လံာ်စီၤပၤအခီၣ်ထံးတဘ့ၣ် 7:16 - Sgaw Karen Common Bible

¹⁶ အဝဲမၤစ့ၢ်ကီးတၢ်အခိၣ်ထိးတိၢ်ဘီခံခါ, လၢတခါစုာ်စုာ်ထီ ဝဲယဲၢ်ပျၢ်, ဒ်သိးကဘၣ်တၢ်ပာ်အီၤလၢထူၣ်တဖၣ်အခိၣ်စိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:16 Iomraidhean Croise

လံာ်စီၤပၤအခီၣ်ထံးတဘ့ၣ် 7:15

စီၤဃူရၣ်အဘံသိန့ၢ်ထူၣ်တိၢ်ဘီခံထူၣ်, တထူၣ်စုာ်စုာ်, အထီအိၣ်ဝဲတဆံဃိးပျၢ်ဒီးအခိၣ်ထိးဝးတရံးအနီၣ်ထိၣ်မ့ၢ်ဝဲ တဆံခံပျၢ်, ဒီးပာ်ဝဲဖဲကျဲစၢၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:17

ထူၣ်တထူၣ်စုာ်စုာ်အခိၣ်ထိးဘၣ်တၢ်ကယၢကယဲအီၤဒီးတၢ်အက့ၢ်အဂီၤ တမံၤလၢအမ့ၢ်ဝဲ, ပျံၤသွဲထါဘံပကံအသး,

လံာ်တၢ်ဟးထီၣ်ကွံာ် 36:38

လၢယၣ်ဘျးသဒၢအံၤအဂီၢ်န့ၣ်အဝဲသ့ၣ်မၤထူၣ်ယဲၢ်ထူၣ်လၢတၢ်ထီ ထီၣ်အီၤဒီးထးဘျးတဖၣ်ဒီးပီၤတၢ်အထူၣ်အခိၣ်ထိးတဖၣ်ဒီးအဘိ တဖၣ်န့ၣ်လၢထူဒီးမၤန့ၢ်ဝဲတၢ်အခီၣ်ထံးအဖျီၣ်တိၢ်ဘီယဲၢ်ခါလၢထူၣ်တဖၣ်အံၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 38:17

တၢ်အခီၣ်ထံးအဖျီၣ်တဖၣ်လၢထူၣ်အဂီၢ်န့ၣ်ဘၣ်တၢ်မၤအီၤလၢတိၢ် ဘီ, မ့မ့ၢ်ထူၣ်အထးဘျးတဖၣ်, အနီၣ်ဘိတဖၣ်ဒီးအခိၣ်ဖျီၣ်တဖၣ်န့ၣ်ဘၣ်တၢ်မၤအီၤလၢစ့လီၤ. ဒီးကယဲၢ်ယၣ်အထူၣ်အိၣ်ဝးတရံးယွၤအဒဲစီဆှံတဖၣ်န့ၣ်ဘၣ်တၢ်ဒုးစဲဘူးအီၤဒီးနီၣ်ဘိစ့ တဖၣ်န့ၣ်လီၤ.

လံာ်တၢ်ဟးထီၣ်ကွံာ် 38:19

တၢ်န့ၣ်ဘၣ်တၢ်ဘျးလီၤစဲၤအီၤလၢထူၣ်လွံၢ်ဘိအလိၤလၢအခီၣ်ထံး အဖျီၣ်မ့ၢ်တိၢ်ဘီလွံၢ်ခါန့ၣ်လီၤ. ထူၣ်တဖၣ်အထးဘျးတဖၣ်, အခိၣ်ဖျီၣ်တဖၣ်, ဒီးအနီၣ်ဘိတဖၣ်န့ၣ်ဘၣ်တၢ်မၤအီၤလၢစ့န့ၣ်လီၤ.

လံာ်တၢ်ဟးထီၣ်ကွံာ် 38:28

လၢစ့ညၣ်အိၣ်တ့ၢ်တကထိနွံကယၤနွံဆံယဲၢ်ၡက့လးန့ၣ်စီၤဘစၤလအ့လးမၤဒဲအဘိတဖၣ်နီၣ်ဘျးလၢတၢ်အထူၣ်တဖၣ်အဂီၢ်ဒီးတၢ်အခိၣ်ဖျီၣ်လၢထူၣ်အခိၣ်ထိးတဖၣ်အဂီၢ်န့ၣ်လီၤ.

လံာ်ယံးရမံယၤ 52:22

လၢထူၣ်တထူၣ်စုာ်စုာ်အခိၣ်စိးန့ၣ် အိၣ်ဒီးတိၢ်ဘိအခိၣ်ထိးလၢ အထီအိၣ်ယဲၢ်ပျၢ်, ဒီးဝးတရံးအီၤန့ၣ် အိၣ်ဒီးတၢ်ထ့ဃ့တၢ်လၢ ထးဘိလၢအဘၣ်တၢ်ကယၢကယဲအီၤဒီး သလဲသၣ်တဖၣ်လၢ အဘၣ်တၢ်မၤအီၤလၢတိၢ်ဘီခဲလၢာ်န့ၣ်လီၤ.