လံာ်စီၤပၤအခီၣ်ထံးတဘ့ၣ် 7:27 - Sgaw Karen Common Bible

²⁷ စီၤဃူရံၣ်အဘံမၤစ့ၢ်ကီးဝဲလ့ၣ်အဆိတဆံလၢတိၢ်ဘီလၢတဆိ စုာ်စုာ်အထီမ့ၢ်ဝဲလွံၢ်ပျၢ်, အဒီၣ်ဃီၤမ့ၢ်ဝဲလွံၢ်ပျၢ်ဒီးအကစီၤထီၣ်မ့ၢ်ဝဲ သၢပျၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:27 Iomraidhean Croise

လံာ်စီၤပၤအခီၣ်ထံးတဘ့ၣ် 7:26

ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီဒ့ၣ်ညါတဖီးသလၣ်ထီၣ်အကဘျံးတဖၣ်န့ၣ်လီၤ. ထံဒၢတိၢ်ဘီဖးဒိၣ်အံၤတြီၢ်ဝဲဘၤသၤခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:28

အဝဲသ့ၣ်ဘၣ်တၢ်မၤအီၤဒီးသ့ၣ်ဘၣ်လွံၢ်ဘ့ၣ်လၢအတၢ်ထိၣ်တုၤသိး သိးဒီးဘၣ်တၢ်မၤစဲဘူးအီၤဒီးထီထီၣ်အီၤတခါဘၣ်တခါဒ်လ့ၣ် ဒၢအတကွီၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:38

စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:17

စီၤပၤအၤဃးသုးကပၤကွံာ်လ့ၣ်တိၢ်ဘီတဖၣ်လၢအဘၣ်တၢ်သူ အီၤလၢယွၤအတၢ်လုၢ်ဟံၣ်အပူၤဒီးသုးကွံာ်သရာ်တဖၣ်လၢအအိၣ်လၢ အဖီခိၣ်န့ၣ်လီၤ. အဝဲဟံးထီၣ်ကွံာ်စ့ၢ်ကီးထံဒၢတိၢ်ဘီလၢဂီၤဖံးတိၢ်ဘီတဆံ ခံဒုအပျိၢ်လိၤဒီးပာ်လီၤဝဲလၢလၢၢ်တဖျၢၣ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:13

ပှၤဘၤဘူၤလိၣ်ဖိတဖၣ်မၤကၢ်လီၤကလဲကွံာ်ထူၣ်တိၢ်ဘီတဖၣ်, ဒီးလ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်အပူၤ, ဃုာ်ဒီးထံဒၢတိၢ်ဘီဖးဒိၣ်, ဒီးအဝဲသ့ၣ်က့ၤစိာ်တိၢ်ဘီခဲ လၢာ်ဆူဝ့ၢ်ဘၤဘူၤလိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:16

တၢ်ပီးတၢ်လီတိၢ်ဘီတဖၣ်လၢစီၤၡလိၤမိၤမၤတ့ၢ်ဝဲလၢယွၤအတၢ် လုၢ်ဟံၣ်အဂီၢ်န့ၣ်, မ့ၢ်ဝဲ, ထူၣ်ခံထူၣ်, လ့ၣ်တဖၣ်, ထံဒၢဖးဒိၣ်, တၢ်တဖၣ်အံၤမ့ၢ်တၢ်လၢအဃၢ, ဃၢကဲာ်ဆိးလၢတၢ်ကစီၤ အီၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:14

တၢ်ပာ်ထီၣ်သရာ်အလီၢ်ဆံဆဲၣ်ခါဒီးသရာ်ဆံဆဲၣ်ဖျၢၣ်,

လံာ်ယံးရမံယၤ 27:19

(မ့ၢ်လၢ ယွၤစံးတ့ၢ်ဝဲလၢ, ထူၣ်တဖၣ်, ထံဒၢတိၢ်ဖးဒိၣ်, လ့ၣ်တဖၣ် ဒီးယွၤအတၢ်လုၢ်ဟံၣ် အတၢ်လုၢ်ဒိၣ်ပှ့ၤဒိၣ် အဂၤတနီၤကဘၣ်တၢ် ပာ်တ့ၢ်အီၤဖဲဝ့ၢ်ပူၤအဃိ,

လံာ်ယံးရမံယၤ 52:17

ထူၣ်တိၢ်ဘီတဖၣ်ဒီး လ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်ပူၤ ဃုာ်ဒီးတိၢ်ဘီထံဒၢဖးဒိၣ်န့ၣ်, ပှၤဘၤဘူၤလိၣ်ဖိတဖၣ် မၤကၢ်လီၤကလဲကွံာ်ဝဲ, ဒီးအဝဲသ့ၣ်စိာ်ကွံာ်တိၢ်ဘီခဲလၢာ်ဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 52:20

တၢ်ပီးတၢ်လီတဖၣ် လၢစီၤပၤၡလိၤမိၤမၤတ့ၢ်ဝဲ လၢတိၢ်ဘီလၢ ယွၤအတၢ်လုၢ်ဟံၣ်အဂီၢ်လၢ အမ့ၢ်ဝဲ, ထူၣ်ခံထူၣ်, လ့ၣ်ကဟၣ်တဖၣ်, ထံဒၢ ဖးဒိၣ်, ဒီးဂီၤဖံးတဆံခံဒုလၢ အပၢၢ်ဃာ်အီၤန့ၣ်, အတယၢၢ်ဃၢကဲၣ်ဆိးလၢ တၢ်ကစီၤကွၢ်အီၤအဂီၢ် န့ၣ်လီၤ.