လံာ်စီၤပၤအခီၣ်ထံးတဘ့ၣ် 7:14 - Sgaw Karen Common Bible

¹⁴ အဝဲအပၢ်လၢတအိၣ်မူလၢၤဘၣ်န့ၣ်, မ့ၢ်ပှၤလၢဝ့ၢ်ထါယၢၣ်, ဒီးမ့ၢ်စ့ၢ်ကီးပှၤတဂၤလၢအသ့မၤတၢ်လၢစုဂ့ၤဂ့ၤကလဲာ်လၢ တိၢ်ဘီန့ၣ်လီၤ. အဝဲအမိၢ်မ့ၢ်ပှၤလၢနးသၤလံအဒူၣ်ပူၤန့ၣ်လီၤ. စီၤဃူရၣ်အဘံမ့ၢ်ပှၤတဂၤလၢအအိၣ်ဒီးတၢ်သူၣ်ဆးသးဆးဒီးတၢ် လဲၤခီဖျိအါလၢတၢ်မၤတၢ်လၢစုန့ၣ်လီၤ. အဝဲတူၢ်လိာ်စီၤပၤၡလိၤမိၤအတၢ်ကွဲမုာ်အီၤလၢကကဲပှၤအခိၣ် တဂၤလၢကယဲၢ်တၢ်ဖံးတၢ်မၤလၢအဘၣ်ထွဲဒီးတိၢ်ဘီ အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:14

အဝဲအမိၢ်မ့ၢ်ပှၤဒူၣ်ဖိထၢဖိတဂၤလၢဒၣ်အဒူၣ်ပူၤဒီးအပၢ်မ့ၢ် ပှၤလၢဝ့ၢ်ထါယၢၣ်ဖိတဂၤန့ၣ်လီၤ. အဝဲနၢ်ပၢၢ်တၢ်မၤဘၣ်ထွဲဒီးတၢ်ပိာ်ထူ, စ့, တိၢ်ဘီ, ထး, ဒီးတၢ်စိးပျၢၤလၢၢ်ဒီးသ့ၣ်န့ၣ်လီၤ. အဝဲဆးတၢ်ဒီးတၢ်ကံးယာ်အလွဲၢ်လါဟ့, လုးတကုာ်, အဂီၤဒီးဖှီဝါကဆှၣ်သ့စ့ၢ်ကီးဝဲန့ၣ်လီၤ. အဝဲမၤကယဲၢ်တၢ်စိးပျၤအတၢ်မၤအကလုာ်ကလုာ်သ့ဝဲ, ဒီးမၤကဲထီၣ်ကယဲၢ်တၢ်အက့ၢ်အဂီၤအဒိလၢအဘၣ်တၢ်ဟ့ၣ်ကူၣ်အီၤ န့ၣ်လီၤ. မ်အကမၤဃုာ်သကိးတၢ်ဒီးနပှၤတဖၣ်လၢအသ့မၤတၢ်လၢစုလၢအမၤ တ့ၢ်တၢ်လၢနပၢ်စီၤပၤဒၤဝံးအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:6

ဘၣ်ဆၣ်, ပှၤသူၣ်ထီၣ်တၢ်လုၢ်ဟံၣ်တဖျၢၣ်လၢယွၤအဂီၢ်တသ့နီၢ်နီၢ် နီတဂၤဘၣ်. အဂ့ၢ်ဒ်အံၤ, ကယဲၢ်မူခိၣ်အတၢ်လီၢ်အလဲၢ်ခဲလၢာ်ဒၣ်လဲာ်, အဝဲအိၣ်တတြီၢ်ဘၣ်. မ့မ့ၢ်ဒ်န့ၣ်ဒီး, တၢ်လုၢ်ဟံၣ်တဖျၢၣ်လၢ ယသူၣ်ထီၣ်အီၤအံၤ, မ့ၢ်တၢ်အါန့ၢ်ဒံးတၢ်လီၢ်တတီၤဖဲ တၢ်လုၢ်နၢမူကဘၣ်တၢ်ဆူးကဲၤထီၣ်အီၤဆူကစၢ်ယွၤန့ၣ်, ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 4:11

စီၤဃူရၣ်အဘံမၤစ့ၢ်ကီးဝဲသပၢၤတဖၣ်, တပူာ်တဖၣ်ဒီးသရာ်တဖၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:16

သပၢၤတဖၣ်, တပူာ်တဖၣ်ဒီးနီၣ်ဆဲးတဖၣ်န့ၣ်လီၤ. ပှၤအခိၣ်လၢအမၤတၢ်သ့လၢစု, စီၤဃူရၣ်အဘံမၤကယဲၢ်တၢ်သ့ၣ်တဖၣ် အံၤခဲလၢာ်လၢတိၢ်ဘီလၢတၢ်ထူးဘျ့ကတြ့ၣ်ထီၣ်အီၤ, ဒ်စီၤပၤၡလိၤမိၤမၤလိာ်တ့ၢ်ဝဲ, လၢကဘၣ်တၢ်သူ အီၤလၢယွၤအတၢ်လုၢ်ဟံၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 28:3

