လံာ်စီၤပၤအခီၣ်ထံးတဘ့ၣ် 6:5 - Sgaw Karen Common Bible5 ဝးတရံးတၢ်လုၢ်ဟံၣ်အဒၢးဖးဒိၣ်တဖၣ်န့ၣ်, တၢ်သူၣ်ထီၣ်ဖိလၢ အအိၣ်သၢဆီတဖၣ်ဘၣ်တၢ်သူၣ်ထီၣ်အီၤအိၣ်စဲဘူးလိာ်အသး, ဒီးတဆီစုာ်စုာ်န့ၣ်ကစီၤထီၣ်ဝဲယဲၢ်ပျၢ်န့ၣ်လီၤ. Faic an caibideil |
လံာ်စီၤပၤအခီၣ်ထံးတဘ့ၣ် 6:5
26 Iomraidhean Croise
တၢ်ဖီလာ်ကတၢၢ်တဆီ, အဒၢးတဖျၢၣ်စုာ်စုာ်လဲၢ်ဝဲ, ယဲၢ်ပျၢ်, လၢတၢ်ခၢၣ်သးတဆီန့ၣ်လဲၢ်ဝဲ, ဃုပျၢ်ဒီးလၢအဖီခိၣ်ကတၢၢ်တဆီန့ၣ်လဲၢ်ဝဲနွံပျၢ်လီၤ. တၢ်လုၢ်ဟံၣ်အဒူၣ်လၢအဖီခိၣ်တဆီဘၣ်တဆီန့ၣ် ဘူန့ၢ်ဒံးလၢအဖီလာ်တဆီစုာ်စုာ်, ဒ်သိးဒၢးဖိတဖၣ်ဘၣ်တၢ်ဆီလီၤအီၤလၢတၢ်ဒူၣ်အလိၤကသ့ဝဲ, သုတအိၣ်ဒီးအသ့ၣ်အကျိၤတဖၣ်လၢဘၣ်တၢ်ဘှီနုာ်အီၤလၢတၢ်ဒူၣ် အလိၤတဂ့ၤအဂီၢ်န့ၣ်လီၤ.
ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.
ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.
Sanasan