လံာ်စီၤပၤအခီၣ်ထံးတဘ့ၣ် 5:17 - Sgaw Karen Common Bible

¹⁷ ဖဲဒၣ်စီၤပၤၡလိၤမိၤမၤလိာ်ဝဲန့ၣ်, အဝဲသ့ၣ်ကူးတဲာ်လၢၢ်ဖးဒိၣ်အဂ့ၤတဖၣ် လၢယွၤအတၢ်လုၢ်ဟံၣ်အခီၣ်ထံးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:39

ယကျီကွံာ်အဝဲသ့ၣ်ဒီးအဝဲသ့ၣ်ဂဲၤဆၢထၢၣ်တန့ၢ်ဘၣ်. အဝဲသ့ၣ်လီၤဃံၤဝဲလၢယမဲာ်ညါဒ်ပှၤဃၣ်ကွံာ်တဖၣ်အသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:5

“လဲၤဒီးတဲဘၣ်ယခ့ယပှၤစီၤဒၤဝံးလၢယစံးဘၣ်အီၤဒ်အံၤ, နတမ့ၢ်ပှၤတဂၤလၢကဘၣ်သူၣ်ထီၣ်တၢ်လုၢ်ဟံၣ်တဖျၢၣ်လၢယကအိၣ်လၢ အပူၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 6:7

လၢၢ်တဖၣ်လၢတၢ်ဘှီထီၣ်ယွၤအတၢ်လုၢ်ဟံၣ်န့ၣ်, ဘၣ်တၢ်ကတဲာ်ကတီၤပာ်စၢၤအီၤလၢတၢ်ခူၣ်လၢၢ်အလီၢ်, ဒ်သိးတၢ်သီၣ်တၢ်သဲလၢခံၣ်ခူၣ်မ့ၢ်ဂ့ၤ, ကွါမ့ၢ်ဂ့ၤ, တၢ်ပီးတၢ်လီလၢထးအဂၤမ့ၢ်ဂ့ၤအသုတအိၣ်တဂ့ၤ, ဖဲတၢ်ဘှီထီၣ်ယွၤအတၢ်လုၢ်ဟံၣ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:9

ကယဲၢ်တၢ်သူၣ်ထီၣ်, ခဲလၢာ်အံၤဒီးဂၢၤဖးဒိၣ်န့ၣ်, ဘၣ်တၢ်မၤအီၤလၢလၢၢ်အဂ့ၤတဖၣ်စးထီၣ်လၢအသနၢၣ်ခီၣ်ထံးတုၤလီၤ လၢအခိၣ်စိးန့ၣ်လီၤ. လၢၢ်တဖၣ်ဘၣ်တၢ်ကတဲာ်ကတီၤအီၤလၢတၢ်စိးပျၢၤလၢၢ်အလီၢ်, ဒီၣ်တဲာ်အီၤဒ်အတၢ်ထိၣ်တဲာ်အိၣ်ဝဲ, ဒီးအကပၤလၢအအိပူၤဒီးလၢအချၢခံခီလိာ်ဘၣ်တၢ်ဘူးဃူအီၤ လၢထးဘူးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:2

စီၤပၤစီၤဒၤဝံးဟ့ၣ်လီၤတ့ၢ်အကလုၢ်ဒ်သိးပှၤတခီဘီမုၢ်ဖိ ခဲလၢာ်လၢအအိၣ်ဝဲဆိးဝဲလၢကီၢ်အံၣ်စရ့လးအပူၤကအိၣ်ဖှိၣ်ရိ ဖှိၣ်, ဒီးပာ်အဝဲသ့ၣ်လၢကမၤတၢ်အဂီၢ်န့ၣ်လီၤ. အဝဲသ့ၣ်တနီၤဘၣ်ကူး တဲာ်လၢၢ်တဖၣ်ဒ်သိးကအိၣ်ကတဲာ်ကတီၤအသးလၢတၢ်သူၣ်ထီၣ်တၢ်လုၢ် ဟံၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:8

ဘၣ်ဆၣ်ကစၢ်ယွၤတဲဘၣ်တ့ၢ်ယၤလၢယမၤသံတ့ၢ်ဘၣ်ပှၤဂီၢ်မုၢ်အါမး ဒီးဒုးတၢ်ဒုးတၢ်ယၤအါမးန့ၣ်လီၤ. သတးဒီး, လၢကယဲၢ်တၢ်သွံၣ်လၢယလူလီၤတ့ၢ်ဘၣ်အီၤတဖၣ်အဃိအဝဲ တပျဲဘၣ်ယသူၣ်ထီၣ်တၢ်လုၢ်ဟံၣ်တဖျၢၣ်လၢအဂီၢ်ဘၣ်န့ၣ်လီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’