ကိးန့ၢ်ပှၤစုသ့ခဲလၢာ်လၢယဟ့ၣ်လီၤတ့ၢ်အီၤတၢ်သ့တၢ်ဘၣ်ဒီး တဲဘၣ်အဝဲသ့ၣ်လၢကမၤန့ၢ်စီၤအၤဟရိၣ်အကူအသိးတဖၣ်ဒ်သိး အဝဲပာ်စီဆှံထီၣ်အသးဒ်ပှၤလုၢ်တၢ်အခိၣ်တဂၤလၢယတၢ်ဖံးတၢ်မၤအပူၤကသ့ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 35:30

ဒီးစီၤမိၤၡ့စံးဘၣ်ပှၤအံၣ်စရ့လးဖိတဖၣ်, “ယွၤဃုထၢစီၤဃူၢ်အလံၤခွါ, စီၤအူၤရံၤအဖိခွါစီၤဘစၤလအ့လးလၢယူဒၤအဒူၣ်န့ၣ်လီၤ.

လံာ်တၢ်ဟးထီၣ်ကွံာ် 35:31

ကစၢ်ယွၤမၤပှဲၤအီၤဒီးအစိကမီၤဒီးဟ့ၣ်အီၤတၢ်သ့တၢ်ဘၣ်, တၢ်ကူၣ်တၢ်ဆး, ဒီးတၢ်သ့ၣ်ညါနၢ်ပၢၢ်ဘၣ်ဃးတၢ်စုသ့အတၢ်မၤခဲလၢာ်,

လံာ်တၢ်ဟးထီၣ်ကွံာ် 35:35

ယွၤဟ့ၣ်လီၤအဝဲသ့ၣ်တၢ်သ့ဖံးသ့မၤလၢကယဲၢ်တၢ်မၤကိးမံၤ ဒဲးလၢဘၣ်တၢ်မၤအီၤလၢပှၤစိးပျၤကွဲးတၢ်တဖၣ်, ပှၤတ့ဖျါထီၣ်တၢ်ဂီၤတဖၣ်, ဒီးပှၤသ့ထါတၢ်ကံးယာ်လုၣ်တဖၣ်လၢ အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, ဒီးတၢ်ကူတၢ်သိးအဂၤတဖၣ်န့ၣ်လီၤ. အဝဲသ့ၣ်မၤကယဲၢ်တၢ်မၤကိးမံၤဒဲးသ့ဝဲဒီးမ့ၢ်ပှၤထုးထီၣ်တၢ်ဂီၤအဒိတဖၣ်သ့ဝဲနီၢ်နီၢ်န့ၣ်လီၤ.

လံာ်တၢ်ဟးထီၣ်ကွံာ် 36:1

စီၤဘစၤလအ့လး, စီၤအၤဟလံအာ်ဒီးကယဲၢ်ပှၤစုသ့တဖၣ်လၢကစၢ် ယွၤဟ့ၣ်လီၤတၢ်သ့တၢ်ဘၣ်ဒီးတၢ်သ့ၣ်ညါနၢ်ပၢၢ်, လၢအသ့ၣ်ညါတၢ်ကိးမံၤဒဲးဒီးတၢ်အလိၣ်တမံၤလၢ်လၢ်လၢတၢ်သူၣ် ထီၣ်ဒဲစီဆှံအဂီၢ်န့ၣ်ကဘၣ်မၤတၢ်ကိးမံၤဒဲးဒ်ယွၤမၤလိာ်ဝဲအသိးန့ၣ်လီၤ.”

လံာ်တၢ်ဟးထီၣ်ကွံာ် 36:8

ပှၤသ့မၤတၢ်အသ့ကတၢၢ်တဖၣ်လၢပှၤမၤတဖၣ်အကျါ, ဘှီထီၣ်ယွၤအဒဲစီဆှံန့ၣ်လီၤ. အဝဲသ့ၣ်မၤဝဲလၢတၢ်ကံးယာ် လုၣ်အဂ့ၤအဘ့ၣ်တဆံလၢအထါအသးအိၣ်ဒီးအလွဲၢ်လါအဲး, အလွဲၢ်လုးတကုာ်ဒီးသိဆူၣ်ဂီၤဒီးတၢ်အသးလၢအအိၣ်ဒီးအဒံးဆ့ တဖၣ်အတၢ်ဆးဒဲးကံၣ်ဒဲးဝ့ၤအဂီၤန့ၣ်လီၤ.

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.