လံာ်စီၤပၤအခီၣ်ထံးတဘ့ၣ် 7:2 - Sgaw Karen Common Bible

² နီလၢအအိၣ်လၢလဘၤနိၣ်အပှၢ်လၢ်ကျါအံၤ, အထီအိၣ်ဝဲ အပျၢ်တကယၤ, အဒီၣ်ဃီၤအိၣ်ဝဲအပျၢ်ယဲၢ်ဆံ, ဒီးအကစီၤထီၣ်အိၣ်ဝဲအပျၢ်သၢဆံန့ၣ်လီၤ. နီအံၤအိၣ်ဒီးအထူၣ်, သ့ၣ်ဆှိအ့ရ့းတဖၣ်လၢအရဲၣ်လီၤအသးသၢ ဂ့ၢ်ဒီးတဂ့ၢ်န့ၣ်အိၣ်ဝဲတဆံယဲၢ်ထူၣ်လီၤ. လၢထူၣ်တဖၣ်အဖီခိၣ်န့ၣ်တၢ်ပာ်ထီၣ်ကျိၤတဖၣ်လၢသ့ၣ်ဆှိအ့ရ့းန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:2 Iomraidhean Croise

လံာ်စီၤပၤအခီၣ်ထံးတဘ့ၣ် 10:17

အဝဲမၤစ့ၢ်ကီးကတီၤလၢအဆံးတစဲးအဘ့ၣ်သၢကယၤ, ကျးဘၢဝဲတဘ့ၣ်ဘၣ်တဘ့ၣ်ဒီးထူလီၤတယၢၢ်ၡက့လးသၢကယၤန့ၣ်လီၤ. ကယဲၢ်ကတီၤတဖၣ်အံၤအဝဲပာ်ဝဲလၢလဘၤနိၣ်အပှၢ်လၢ်ကျါအဒၢးဖး ဒိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:21

ကယဲၢ်စီၤၡလိၤမိၤအလီခီအီတၢ်တဖၣ်န့ၣ်ဘၣ်တၢ်ပိာ်အီၤလၢထူ, ဒီးကယဲၢ်တၢ်ပီးတၢ်လီတဖၣ်လၢအအိၣ်ဝဲလၢလဘၤနိၣ်အပှၢ်လၢ်ကျါ အဒၢးဖးဒိၣ်အပူၤန့ၣ်မ့ၢ်ထူစီခဲလၢာ်န့ၣ်လီၤ. စ့တဘၣ်တၢ်သူအီၤနီတစဲးမ့ၢ်လၢ, စီၤၡလိၤမိၤအမုၢ်နံၤန့ၣ်, စ့တဘၣ်တၢ်ပာ်လုၢ်ပာ်ပှ့ၤအီၤဘၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:3

အခိၣ်ဒုးလာ်ဘၣ်တၢ်မၤအီၤလၢသ့ၣ်ဆှိအ့ရ့းလၢအဘၣ်တၢ်မၤလဲၢ် ထီၣ်အီၤတုၤလၢတၢ်ပာ်ဖှိၣ်အဒၢးတဖၣ်အဖီခိၣ်, လၢအဘၣ်တၢ်ပၢၢ်ဃးအီၤလၢထူၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:1

တုၤစီၤပၤၡလိၤမိၤမၤဝံၤတၢ်သူၣ်ထီၣ်ဘှီထီၣ်ယွၤအတၢ်လုၢ်ဟံၣ်, ဒီးနီ, ဒီးကယဲၢ်တၢ်လၢအဝဲအဲၣ်ဒိးဘှီထီၣ်ဝဲတဖၣ်အလီၢ်ခံ န့ၣ်,

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:16

ဒီးကတီၤဖိအဘ့ၣ်သၢကယၤလၢတဘ့ၣ်စုာ်စုာ်ဘၣ်တၢ်ကျးဘၢအီၤလၢ ထူပိာ်အသးလီၤတယၢၢ်ၡက့လးသၢကယၤန့ၣ်လီၤ. အဝဲမၢတၢ်ပာ် ကယဲၢ်ကတီၤတဖၣ်အံၤခဲလၢာ်လၢဘျီၣ်ဒိၣ်အပူၤ, လၢအအိၣ်လၢလဘၤနိၣ်အသ့ၣ်ပှၢ်အကျါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:4

နကိာ်လီၤဂာ်ဒ်ကဆီမဲအတၢးထီခၢၣ်သနၢၣ်တဖျၢၣ် အသိး, နမဲာ်ချံတဖၣ်လီၤဂာ်ဒ်နိၣ်တဖၣ်လၢကီၢ်ဃ့ၡဘိၣ် အဝ့ၢ်ပူၤ, အိၣ်ဘူးဒီးဝ့ၢ်ဖးဒိၣ်န့ၣ်အတြဲၤလီၤ. နနါစ့ၤလီၤအဲၣ်လီၤကွံဒ်လဘၤနိၣ်အတၢးထီခၢၣ်သနၢၣ် လၢအဆၢထၢၣ်ဒီသဒၢဝ့ၢ်ဒၤမ့းစ့းအသိးန့ၣ်လီၤ.

လံာ်ယၡါယၤ 22:8

ကီၢ်ယူဒၤအတိာ်ဧိၤတာ်ဧိၤခဲလၢာ်လီၤပှီၢ်ကွံာ်ဝဲလီၤ. ဖဲတၢ်န့ၣ်မၤအသးဒီး, သုဟဲထုးထီၣ်တၢ်စုကဝဲၤတဖၣ်လၢ တၢ်ပာ်စုကဝဲၤအလီၢ်န့ၣ်လီၤ.