လံာ်စီၤပၤအခီၣ်ထံးတဘ့ၣ် 5:1 - Sgaw Karen Common Bible

¹ ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:1 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:10

လၢတၢ်န့ၣ်အဃိ, အဝဲဆှၢလီၤအဖိခွါစီၤယိၤရၣ်လၢကလဲၤဆၢဂ့ၤဆၢဝါစီၤပၤ စီၤဒၤဝံးအဂီၢ်ဒီးလဲၤဒုးနဲၣ်အတၢ်သးခုဃုာ်ဒီးအီၤလၢအတၢ် မၤနၢၤစီၤဟးဒးဧ့စ့ၢ်အဃိန့ၣ်လီၤ. အဝဲမ့ၢ်ပှၤလၢစီၤပၤတိဧံၤဒုးတၢ်ထီဒါအီၤအါဘျီန့ၣ်လီၤ. စီၤယိၤရၣ်လဲၤစိာ်န့ၢ်စီၤဒၤဝံးလၢတၢ်ဟ့ၣ်ကနၢၤတဖၣ်လၢအဘၣ် တၢ်မၤအီၤလၢထူ, စ့ဒီးတိၢ်ဘီန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:10

လၢတၢ်န့ၣ်အဃိစီၤဃူရၣ်ဟ့ၣ်ဝဲစီၤၡလိၤမိၤလၢသ့ၣ်ဆှိအ့ ရ့းဒီးသ့ၣ်ဆှိအကျီၣ်တဖၣ်လၢအသးလီဝဲ,

လံာ်စီၤပၤအခီၣ်ထံးတဘ့ၣ် 5:13

လၢကီၢ်အံၣ်စရ့လးဒီဘ့ၣ်ညါန့ၣ်စီၤပၤၡလိၤမိၤဃုထၢမၤဆူၣ် ပှၤသၢကလးဒ်ပှၤဘၣ်တၢ်မၤဆူၣ်အီၤတဖၣ်အသိး,

လံာ်ကွဲးနီၣ်တၢ်အခီၣ်ထံးတဘ့ၣ် 14:1

ထါယၢၣ်အစီၤပၤဃံရၣ်ဆှၢလီၤပှၤကူၣ်တၢ်ကၤတၢ်တဖုဆူစီၤဒၤ ဝံးအအိၣ်, ဒီးဟ့ၣ်လီၤအီၤလၢသ့ၣ်ဆှိအ့ရ့းအကျီၣ်တဖၣ်ဃုာ်ဒီးပှၤမၤတၢ် လၢလၢၢ်သ့ၣ်တဖၣ်, ဒီးပှၤမၤတၢ်လၢသ့ၣ်သ့တဖၣ်လၢကသူၣ်ထီၣ်နီတဖျၢၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:11

ပှၤဖလ့ၡသးဖိတနီၤ, ဟဲစိာ်န့ၢ်စီၤယဟိၡၤဖးလၢစ့အါအါ ဂီၢ်ဂီၢ်ဒီးတၢ်ဟ့ၣ်အဂၤတဖၣ်, ဒီးပှၤဧ့းရ့းဖိတနီၤဟဲစိာ်န့ၢ်အီၤသိအဒုနွံကထိ နွံကယၤဒီးမဲာ်တဲးလဲးအဒုနွံကထိနွံကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:26

အဝဲမ့ၢ်စီၤပၤလၢအစိကမီၤအိၣ်ဝဲအဒိၣ်ကတၢၢ်လၢကယဲၢ်စီၤပၤ ခဲလၢာ်အဖီခိၣ်လၢအအိၣ်ဝဲလၢလီၢ်ကဝီၤတဖၣ်စးထီၣ်လၢထံ မိၢ်ပှၢ်ဖရၤသးတုၤဆူကီၢ်ဖလ့ၡသးဒီးလၢကီၢ်အဲၤကူပတူးအကီၢ် ဆၢန့ၣ်လီၤ.

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 72:8

မ်ကပၢဘၣ်ဝဲပီၣ်လဲၣ်တုၤလၢပီၣ်လဲၣ်, ဒီးလၢထံကျိဖရၤသးပၢၢ်တုၤလၢဟီၣ်ခိၣ် အကတၢၢ်တဖၣ်န့ၣ်တက့ၢ်.

စံးထီၣ်ပတြၢၤ 80:12

ဘၣ်မနုၤလၢနမၤဟးဂီၤကရၢၢ်လၢအအိၣ်ဝးတရံး အီၤန့ၣ်လီၤ. ခဲအံၤပှၤလၢအလဲၤခီဂာ်တၢ်တဂၤလၢ်လၢ်ဟုၣ်အစပံးသၣ်တဖၣ် သ့ဝဲလီၤ.

လံာ်တၢ်ဟးထီၣ်ကွံာ် 34:24

ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယဃ့းစက့လး 19:11

အဒ့တဖၣ်အဂံၢ်အဘါဆူၣ်ဝဲဒီးဒိၣ်ထီၣ်ဝဲလၢကကဲထီၣ်စီၤပၤ အနီၣ်ထိးဘိတဖၣ်န့ၣ်လီၤ. စပံးမုၢ်န့ၣ်ဒိၣ်ထီၣ်ထီဝဲတုၤဒၣ်လဲာ်ကတုၤဆူတၢ်အၢၣ်အကျါ န့ၣ်လီၤ. ပှၤကိးဂၤဒဲးထံၣ်အီၤလၢအလၣ်တဖၣ်အါဝဲဆံးအါဒီး အမုၢ်ထီဝဲဆံးထီလဲၣ်န့ၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်တၢ်ဂံၢ် 24:7

အဝဲသ့ၣ်ကဒိးန့ၢ်မူခိၣ်စူၤလၢလၢပှဲၤပှဲၤဒီးသူၣ်လီၤ အတၢ်ချံလၢဟီၣ်ခိၣ်စုၣ်စီၣ်ဝဲဂ့ၤဂ့ၤအပျီတဖၣ် အပူၤန့ၣ်လီၤ. အဝဲသ့ၣ်အစီၤပၤကဒိၣ်န့ၢ်ဒံးစီၤအၤကးဒီးအတၢ်ပၢကသလၣ်လီၤ အသးဖးယံၤဖးလဲၢ်န့ၣ်လီၤ.

လံာ်လူၤကၣ် 7:5

အဝဲဒၣ်အဲၣ်ပပှၤကလုာ်, ဒီးအဝဲအနီၢ်ကစၢ်ဒၣ်ဝဲသူၣ်ထီၣ်ဘူၣ်ဘျီၣ်လၢ အမ့ၢ်တၢ်ဘါလီၢ်တဖျၢၣ်လၢပဂီၢ်လီၤ.”

လံာ်သိၣ်လီၤသီလီၤတၢ် 20:11

အဝဲသ့ၣ်မ့ၢ်အိးထီၣ်အတြဲၤတဖၣ်ဒီးဟ့ၣ်လီၤအသးန့ၣ်, အဝဲသ့ၣ်ခဲလၢာ်ကဘၣ်ကဲထီၣ်သုကုၢ်သုပှၤတဖၣ်ဒီးမၤန့ၢ်သုတၢ် မၤလၢတၢ်မၢဆူၣ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.