လံာ်စီၤပၤအခီၣ်ထံးတဘ့ၣ် 7:26 - Sgaw Karen Common Bible

²⁶ ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီဒ့ၣ်ညါတဖီးသလၣ်ထီၣ်အကဘျံးတဖၣ်န့ၣ်လီၤ. ထံဒၢတိၢ်ဘီဖးဒိၣ်အံၤတြီၢ်ဝဲဘၤသၤခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:26 Iomraidhean Croise

လံာ်စီၤပၤအခီၣ်ထံးတဘ့ၣ် 6:18

သ့ၣ်ဆှိအ့ရ့းအသ့ၣ်ဘၣ်တဖၣ်ဘၣ်တၢ်ကယၢကယဲအီၤဒီးထံလူၤသၣ် တဖၣ်ဒီးဖီတဖၣ်လၢတၢ်စိးပျၤန့ၢ်အီၤလီၤ. တၢ်ဒူၣ်အအိပူၤတကပၤအံၤဘၣ်တၢ်ကးဘၢအီၤဒီးသ့ၣ်ဆှိအ့ရ့းဒ် သိးလၢၢ်လၢတၢ်ဒူၣ်တဖၣ်အလိၤအသုတဘၣ်တၢ်ထံၣ်အီၤတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:32

တြဲၤတဖၣ်ဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ်အဂီၤလၢတၢ်စိးပျၤအီၤန့ၣ်လီၤ. တြဲၤတဖၣ်, ခ့ရူာ်တဖၣ်ဒီးသ့ၣ်စူၣ်ပလူၣ်တဖၣ်ဘၣ်တၢ်ကးဘၢအီၤ လၢထူန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:35

ဒီးဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ် အဂီၤလၢတၢ်စိးပျၤအီၤဒီးဘၣ်တၢ်ကးဘၢအီၤလၢထူဖိးလိာ်ဖိး ဒ့န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:19

တၢ်အခိၣ်ထိးတဖၣ်အံၤတၢ်ပိာ်အီၤလီၤဂာ်ဒီးဖီဒ့ၣ်ညါတဖၣ်, လၢအထီအိၣ်ဝဲလွံၢ်ပျၢ်,

လံာ်စီၤပၤအခီၣ်ထံးတဘ့ၣ် 7:25

ထံဒၢဖးဒိၣ်န့ၣ်ဘၣ်တၢ်ပာ်ထီၣ်အီၤလၢဂီၤဖံးတိၢ်ဘီတဆံခံ ဒုအလိၤ, လၢအမဲာ်ကွၢ်တၢ်ဆူတၢ်ပျီပူၤ, သၢဒုကွၢ်ဝဲဆူ ကလံၤစိးသၢဒုကွၢ်ဝဲဆူမုၢ်နုာ်, သၢဒုကွၢ်ဝဲဆူကလံၤထံး, ဒီးသၢဒုကွၢ်ဝဲဆူမုၢ်ထီၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:27

စီၤဃူရံၣ်အဘံမၤစ့ၢ်ကီးဝဲလ့ၣ်အဆိတဆံလၢတိၢ်ဘီလၢတဆိ စုာ်စုာ်အထီမ့ၢ်ဝဲလွံၢ်ပျၢ်, အဒီၣ်ဃီၤမ့ၢ်ဝဲလွံၢ်ပျၢ်ဒီးအကစီၤထီၣ်မ့ၢ်ဝဲ သၢပျၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:38

စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:5

ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီတဖီးအကဘျံးတဖၣ်အတၢ်သလၣ်ထီၣ်အသးအသိးန့ၣ်လီၤ. ထံဒၢဖးဒိၣ်န့ၣ်တြီၢ်ဝဲအဘၤသးသၢကထိန့ၣ်လီၤ.

လံာ်တၢ်ဟးထီၣ်ကွံာ် 25:25

စီၢ်နီၤခိၣ်အဖီခိၣ်အံၤကဘၣ်အိၣ်ဒီးအခိၣ်ဒူတခါလၢအလဲၢ်ဝဲ သၢစုမုၢ်ဒိၣ်ဒီးအခိၣ်ဒူအံၤအထိးနါဝးတရံးန့ၣ်ကျီၤအီၤလၢထူတက့ၢ်.

လံာ်ယံးရမံယၤ 52:21

ထူၣ်ခံထူၣ်န့ၣ်လီၤဂာ်လိာ်အသးလီၤ. တခါစုာ်စုာ်န့ၣ် အထီမ့ၢ်ဝဲ တဆံဃိးပျၢ်ဒီး အကဝီၤန့ၣ် မ့ၢ်ဝဲတဆံခံပျၢ်န့ၣ်လီၤ. အဝဲသ့ၣ် မ့ၢ်ထူၣ်အကအိတဖၣ် လၢအတီၣ်မ့ၢ်တိၢ်စ့ထးဃါဃုာ် အသးသၢစုမုၢ်ဒိၣ်န့ၣ်လီၤ.

လံာ်ယဃ့းစက့လး 45:11

အ့ဖးလၢတၢ်စီၤအဃ့ထီအဂီၢ်န့ၣ်, အ့ဖးကဘၣ်ပှဲၤသိးဒီးဘၤသးလၢ တၢ်ဃီၣ်အဘၣ်စီၣ်အဂီၢ်န့ၣ်လီၤ. နီၣ်ထိၣ်အတီၤန့ၣ်မ့ၢ်ဃိမ့ၤန့ၣ်လီၤ. နီၣ်ထိၣ်တၢ်အစၢတဖၣ်န့ၣ်မ့ၢ်ဒ်လာ်အံၤအသိးန့ၣ်လီၤ. တဃိမ့ၤပှဲၤသိးဒီးတဆံအ့ဖး, ဒီးတဃိမ့ၤပှဲၤသိးဒီး တဆံဘၤသးန့ၣ်လီၤ.

လံာ်ယဃ့းစက့လး 45:14

သ့ၣ်စၤယံးအသိတကယၤပူတပူလၢသုသ့ၣ်တဖၣ်ဟ့ၣ်ထီၣ်ဝဲအပူၤ, (ဘၣ်တၢ်ဃီၣ်အီၤလၢဘၤသးန့ၣ်လီၤ. တဆံဘၤသးပှဲၤသိးသိးဒီးတဃိမ့ၤ, တဆံဘၤသးပှဲၤသိးသိးဒီးတကိၢ်န့ၣ်လီၤ.)