လံာ်စီၤပၤအခီၣ်ထံးတဘ့ၣ် 5:9 - Sgaw Karen Common Bible

⁹ ယပှၤတဖၣ်ကဟဲစိာ်လီၤသ့ၣ်အကျီၣ်တဖၣ်လၢကီၢ်လဘၤနိၣ်ဆူပီၣ်လဲၣ် ဒီးကစၢထီၣ်အီၤတပူၤဃီဒ်ထိတဖၣ်အသိးဒီးထိၣ်ထွံလီၤအီၤလၢ ပီၣ်လဲၣ်နံၤဆူတၢ်လီၢ်လၢနဃုထၢန့ၣ်လီၤ. ဖဲန့ၣ်ယပှၤတဖၣ်ကဃ့ၣ်လီၤကွံာ်အီၤဒီးနပှၤတဖၣ်ကအံးထွဲ ကွၢ်ထွဲက့ၤအီၤန့ၣ်လီၤ. နဲဒၣ်တခီယအဲၣ်ဒိးလၢနကဟ့ၣ်ယခ့ယပှၤသ့ၣ်တဖၣ်လၢတၢ်အီၣ်တၢ်အီ န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:9 Iomraidhean Croise

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:10

လၢတၢ်န့ၣ်အဃိစီၤဃူရၣ်ဟ့ၣ်ဝဲစီၤၡလိၤမိၤလၢသ့ၣ်ဆှိအ့ ရ့းဒီးသ့ၣ်ဆှိအကျီၣ်တဖၣ်လၢအသးလီဝဲ,

လံာ်စီၤပၤအခီၣ်ထံးတဘ့ၣ် 5:8

အန့ၣ်ဒီးစီၤဃူရၣ်ဆှၢလီၤတၢ်ကစီၣ်ဒ်လာ်အံၤဆူ စီၤၡလိၤမိၤအအိၣ်စံးဝဲ, “ယဒိးန့ၢ်ဘၣ်နတၢ်ကစီၣ်ဒီးယအိၣ် ကတဲာ်ကတီၤယသးလၢယကမၤတၢ်လၢနဃ့န့ၣ်လီၤ. ယကဟ့ၣ်လီၤသ့ၣ်ဆှိအ့ရ့းတဖၣ်ဒီးသ့ၣ်ဆှိတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:27

စီၤပၤဃံရၣ်ဆှၢလီၤအပှၤကဘီဖိလၢအတၢ်လဲၤခီဖျိအါဝဲတနီၤ လၢအကဘီကရူၢ်အပူၤဒ်သိးကမၤသကိးတၢ်ဒီးစီၤၡလိၤမိၤအပှၤတဖၣ် အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:15

ဖဲအဝဲပၢတၢ်အကတီၢ်န့ၣ်, စ့ဒီးထူတဖၣ်ကဲထီၣ်တၢ်လၢတမ့ၢ်တၢ် လီၤဆီလၢၤဘၣ်ဒ်ဒၣ်လၢၢ်တဖၣ်လၢဝ့ၢ်ယရူၤၡလ့ၣ်အပူၤအသိး, ဒီးသ့ၣ်ဆှိအ့ရ့းတဖၣ်အိၣ်ဝဲအါအါကလဲာ်ဒ်ဒၣ်သိးဝံၣ်ဒၢမုၢ် ဆ့ၣ်မုၢ်ဂီၤလၢအအိၣ်လၢယူဒၤအကစၢၢ်ကလိတဖၣ်အခီၣ်ထံး အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 9:22

စီၤပၤၡလိၤမိၤမ့ၢ်ပှၤထူးတီၤအါန့ၢ်ဒီးကူၣ်သ့ဒိၣ်န့ၢ်ဒံး စီၤပၤအဂၤတဖၣ်လၢဟီၣ်ခိၣ်ချၢန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:16

ယစံးလီၤတ့ၢ်ယသး, ယကဲထီၣ်ပှၤဖးဒိၣ်တဂၤလံ. ယကူၣ်သ့ဒိၣ်န့ၢ်ဒံးပှၤတဂၤဂ့ၤတဂၤဂ့ၤလၢအပၢဝ့ၢ်ယရူၤၡလ့ၣ် လၢယမဲာ်ညါန့ၣ်လီၤ. တၢ်ကူၣ်သ့ဒီးတၢ်သ့ၣ်ညါ နီၢ်နီၢ်မ့ၢ်တၢ်မနုၤလဲၣ်န့ၣ်, ယသ့ၣ်ညါယဲလီၤ.

လံာ်ယဃ့းစက့လး 27:17

ကီၢ်ယူဒၤဒီးကီၢ်အံၣ်စရ့လးတဖၣ် ဟ့ၣ်နၤတၢ်အပှ့ၤလၢဘုကၠူၣ်, ကနဲစီ, သ့ၣ်စၤယံးအသိဒီးတၢ်နၢမူတဖၣ်လၢတၢ်ဖိတၢ်လံၤတဖၣ် လၢနဆါအီၤအဂီၢ်န့ၣ်လီၤ.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.

လံာ်သိၣ်လီၤသီလီၤတၢ် 3:25

ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.