ခါလၢကလံၤစိးန့ၣ်လီၤ.

လံာ်တၢ်ဟးထီၣ်ကွံာ် 25:23

ဘှီထီၣ်စီၢ်နီၤခိၣ်တဖျၢၣ်လၢသ့ၣ်ဖှ့ၡံးတၤ, အထီခံပျၢ်, အလဲၢ်တပျၢ်ဒီးကစီၤထီၣ်တပျၢ်တထါတက့ၢ်.

လံာ်တၢ်ဟးထီၣ်ကွံာ် 39:37

တၢ်ပာ်မ့ၣ်အူဒၢအလီၢ်လၢတၢ်မၤအီၤလၢထူစီ, အမ့ၣ်အူဒၢတဖၣ်, ဒီးကယဲၢ်တၢ်ပီးတၢ်လီတဖၣ်, ဒီးသိလၢမ့ၣ်အူဒၢတဖၣ်အဂီၢ်,

လံာ်ယံးရမံယၤ 52:19

အဝဲသ့ၣ် ဟံးန့ၢ်ကွံာ်တၢ်ကိးမံၤဒဲးလၢ အဘၣ်တၢ်မၤအီၤလၢ ထူဒီးစ့လၢအမ့ၢ်သလၢအဆံးဖိတဖၣ်, သပၢၤဘံၣ်သလၣ်လၢ တၢ်သူအီၤလၢ တၢ်စိာ်လၢၢ်သွဲၣ်လးကဲၤကဖးအဂီၢ်, သလၢတဖၣ်လၢကပဒၢးဃာ်တၢ်လုၢ်တၢ်ပာ်အသွံၣ်အဂီၢ်တဖၣ်, ဖၣ်ဆါအသပၢၤတဖၣ်, မ့ၣ်အူဒၢအထူၣ်တဖၣ်, သလၢတဖၣ်လၢ တၢ်သူအီၤလၢတၢ်လုၢ်နၢမူအဂီၢ်, ဒီးသလၢတဖၣ် လၢတၢ်သူအီၤလၢတၢ်လူလီၤတၢ်လုၢ်စပံးထံတဖၣ်အဂီၢ်န့ၣ်လီၤ.

လံာ်တၢ်ဂံၢ် 4:9

အဝဲသ့ၣ်ကဘၣ်ဟံးန့ၢ်တၢ်ကံးညာ်အလွဲၢ်လါအဲးတခီဒီးကျၢၢ်ဘၢ တၢ်ပာ်ထီၣ်မ့ၣ်အူဒၢအလီၢ်ဃုာ်ဒီးအမ့ၣ်အူဒၢတဖၣ်, နီၣ်တံာ်တဖၣ်, သဘံၣ်တဖၣ်ဒီးကယဲၢ်သပၢၤတဖၣ်လၢတၢ်ဒၢနုာ်သ့ၣ်စၤ ယံးအသိန့ၣ်လီၤ.

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.