လံာ်စီၤပၤအခီၣ်ထံးတဘ့ၣ် 7:21 - Sgaw Karen Common Bible

²¹ စီၤဃူရံၣ်အဘံပာ်လီၤထူၣ်တိၢ်ဘီခံထူၣ်အံၤလၢယွၤအတၢ်လုၢ်ဟံၣ် အကျဲစၢၤအမဲာ်ညါန့ၣ်လီၤ. ထူၣ်လၢအအိၣ်လၢကလံၤထံးတထူၣ်န့ၣ်ယုၢ်ဝဲအမံၤလၢယၤကံၣ်ဒီး ထူၣ်လၢအအိၣ်လၢကလံၤစိးတထူၣ်န့ၣ်ယုၢ်ဝဲအမံၤလၢဘိၤဧးလီၤ.

လံာ်စီၤပၤအခီၣ်ထံးတဘ့ၣ် 7:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:3

ဒၢးတၢ်မဲာ်ညါန့ၣ်အထီအိၣ်ဝဲအပျၢ်တဆံဒီးအဒီၣ်ဃီၤအိၣ်ဝဲ အပျၢ်ခံဆံ, လဲၢ်ထဲသိးသိးဒီးတၢ်လီၢ်စီဆှံအတၢ်ထီအသိးန့ၣ် လီၤ.

လံာ်စီၤပၤအခီၣ်ထံးတဘ့ၣ် 7:12

နီအဂၢၤ, ယွၤအတၢ်လုၢ်ဟံၣ်အဂၢၤလၢတၢ်အိပူၤ, ယွၤအတၢ်လုၢ်ဟံၣ်အတၢ်လဲၤနုာ်အဒၢး, အိၣ်ဒီးတၢ်ဒူၣ်တဖၣ်လၢတၢ် မၤအီၤလၢလၢၢ်ဘူးတဲာ်အသးတဖၣ်သၢကထၢအဖီခိၣ်သ့ၣ်ဆှိအ့ရ့း အကျိၤတကထၢ, တဆီဝံၤတဆီန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:22

ဖီဒ့ၣ်ညါအတၢ်ဂီၤတိၢ်ဘီလၢတၢ်ပိာ်န့ၢ်အီၤန့ၣ်, ဘၣ်တၢ်ပာ်အီၤလၢထူၣ်တဖၣ်အခိၣ်ထိးန့ၣ်လီၤ. သတးဒီးတၢ်မၤလၢအဘၣ်ထွဲဒီးထူၣ်တဖၣ်န့ၣ်ဝံၤဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:17

ထူၣ်တဖၣ်ဘၣ်တၢ်ပာ်အီၤလၢတၢ်လဲၤနုာ်ဆူယွၤအတၢ်လုၢ်ဟံၣ်အကျဲ စၢၤအကပၤ, ဒီးထူၣ်လၢအအိၣ်ဖဲကလံၤထံးတထူၣ်န့ၣ်ဘၣ်တၢ်ကိးအီၤလၢယၤကံၣ် ဒီးထူၣ်လၢအအိၣ်ဖဲကလံၤစိးတထူၣ်န့ၣ်ဘၣ်တၢ်ကိးအီၤလၢဘိၤဧး န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:13

တိၢ်ဘီသလၢအဖျၢၣ်လွံၢ်ကယၤ, ဘၣ်တၢ်ရဲၣ်လီၤအီၤခံဂ့ၢ်ဝးတရံး တၢ်အက့ၢ်အဂီၤလၢအအိၣ်လၢတၢ်အခိၣ်ထိးတခါစုာ်စုာ်အလိၤ,

လံာ်ယၡါယၤ 45:24

အဝဲသ့ၣ်ကစံးဝဲလၢ, တၢ်မၤနၢၤဒီးတၢ်ဂံၢ်တၢ်ဘါန့ၣ်တၢ်ထံၣ် န့ၢ်အီၤခီဖျိဒၣ်ထဲလၢယၤတဂၤဧိၤန့ၣ်လီၤ. မ့မ့ၢ်ပှၤလၢအသးဟ့ယၤခဲလၢာ် ကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်နီၢ်ရူၤသး 2:19

ဒီးနီၢ်နၤဧမံသံကွၢ်အီၤ, “တနံၤညါအံၤနလဲၤထၢဘုဖဲလဲၣ်. နလဲၤမၤတၢ်လၢမတၤအစံာ်ပျီပူၤလဲၣ်. မ်ယွၤဆိၣ်ဂ့ၤပှၤတဂၤလၢ အသူၣ်အိၣ်သးအိၣ်နၤန့ၣ်တက့ၢ်.” ဒီးနီၢ်ရူၤသးစံးဘၣ်အမံၤပှၢ်ပိာ်မုၣ်လၢတနံၤညါအံၤအဝဲလဲၤ မၤတၢ်လၢပှၤတဂၤအမံၤမ့ၢ်စီၤဘိၤဧးအစံာ်ပျီပူၤန့ၣ်လီၤ.

လံာ်နီၢ်ရူၤသး 4:21

စီၤစၤလမိၣ်ထီၣ်ဖိစီၤဘိၤဧး, ဒီးစီၤဘိၤဧးထီၣ်ဖိစီၤဧိၤဘ့း,