လံာ်စီၤပၤအခီၣ်ထံးတဘ့ၣ် 5:6 - Sgaw Karen Common Bible

⁶ လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 5:6 Iomraidhean Croise

လံာ်တၢ်ကဲထီၣ်အခီၣ်ထံး 10:15

ဒီးစီၤကနၤဧၣ်အဖိခွါတဖၣ်, စီၤစံဒိၣ်ပှၤအဝဲၢ်ကိဒီးစီၤဃ့ၤသး, မ့ၢ်ဝဲပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 10:26

စီၤၡလိၤမိၤပာ်ဖှိၣ်ထီၣ်လ့ၣ်ကဟၣ်သုးတဖုလၢအနီၣ်ဂံၢ်အိၣ်ဝဲ အဆိတကထိလွံၢ်ကယၤဒီးပှၤဒိးကသ့ၣ်သုးဖိအိၣ်ဝဲအဂၤတကလးခံ ကထိန့ၣ်လီၤ. တနီၤန့ၣ်အဝဲပာ်ဝဲလၢဝ့ၢ်ယရူၤၡလ့ၣ်အပူၤဒီးအဂၤတဖၣ်န့ၣ်အဝဲ ပာ်လီၤဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 6:16

ဒၢးလၢတၢ်အသးကံၢ်ပူၤကတၢၢ်လၢအဘၣ်တၢ်ကိးအီၤလၢတၢ်စီဆှံ ကတၢၢ်န့ၣ်ဘၣ်တၢ်ဘှီအီၤဖဲယွၤအတၢ်လုၢ်ဟံၣ်အလီၢ်ခံန့ၣ်လီၤ. အထီအိၣ်ဝဲအပျၢ်ခံဆံဒီးဘၣ်တၢ်ဒူၣ်တဲာ်အီၤလၢသ့ၣ်ဆှိအ့ ရ့းအသ့ၣ်ဘၣ်တဖၣ်စးထီၣ်လၢတၢ်ဒါအလီၢ်ဒီးတုၤလၢအခိၣ်ဒုးလာ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:20

ဒၢးလၢတၢ်သးကံၢ်ပူၤအံၤအထီမ့ၢ်ဝဲအပျၢ်ခံဆံ, အဒီၣ်ဃီၤမ့ၢ်ဝဲအပျၢ်ခံဆံဒီးအကစီၤထီၣ်မ့ၢ်ဝဲအပျၢ်ခံဆံ, ခဲလၢာ်ဘၣ်တၢ်ကျးဘၢအီၤလၢထူစီန့ၣ်လီၤ. တၢ်လုၢ်လီၢ်န့ၣ်ဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:27

စီၤပၤဃံရၣ်ဆှၢလီၤအပှၤကဘီဖိလၢအတၢ်လဲၤခီဖျိအါဝဲတနီၤ လၢအကဘီကရူၢ်အပူၤဒ်သိးကမၤသကိးတၢ်ဒီးစီၤၡလိၤမိၤအပှၤတဖၣ် အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:4

အဝဲအိၣ်စ့ၢ်ကီးဒီးပှၤဂီၢ်မုၢ်လၢဝ့ၢ်ထါယၢၣ်ဒီးကီၢ်စံဒိၣ် တဖၣ်လၢအဟဲစိာ်န့ၢ်အီၤသ့ၣ်ဆှိအ့ရ့းအကျီၣ်ဖးဒိၣ်တဖၣ်အါအါ ဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:14

အဝဲမၤထီၣ်လ့ၣ်ကဟၣ်သုးအဆိတကထိလွံၢ်ကယၤ, ဒီးဃုထၢထီၣ်ပှၤဒိးကသ့ၣ်, သုးဖိတကလးခံကထိဂၤန့ၣ်လီၤ. အကျါတနီၤန့ၣ်ပာ်ဝဲဖဲဝ့ၢ်ယရူၤၡလ့ၣ်အပူၤဒီးအဂၤတဖၣ်ပာ်လီၤ ဝဲလၢဝ့ၢ်အဂၤတဖၣ်အပူၤစုာ်စုာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:10

လၢနပှၤကူာ်သ့ၣ်တဖၣ်အတၢ်အီၣ်အဂီၢ်, ယကဟ့ၣ်လီၤနၤဘုကၠူၣ်အကိၢ် ခံကလးဘုမုယီၤအကိၢ်ခံကလး, စပံးထံအဘၤသးခံကလးဒီးသ့ၣ်စၤယံးအသိအဘၤသးခံကလးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:8

ယသ့ၣ်ညါလၢနပှၤကူၣ်သ့ၣ်တဖၣ်အိၣ်ဒီးအတၢ်သ့တၢ်ဘၣ်ထဲလဲၣ်ထဲ လဲၣ်အဃိ, ဆှၢလီၤန့ၢ်ယၤသ့ၣ်ဆှိအ့ရ့း, သ့ၣ်ဆှိ, သ့ၣ်အလၤမူးအကျီၣ်တဖၣ်လၢကီၢ်လဘၤနိၣ်န့ၣ်တက့ၢ်. ယအိၣ်ကတဲာ်ကတီၤယသးလၢယကဆှၢလီၤယပှၤတဖၣ် လၢကမၤစၢၤနပှၤတဖၣ်,

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

စံးထီၣ်ပတြၢၤ 29:5

ယွၤအကလုၢ်မၤကၢ်လီၤသ့ၣ်ဆှိအ့ရ့း, ယွၤမၤကၢ်လီၤလဘၤနိၣ်အသ့ၣ်ဆှိအ့ရ့းန့ၣ်လီၤ.

လံာ်စကၤရယၤ 11:12

ယစံးဘၣ်အဝဲသ့ၣ်, “သုသးမ့ၢ်အိၣ်ဒီးဟ့ၣ်ယၤယဘူးယလဲတက့ၢ်. ဘၣ်ဆၣ်သုသးမ့ၢ်တအိၣ်န့ၣ်, တဘၣ်ဟ့ၣ်ယၤတဂ့ၤ.” လၢတၢ်န့ၣ်အဃိအဝဲသ့ၣ်ဟ့ၣ်ယၤလၢစ့အဘ့ၣ်သၢဆံဒ်ယဘူးယလဲအသိး န့ၣ်လီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

အ့းဖ့းစူး 4:7

ဘၣ်ဆၣ်ဒီး, ပဝဲတဂၤစုာ်စုာ်ပဘၣ်တၢ်ဟ့ၣ်လီၤပှၤလၢတၢ်ဘျုး တၢ်ဖှိၣ်လီၤဆီဒ်ခရံာ်ဃီၣ်ဟ့ၣ်တၢ်အသိးန့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.