လံာ်စီၤပၤအခီၣ်ထံးတဘ့ၣ် 5:14 - Sgaw Karen Common Bible

¹⁴ ဒီးပာ်လီၤစီၤအဒိနံရၣ်ဒ်ပှၤအခိၣ်လၢကပၢဆှၢအဝဲသ့ၣ်န့ၣ်လီၤ. စီၤၡလိၤမိၤနီၤဖးလီၤအဝဲသ့ၣ်ဆူပှၤတကလးစုာ်စုာ်, သၢကရူၢ်ဒီးပှၤတကရူၢ်ဘၣ်တကရူၢ်စုာ်စုာ်မၤတၢ်လၢကီၢ်လဘၤနိၣ်တလါ, ဒီးလၢအထံအကီၢ်အပူၤခံလါန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:14 Iomraidhean Croise

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:18

တုၤနုၤတစု, စီၤပၤစီၤရဃၤဘၣ်ဆှၢလီၤစီၤအဒိၤရၣ်လၢအမ့ၢ် ပှၤအခိၣ်တဂၤလၢပှၤဘၣ်တၢ်မၢဆူၣ်မၤနၢၤအီၤအကျါဒ်သိးကလဲၤဆူ ပှၤအံၣ်စရ့လးဖိတဖၣ်အအိၣ်, ဘၣ်ဆၣ်အဝဲသ့ၣ်ကွံာ်သံကွံာ်အီၤလၢလၢၢ်န့ၣ်လီၤ. လၢတၢ်အံၤအဃိစီၤရဃၤဘၣ်ဒိးထီၣ်အလ့ၣ်ကဟၣ်ချ့သဒံးဒီးဃ့ၢ် ပူၤဖျဲးကွံာ်အသးဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:18

တုၤနုၤတစု, စီၤပၤရဃၤဘၣ်ဆှၢလီၤစီၤအဒိၤနံရၣ်, လၢအမ့ၢ်ပှၤအဒိၣ်တဂၤလၢအကွၢ်ထွဲပှၤလၢတၢ်မၢဆူၣ်အီၤလၢကုၢ် အတၢ်မၤအပူၤ, ဒ်သိးကလဲၤဆူပှၤအံၣ်စရ့လးဖိတဖၣ်အအိၣ်န့ၣ်လီၤ. ဘၣ်ဆၣ်အဝဲသ့ၣ်ကွံာ်သံကွံာ်အီၤလၢလၢၢ်န့ၣ်လီၤ. လၢတၢ်မၤအသးအံၤအဃိ, စီၤရဃၤဘၣ်ဒိးထီၣ်အလ့ၣ်ကဟၣ်ချ့ချ့ ဒီးဃ့ၢ်ပူၤဖျဲးကွံာ်အသးဆူဝ့ၢ်ယရူၤၡလ့ၣ်န့ၣ်လီၤ.