Biblia Todo Logo
Bìoball air-loidhne

- Sanasan -




လံာ်စီၤပၤအခီၣ်ထံးတဘ့ၣ် 6:38 - Sgaw Karen Common Bible

38 ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

Faic an caibideil Dèan lethbhreac




လံာ်စီၤပၤအခီၣ်ထံးတဘ့ၣ် 6:38
19 Iomraidhean Croise  

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးအလီၢ်ခံ, အနံၣ်လွံၢ်ကယၤဃိးဆံ, ဖဲစီၤၡလိၤမိၤကဲစီၤပၤလၢကီၢ်အံၣ်စရ့လးလွံၢ်နံၣ်တနံၣ်လၢလါခံလါတလါ, လါစံာ်အပူၤန့ၣ်စီၤၡလိၤမိၤစးထီၣ်တၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်အဂီၢ်န့ၣ်လီၤ.


အန့ၣ်ဒီးစီၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.


ယွၤအတၢ်လုၢ်ဟံၣ်အခီၣ်ထံးဘၣ်တၢ်ပာ်လီၤအီၤလၢလါခံလါတလါ, လါစံာ်လၢစီၤၡလိၤမိၤပၢတၢ်လွံၢ်နံၣ်တနံၣ်အကတီၢ်န့ၣ်လီၤ.


အန့ၣ်သတးဒီး, စီၤပၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ. အဝဲမၤထီၣ်တၢ်အခိၣ်ဒုးလာ်လၢကျိၤတဖၣ်ဒီးသ့ၣ်ဘၣ်တဖၣ်လၢသ့ၣ် ဆှိအ့ရ့းန့ၣ်လီၤ.


စီၤၡလိၤမိၤသူၣ်ထီၣ်စ့ၢ်ကီးနီတဖျၢၣ်လၢအဂီၢ်ဒၣ်ဝဲ, ဒီးယံာ်ဝဲတဆံသၢနံၣ်န့ၣ်လီၤ.


စီၤၡလိၤမိၤသူၣ်ထီၣ်ယွၤအတၢ်လုၢ်ဟံၣ်ဒီးအဝဲအနီ, ယံာ်ဝဲအနံၣ်ခံဆံန့ၣ်လီၤ.


စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”


စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”


လၢတၢ်ဘှီထီၣ်ယွၤအတၢ်လုၢ်ဟံၣ်ဒီးစီၤပၤအနီအဂီၢ်န့ၣ်, တၢ်ဆၢကတီၢ်ယံာ်ဝဲလၢစီၤၡလိၤမိၤအဂီၢ်အနံၣ်ခံဆံလီၤ.


တုၤတၢ်ဆၢကတီၢ်အဝဲအံၤန့ၣ်, စီၤၡလိၤမိၤအတၢ်တိာ်ကျဲၤအတၢ်မၤ ခဲလၢာ်ဘၣ်တၢ်မၤဝံၤအီၤလၢလၢပှဲၤပှဲၤန့ၣ်လီၤ. စးထီၣ်လၢတၢ်ပာ်လီၤယွၤအတၢ်လုၢ်ဟံၣ်အလၢၢ်ခၢၣ်သနၢၣ်ဒီးတုၤလၢ အဝံၤဝဲတစုန့ၣ်, ကယဲၢ်တၢ်မၤခဲလၢာ်အံၤကဲထီၣ်လိၣ်ထီၣ်ဝဲလၢလၢပှဲၤပှဲၤန့ၣ် လီၤ.


အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.


ကယဲၢ်တၢ်မၤလၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်, လၢခံကတၢၢ်န့ၣ်ဘၣ်တၢ်မၤဝံၤအီၤဂ့ၤဂ့ၤန့ၣ်လီၤ. ပှၤအံၣ်စရ့လးဖိတဖၣ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.


ပှၤအံၣ်စရ့လးဖိတဖၣ်မၤဝံၤကယဲၢ်တၢ်မၤခဲလၢာ်, ဒ်ယွၤမၤလိာ်တ့ၢ်စီၤမိၤၡ့န့ၣ်လီၤ.


စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.


အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”


အဝဲသ့ၣ်သံကွၢ်အီၤ, “နကသူၣ်ထီၣ်ကဒါက့ၤအီၤလၢသၢသီ အတီၢ်ပူၤန့ၣ်ဧါ. တၢ်လုၢ်ဟံၣ်အံၤတၢ်သူၣ်ထီၣ်အီၤယံာ်လွံၢ်ဆံဃု နံၣ်ညါန့ၣ်လီၤ.”


Lean sinn:

Sanasan


Sanasan