လံာ်စီၤပၤအခီၣ်ထံးတဘ့ၣ် 6:35 - Sgaw Karen Common Bible

³⁵ ဒီးဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ် အဂီၤလၢတၢ်စိးပျၤအီၤဒီးဘၣ်တၢ်ကးဘၢအီၤလၢထူဖိးလိာ်ဖိး ဒ့န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:35 Iomraidhean Croise

လံာ်စီၤပၤအခီၣ်ထံးတဘ့ၣ် 6:18

သ့ၣ်ဆှိအ့ရ့းအသ့ၣ်ဘၣ်တဖၣ်ဘၣ်တၢ်ကယၢကယဲအီၤဒီးထံလူၤသၣ် တဖၣ်ဒီးဖီတဖၣ်လၢတၢ်စိးပျၤန့ၢ်အီၤလီၤ. တၢ်ဒူၣ်အအိပူၤတကပၤအံၤဘၣ်တၢ်ကးဘၢအီၤဒီးသ့ၣ်ဆှိအ့ရ့းဒ် သိးလၢၢ်လၢတၢ်ဒူၣ်တဖၣ်အလိၤအသုတဘၣ်တၢ်ထံၣ်အီၤတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:34

ဖဲန့ၣ်တြဲၤအလၣ်လၢတၢ်မၤအီၤလၢသ့ၣ်ဆှိဒီးကၢ်ချံးအသးသ့ဝဲ အိၣ်ခံဘ့ၣ်,

လံာ်စီၤပၤအခီၣ်ထံးတဘ့ၣ် 6:36

ဘျီၣ်လၢအအိၣ်လၢတၢ်သးကံၢ်ပူၤတဖျၢၣ်န့ၣ်ဘၣ်တၢ်ဘှီထီၣ်အီၤလၢ ယွၤအတၢ်လုၢ်ဟံၣ်အမဲာ်ညါဒီးဘၣ်တၢ်ဒူၣ်ဝးတရံးအီၤ လၢတၢ်ဒူၣ်လၢတၢ်မၤအီၤဒီးသ့ၣ်ဆှိအ့ရ့းအကျိၤတကထၢအဖီခိၣ် အိၣ်ဒီးလၢၢ်သၢကထၢတဆီဘၣ်တဆီန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:26

ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီဒ့ၣ်ညါတဖီးသလၣ်ထီၣ်အကဘျံးတဖၣ်န့ၣ်လီၤ. ထံဒၢတိၢ်ဘီဖးဒိၣ်အံၤတြီၢ်ဝဲဘၤသၤခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:36

ပၢၢ်တဖၣ်, သ့ၣ်ဘၣ်တဖၣ်ဒီးဖဲတၢ်လီၢ်လီၤဟိတတီၤတီၤဝးတရံး န့ၣ်, ဘၣ်တၢ်ကယၢကယဲအီၤလၢခ့ရူာ်အတၢ်ဂီၤတဖၣ်, ခ့ယုၢ်အတၢ်ဂီၤတဖၣ်ဒီးသ့ၣ်စူၣ်ပလူၣ်အတၢ်ဂီၤတဖၣ်, ဒီးဖီကွီၤအဂီၤအတၢ်စိးပျၤအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:21

တၢ်မၤဃံမၤလၤလၢဖီတဖၣ်, မ့ၣ်အူဒၢတဖၣ်, ဒီးနီၣ်တံာ်လၢကမၤပံာ်မ့ၣ်အူတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 4:22

နီၣ်တံာ်လၢကမၤကဆှီမ့ၣ်အူအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢတၢ်ကစိာ် မ့ၣ်အူအ့ၣ်တဖၣ်န့ၣ်လီၤ. တၢ်တဖၣ်ခဲလၢာ်အံၤဘၣ်တၢ်မၤအီၤလၢထူစီန့ၣ်လီၤ. ယွၤအတၢ်လုၢ်ဟံၣ်အတြဲၤလၢတၢ်ချၢတဖၣ်ဒီးတြဲၤလၢတၢ်လဲၤနုာ် ဆူတၢ်လီၢ်စီဆှံကတၢၢ်တဖၣ်န့ၣ်, ဘၣ်တၢ်ကျးဘၢအီၤလၢထူန့ၣ်လီၤ.

စံးထီၣ်ပတြၢၤ 74:6

အဝဲသ့ၣ်ကျီဟးဂီၤကွံာ်သ့ၣ်အဂီၤပၤတဖၣ် လၢအကွါဒီးခံၣ်ခူၣ်တဖၣ်န့ၣ်လီၤ.

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:22

ကျဲစၢၤထံးအဒၢး, ပဲတြီဖိတဖၣ်, ဒီးသ့ၣ်စူၣ်ပလိၣ်လၢအဘၣ် တၢ်ဒိးပျၤအီၤတဖၣ်န့ၣ်, မ့ၢ်တၢ်ဒ်သိးလိာ်အသးဒီးတၢ်တဖၣ် လၢအအိၣ်လၢမုၢ်ထီၣ်အတြဲၤဖးဒိၣ်တခီန့ၣ်လီၤ. ဖဲအံၤဃီသွါနွံသွါလဲၤထီၣ်ဝဲဆူတြဲၤဖးဒိၣ်, ဒီးကျဲစၢၤထံးအဒၢးန့ၣ်, အိၣ်ဝဲဖဲဃီသွါအခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤန့ၣ်လီၤ.

လံာ်ယဃ့းစက့လး 41:18

သ့ၣ်စူၣ်ပလိၣ်တဖၣ်ဒီးတၢ်ဘၣ်တ့တဖၣ်လၢအအိၣ်ဒီးအဒံးဆ့တဖၣ် န့ၣ်လီၤ. ဝးတရံးဒၢးဒီတဖျၢၣ်ညါန့ၣ်သ့ၣ်စူၣ်ပလူၣ်တဖၣ်ဒီးတၢ်ဘၣ်တ့ တဖၣ်လၢအအိၣ်ဒီးအဒံးဆ့တဖၣ်အတၢ်ဂီၤစိးပျၤအသးန့ၣ်အိၣ် ရဲၣ်လီၤအသးတခါဝံၤတခါပိာ်လိာ်အခံန့ၣ်လီၤ. တၢ်ဘၣ်တ့တခါ စုာ်စုာ်န့ၣ်အိၣ်ဒီးအမဲာ်သၣ်ခံဘ့ၣ်န့ၣ်လီၤ.