လံာ်စီၤပၤအခီၣ်ထံးတဘ့ၣ် 6:20 - Sgaw Karen Common Bible

²⁰ ဒၢးလၢတၢ်သးကံၢ်ပူၤအံၤအထီမ့ၢ်ဝဲအပျၢ်ခံဆံ, အဒီၣ်ဃီၤမ့ၢ်ဝဲအပျၢ်ခံဆံဒီးအကစီၤထီၣ်မ့ၢ်ဝဲအပျၢ်ခံဆံ, ခဲလၢာ်ဘၣ်တၢ်ကျးဘၢအီၤလၢထူစီန့ၣ်လီၤ. တၢ်လုၢ်လီၢ်န့ၣ်ဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:20 Iomraidhean Croise

လံာ်စီၤပၤအခီၣ်ထံးတဘ့ၣ် 6:19

လၢယွၤအတၢ်လုၢ်ဟံၣ်အလီၢ်ခံန့ၣ်, ဒၢးလၢတၢ်အသးကံၢ်ပူၤတဖျၢၣ် ဘၣ်တၢ်ဘှီထီၣ်အီၤလၢယွၤအတၢ်အၢၣ်လီၤအီလီၤအတလါ ကဘၣ်တၢ်ပာ်လီၤအီၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:21

ယွၤအတၢ်လုၢ်ဟံၣ်အအိပူၤဘၣ်တၢ်ကးဘၢအီၤလၢထူဒီးပျံၤသွဲထူတဖၣ် ဘၣ်တၢ်ဘျးလီၤခီဂာ်အီၤလၢဒၢးလၢတၢ်သးကံၢ်ပူၤအကျဲစၢၤဒီး, ဒၢးအံၤဘၣ်တၢ်ကးဘၢအီၤဒီးထူန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:22

ယွၤအတၢ်လုၢ်ဟံၣ်အအိပူၤခဲလၢာ်ဘၣ်တၢ်ကးဘၢအီၤလၢထူ, ဒီးဒ်န့ၣ်အသိး, တၢ်လုၢ်လီၢ်လၢအအိၣ်လၢတၢ်လီၢ်စီဆှံ ကတၢၢ်အပူၤစ့ၢ်ကီးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 3:7

အဝဲသူတ့ၢ်ထူလၢကကျးယွၤအတၢ်လုၢ်ဟံၣ်အဒူၣ်တဖၣ်, အကျိၤတဖၣ်, ကျဲအဟဲနုာ်တဖၣ်ဒီးတြဲၤတဖၣ်အဂီၢ်န့ၣ်လီၤ. လၢတၢ်ဒူၣ်တဖၣ်အလိၤန့ၣ်, ပှၤမၤတၢ်ဖိတဖၣ်စိးပျၤခ့ရူာ်အဂီၤ တဖၣ်န့ၣ်လီၤ.

လံာ်တၢ်ဟးထီၣ်ကွံာ် 26:29

သ့ၣ်ဘ့ၣ်ဘၣ်တဖၣ်ကးဘၢအီၤလၢထူဒီးထီထီၣ်ထူအကွီၤတဖၣ် လၢကဟံးဃာ်နီၣ်ဘိတဖၣ်လၢကဘၣ်တၢ်ပီၤစ့ၢ်ကီးအီၤလၢထူန့ၣ် တက့ၢ်.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်ယဃ့းစက့လး 41:4

အဝဲထိၣ်ကွၢ်ဒၢးန့ၣ်, ဒီးလဲၢ်ဝဲအပျၢ်ခံဆံဝးတရံးန့ၣ်လီၤ. ဒၢးအံၤအိၣ်လၢတၢ်ခၢၣ်သးအဘးခီန့ၣ်လီၤ. အန့ၣ်ဝံၤဒီး အဝဲစံးဘၣ်ယၤ, “အဝဲအံၤမ့ၢ်တၢ်လီၢ်စီဆှံကတၢၢ်” န့ၣ်လီၤ.