လံာ်စီၤပၤအခီၣ်ထံးတဘ့ၣ် 7:38 - Sgaw Karen Common Bible

³⁸ စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:38 Iomraidhean Croise

လံာ်စီၤပၤအခီၣ်ထံးတဘ့ၣ် 7:27

စီၤဃူရံၣ်အဘံမၤစ့ၢ်ကီးဝဲလ့ၣ်အဆိတဆံလၢတိၢ်ဘီလၢတဆိ စုာ်စုာ်အထီမ့ၢ်ဝဲလွံၢ်ပျၢ်, အဒီၣ်ဃီၤမ့ၢ်ဝဲလွံၢ်ပျၢ်ဒီးအကစီၤထီၣ်မ့ၢ်ဝဲ သၢပျၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:39

အဝဲပာ်လီၤလ့ၣ်ယဲၢ်ဆိလၢယွၤအတၢ်လုၢ်ဟံၣ်အကလံၤထံးတကပၤ, ဒီးအဂၤယဲၢ်ဆိလၢကလံၤစိးတကပၤန့ၣ်လီၤ. ထံဒၢဖးဒိၣ်န့ၣ်, အဝဲပာ်လီၤဝဲလၢကလံၤထံးမုၢ်ထီၣ်တကပၤန့ၣ် လီၤ.

လံာ်တၢ်ဟးထီၣ်ကွံာ် 30:28

တၢ်လုၢ်လီၢ်လၢတၢ်လုၢ်မ့ၣ်အူအဂီၢ်ဃုာ်ဒီးအတၢ်ပီးတၢ်လီခဲလၢာ်, ဒီးသရာ်တိၢ်ဘီလၢတၢ်သ့စီသးအဂီၢ်ဃုာ်ဒီးအခံဟံးဃာ်အဂီၢ်တက့ၢ်.

လံာ်တၢ်ဟးထီၣ်ကွံာ် 38:8

အဝဲမၤသရာ်ဒီးအခီၣ်လၢတိၢ်ဘီဖဲမဲာ်ထံကလၤတဖၣ်လၢအဘၣ်ဃး ဒီးပိာ်မုၣ်တဖၣ်လၢအမၤတၢ်ဖဲယွၤအိၣ်ဝဲဆိးဝဲအဒဲစီဆှံ အကျဲစၢၤထံးအချၢန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.