လံာ်စီၤပၤအခီၣ်ထံးတဘ့ၣ် 6:9 - Sgaw Karen Common Bible

⁹ အန့ၣ်သတးဒီး, စီၤပၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ. အဝဲမၤထီၣ်တၢ်အခိၣ်ဒုးလာ်လၢကျိၤတဖၣ်ဒီးသ့ၣ်ဘၣ်တဖၣ်လၢသ့ၣ် ဆှိအ့ရ့းန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:9 Iomraidhean Croise

လံာ်စီၤပၤအခီၣ်ထံးတဘ့ၣ် 6:10

တၢ်သူၣ်ထီၣ်ဖိသၢဆီ, လၢတဆီစုာ်စုာ်ကစီၤထီၣ်ဝဲယဲၢ်ပျၢ်န့ၣ် ဘၣ်တၢ်ဘှီထီၣ်အီၤလၢယွၤအတၢ်လုၢ်ဟံၣ်အဒူၣ်အချၢတခီ ဒီးဘၣ်တၢ်ဒုးစဲဘူးအဝဲသ့ၣ်လၢသ့ၣ်ဆှိအ့ရ့းအကျိၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:14

အန့ၣ်ဒီးစီၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:8

ဒၢးဖိလၢတၢ်ဖီလာ်ကတၢၢ်တဆီအကျဲစၢၤအိၣ်ဝဲလၢယွၤအတၢ်လုၢ် ဟံၣ်အကလံၤထံးတကပၤအိၣ်ဒီးဃီသွါတဖၣ်လၢအလဲၤထီၣ်ဆူဒၢးခံ ဆီတဆီဒီးသၢဆီတဆီန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:51

ကယဲၢ်တၢ်အပီးအလီခဲလၢာ်အံၤဘၣ်တၢ်မၤအီၤလၢထူန့ၣ်လီၤ. တုၤစီၤပၤၡလိၤမိၤမၤဝံၤကယဲၢ်တၢ်မၤလၢယွၤအတၢ်လုၢ်ဟံၣ် အဂီၢ်န့ၣ်, ကယဲၢ်တၢ်လၢအပၢ်စီၤဒၤဝံးလုၢ်ထီၣ်တ့ၢ်ဝဲဆူ ယွၤအအိၣ်လၢအမ့ၢ်စ့, ထူဒီးတၢ်ပီးတၢ်လီအဂၤတဖၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:25

စီၤၡလိၤမိၤလုၢ်ထီၣ်ပာ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤ ဃူမၤဖိးတဖၣ်လၢတၢ်လုၢ်လီၢ်လၢအဝဲဘှီထီၣ်တ့ၢ်ဝဲလၢယွၤ အဂီၢ်အဖီခိၣ်တနံၣ်သၢဘျီန့ၣ်လီၤ. အဝဲဆူးကဲၤထီၣ်စ့ၢ်ကီးတၢ်လုၢ်နၢမူဆူယွၤအအိၣ်န့ၣ်လီၤ. ဒီးလၢတၢ်န့ၣ်အဃိအဝဲမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဟးထီၣ်ကွံာ် 40:33

စီၤမိၤၡ့ဘျးထီၣ်ဘျးသဒၢတၢ်ဝးတရံးဒဲစီဆှံဒီးတၢ်လုၢ် လီၢ်ဒီးဘျးလီၤစဲၤယၣ်ဘျးသဒၢဖဲဒဲစီဆှံအကျဲစၢၤန့ၣ်လီၤ. မၤသးဒ်န့ၣ်ဒီး, အဝဲမၤဝံၤကယဲၢ်တၢ်မၤခဲလၢာ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:17

သ့ၣ်ဆှိအ့ရ့းကမ့ၢ်ပဟံၣ်အတၢ်တီတဖၣ်, ဒီးသ့ၣ်ဆှိကမ့ၢ်ပဟံၣ်ခိၣ်ဒုးလာ်န့ၣ်လီၤ.