လံာ်စီၤပၤအခီၣ်ထံးတဘ့ၣ် 5:7 - Sgaw Karen Common Bible

⁷ ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 5:7 Iomraidhean Croise

လံာ်တၢ်ကဲထီၣ်အခီၣ်ထံး 33:5

တုၤစီၤဧ့ၡီၤကွၢ်တၢ်ဝးဝးဒီးထံၣ်ဝဲပှၤပိာ်မုၣ်တဖၣ်ဒီးဖိ သၣ်တဖၣ်န့ၣ်သံကွၢ်ဝဲ, “ပှၤအိၣ်ဒီးနၤတဖၣ်အံၤမ့ၢ်မတၤလဲၣ်.” စီၤယၤကိာ်စံးဆၢဝဲ, “တၢ်ဒိၣ်ဧၢ, အဝဲသ့ၣ်တဖၣ်အံၤမ့ၢ်ဖိ သၣ်တဖၣ်လၢကစၢ်ယွၤဟ့ၣ်သးကညီၤယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:48

ဒီးဃ့ဘါထုကဖၣ်ဝဲ, မ်ပကစံးထီၣ်ပတြၢၤယွၤ, ကီၢ်အံၣ်စရ့လးအကစၢ်ယွၤလၢမုၢ်မဆါတနံၤအံၤ, ဒုးကဲထီၣ်ယစၢၤယသွဲၣ်အကျါတဂၤလၢကထီၣ်ယလီၢ်ဒ်စီၤပၤတဂၤ အသိးဒီးပျဲယအိၣ်မူလၢယကထံၣ်ဘၣ်တၢ်အံၤ, အဃိန့ၣ်တက့ၢ်, န့ၣ်လီၤ.”

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤပၤအခီၣ်ထံးတဘ့ၣ် 4:7

စီၤၡလိၤမိၤဃုထၢပာ်လီၤပှၤတဆံခံဂၤဒ်ကီၢ်ဆၣ်အပဒိၣ်ဖးဒိၣ် တဖၣ်အသိးလၢကီၢ်အံၣ်စရ့လးအပူၤန့ၣ်လီၤ. အဝဲသ့ၣ်ကဘၣ်ဟ့ၣ်ထီၣ်တၢ်အီၣ်တၢ်အီလၢအကီၢ်ဆၣ်ဒၣ်ဝဲလၢစီၤပၤ ဒီးပှၤအိၣ်လၢနီပူၤခဲလၢာ်အဂီၢ်န့ၣ်လီၤ. လၢတနံၣ်အတီၢ်ပူၤန့ၣ်အဝဲသ့ၣ်တဂၤစုာ်စုာ်အိၣ်ဒီးမူဒါလၢ တၢ်အီၣ်တလါအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 5:8

အန့ၣ်ဒီးစီၤဃူရၣ်ဆှၢလီၤတၢ်ကစီၣ်ဒ်လာ်အံၤဆူ စီၤၡလိၤမိၤအအိၣ်စံးဝဲ, “ယဒိးန့ၢ်ဘၣ်နတၢ်ကစီၣ်ဒီးယအိၣ် ကတဲာ်ကတီၤယသးလၢယကမၤတၢ်လၢနဃ့န့ၣ်လီၤ. ယကဟ့ၣ်လီၤသ့ၣ်ဆှိအ့ရ့းတဖၣ်ဒီးသ့ၣ်ဆှိတဖၣ်န့ၣ်လီၤ.

စံးထီၣ်ပတြၢၤ 137:6

ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး, ယမ့ၢ်တပာ်ကဲယရူၤရှလ့ၣ်လၢယတၢ်သးခု အဒိၣ်ကတၢၢ် န့ၣ်ဘၣ်ဒီး, မ်ယပျ့ၤစဲဘူးဒီးယခၣ်ခိၣ်တက့ၢ်.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 13:1

ဖိခွါလၢအကူၣ်တၢ်သ့န့ၣ်ပာ်သူၣ်ပာ်သးသပှၢ်ပှၢ်ဖဲအပၢ်သိၣ်က့ၤ သီက့ၤအီၤန့ၣ်လီၤ. မ့မ့ၢ်ပှၤလၢအပာ်ထီၣ်ထီအသးန့ၣ်, တအၢၣ်လီၤအတၢ်ကမၣ်နီတစုဘၣ်.

တၢ်ကတိၤဒိ. 15:20

ဖိခွါလၢအကူၣ်သ့န့ၣ်ဒုးသးခုအပၢ်အသးလီၤ. မ့မ့ၢ်ထဲဒၣ်ပှၤဟးဂီၤဖိတဂၤန့ၣ်တပာ်ကဲဘၣ်အမိၢ်ဘၣ်.

တၢ်ကတိၤဒိ. 23:24

ပှၤအတီအလိၤတဂၤအပၢ်အိၣ်ဒီးတၢ်အဂ့ၢ်အခၢးအဂ့ၤလၢကသးခုဝဲ အဂီၢ်လီၤ. နပာ်ကဖၢလၢနသးလၢဖိခွါလၢအကူၣ်တၢ်သ့တဂၤအဃိသ့လီၤ.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.