လံာ်စီၤပၤအခီၣ်ထံးတဘ့ၣ် 7:39 - Sgaw Karen Common Bible

³⁹ အဝဲပာ်လီၤလ့ၣ်ယဲၢ်ဆိလၢယွၤအတၢ်လုၢ်ဟံၣ်အကလံၤထံးတကပၤ, ဒီးအဂၤယဲၢ်ဆိလၢကလံၤစိးတကပၤန့ၣ်လီၤ. ထံဒၢဖးဒိၣ်န့ၣ်, အဝဲပာ်လီၤဝဲလၢကလံၤထံးမုၢ်ထီၣ်တကပၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 7:39 Iomraidhean Croise

လံာ်စီၤပၤအခီၣ်ထံးတဘ့ၣ် 7:38

စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:40

စီၤဃူရၣ်အဘံမၤစ့ၢ်ကီးဝဲသပၢၤတဖၣ်, တပူၣ်တဖၣ်ဒီးသရာ်တဖၣ် လီၤ. အဝဲမၤဝံၤအတၢ်မၤခဲလၢာ်လၢစီၤပၤၡလိၤမိၤအဂီၢ်လၢကစၢ်အတၢ် လုၢ်ဟံၣ်အပူၤန့ၣ်လီၤ. တၢ်လၢအဝဲမၤဝဲတဖၣ်မ့ၢ်ဒ်လၢလာ်အံၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:10

ထံဒၢဖးဒိၣ်န့ၣ်ဘၣ်တၢ်ပာ်အီၤဘူးဒီးယွၤအတၢ်လုၢ်ဟံၣ်အသနၢၣ် လၢမုၢ်ထီၣ်ကလံၤထံးတခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:6

အဝဲသ့ၣ်မၤစ့ၢ်ကီးဝဲသရာ်အဖျၢၣ်တဆံ, ယဲၢ်ဖျၢၣ်ကဘၣ်တၢ်ပာ်အီၤလၢယွၤအတၢ်လုၢ်ဟံၣ်အကလံၤထံး, ဒီးယဲၢ်ဖျၢၣ်လၢအကလံၤစိးန့ၣ်လီၤ. သရာ်တဖၣ်န့ၣ်ကဘၣ်တၢ်သူအီၤလၢတၢ်ကသ့ကွံာ်ဆၣ်ဖိ ကီၢ်ဖိအကူာ်တဖၣ်လၢတၢ်ဆူးကဲၤထီၣ်တ့ၢ်လံအီၤဒ်တၢ်လုၢ်တၢ်ပာ် တဖၣ်န့ၣ်လီၤ. ထံလၢထံဒၢဖးဒိၣ်န့ၣ်ကဘၣ်တၢ်သူ အီၤလၢပှၤလုၢ်တၢ်အခိၣ်တဖၣ်ကသ့အသးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:7

အဝဲသ့ၣ်မၤ, တၢ်ပာ်မ့ၣ်အူဒၢအလီၢ်လၢထူဆံဆဲၣ်ခါဒ်အက့ၢ်အဂီၤ ညီနုၢ်အိၣ်ပာ်စၢၤ, ဒီးပာ်အီၤလၢယွၤအတၢ်လုၢ်ဟံၣ်အဒၢးမိၢ်ပှၢ်အပူၤ, ယဲၢ်ခါလၢကလံၤထံးဒီးယဲၢ်ခါလၢကလံၤစိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:1

တုၤစီၤပၤၡလိၤမိၤမၤဝံၤကယဲၢ်တၢ်မၤဘၣ်ဃးဒီးယွၤအတၢ်လုၢ် ဟံၣ်န့ၣ်, အဝဲဒၢနုာ်လီၤကယဲၢ်တၢ်တဖၣ်ခဲလၢာ်လၢအပၢ်စီၤဒၤဝံးပာ်စီ ဆှံတ့ၢ်အီၤဆူယွၤ, လၢအမ့ၢ်ဝဲ, စ့, ထူဒီးတၢ်ပီးတၢ်လီအဂၤတဖၣ်, ဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤန့ၣ်လီၤ.