လံာ်စီၤပၤအခီၣ်ထံးတဘ့ၣ် 7:47 - Sgaw Karen Common Bible

⁴⁷ မ့ၢ်လၢတၢ်ပီးတၢ်လီတဖၣ်အါကဲာ်ဆိးအဃိ, စီၤပၤၡလိၤမိၤတမၢ ဘၣ်ပှၤစီၤနီၣ်ပာ်တိၢ်ဘီအပီးအလီတဖၣ်အံၤအလီၤသယၢၢ်ဘၣ်. သတးဒီးအတၢ်လီၤသယၢၢ်မ့ၢ်ထဲလဲၣ်ထဲလဲၣ်န့ၣ်, ပှၤတဲတသ့နီတဂၤဘၣ်.

လံာ်စီၤပၤအခီၣ်ထံးတဘ့ၣ် 7:47 Iomraidhean Croise

လံာ်စီၤပၤခံဘ့ၣ်တဘ့ၣ် 25:14

အဝဲသ့ၣ်စိာ်ထီၣ်ကွံာ်စ့ၢ်ကီးနီၣ်တရိာ်ဟီၣ်ခိၣ်တဖၣ်ဒီးဖၣ်ဆါ သပၢၤတဖၣ်လၢအဘၣ်တၢ်သူအီၤလၢတၢ်မၤကဆှီတၢ်လုၢ်လီၢ်အဂီၢ်, တၢ်ပီးတၢ်လီတဖၣ်လၢတၢ်သူအီၤလၢတၢ်အံးထွဲကွၢ်ထွဲ မ့ၣ်အူဒၢတဖၣ်အဂီၢ်, သလၢတဖၣ်လၢတၢ်သူအီၤလၢတၢ်ကဒိးဃာ်တၢ် လုၢ်တၢ်ပာ်တဖၣ်အသွံၣ်အဂီၢ်, သလၢတဖၣ်လၢတၢ်သူအီၤလၢတၢ်ဆူးကဲၤတၢ်နၢမူအဂီၢ်ဒီးကယဲၢ်တၢ် အဃၢၤအဃိၢ်တိၢ်ဘီအဂၤတဖၣ်လၢအဘၣ်တၢ်သူ အီၤလၢတၢ်လုၢ်ဟံၣ်အတၢ်ဖံးတၢ်မၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:16

တၢ်ပီးတၢ်လီတိၢ်ဘီတဖၣ်လၢစီၤၡလိၤမိၤမၤတ့ၢ်ဝဲလၢယွၤအတၢ် လုၢ်ဟံၣ်အဂီၢ်န့ၣ်, မ့ၢ်ဝဲ, ထူၣ်ခံထူၣ်, လ့ၣ်တဖၣ်, ထံဒၢဖးဒိၣ်, တၢ်တဖၣ်အံၤမ့ၢ်တၢ်လၢအဃၢ, ဃၢကဲာ်ဆိးလၢတၢ်ကစီၤ အီၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:16

ဒီးဒ်န့ၣ်အသိး, ပှၤမၤတၢ်အဂၤအကလုာ်ကလုာ်သ့ဂီၢ်မုၢ်ဂီၢ်ပၤ အိၣ်ဝဲလၢကမၤတၢ်လၢထူ, လၢစ့, လၢတိၢ်ဘီဒီးလၢထးန့ၣ်လီၤ. ခဲကနံၣ်အံၤစးထီၣ်တၢ်မၤတက့ၢ်. ဒီးမ်ယွၤအိၣ်ဒီးနၤတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:3

အဝဲဟ့ၣ်လီၤထးဂီၢ်မုၢ်ဂီၢ်ပၤလၢတၢ်ကဒုးကဲထီၣ်ထးပနဲာ်ဖိ တဖၣ်ဒီးထးတံာ်ဃးတၢ်တဖၣ်လၢတြဲၤသ့ၣ်တဖၣ်အဂီၢ်, ဒီးတိၢ်ဘီအါအါကလဲာ်တုၤပှၤစီၤအဃၢတသ့နီတဂၤဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:18

တၢ်ပီးတၢ်လီအါအါဂီၢ်ဂီၢ်ဘၣ်တၢ်သိအီၤသတးဒီးတိၢ်ဘီ အတၢ်လီၤသယၢၢ်ခဲလၢာ်မ့ၢ်ထဲလဲၣ်ထဲလဲၣ်န့ၣ်, ပှၤတဲတသ့နီတဂၤဘၣ်.

လံာ်ယံးရမံယၤ 52:20

တၢ်ပီးတၢ်လီတဖၣ် လၢစီၤပၤၡလိၤမိၤမၤတ့ၢ်ဝဲ လၢတိၢ်ဘီလၢ ယွၤအတၢ်လုၢ်ဟံၣ်အဂီၢ်လၢ အမ့ၢ်ဝဲ, ထူၣ်ခံထူၣ်, လ့ၣ်ကဟၣ်တဖၣ်, ထံဒၢ ဖးဒိၣ်, ဒီးဂီၤဖံးတဆံခံဒုလၢ အပၢၢ်ဃာ်အီၤန့ၣ်, အတယၢၢ်ဃၢကဲၣ်ဆိးလၢ တၢ်ကစီၤကွၢ်အီၤအဂီၢ် န့ၣ်လီၤ.