လံာ်စီၤပၤအခီၣ်ထံးတဘ့ၣ် 4:7 - Sgaw Karen Common Bible

⁷ စီၤၡလိၤမိၤဃုထၢပာ်လီၤပှၤတဆံခံဂၤဒ်ကီၢ်ဆၣ်အပဒိၣ်ဖးဒိၣ် တဖၣ်အသိးလၢကီၢ်အံၣ်စရ့လးအပူၤန့ၣ်လီၤ. အဝဲသ့ၣ်ကဘၣ်ဟ့ၣ်ထီၣ်တၢ်အီၣ်တၢ်အီလၢအကီၢ်ဆၣ်ဒၣ်ဝဲလၢစီၤပၤ ဒီးပှၤအိၣ်လၢနီပူၤခဲလၢာ်အဂီၢ်န့ၣ်လီၤ. လၢတနံၣ်အတီၢ်ပူၤန့ၣ်အဝဲသ့ၣ်တဂၤစုာ်စုာ်အိၣ်ဒီးမူဒါလၢ တၢ်အီၣ်တလါအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:7 Iomraidhean Croise

လံာ်စီၤပၤအခီၣ်ထံးတဘ့ၣ် 12:4

“နပၢ်စီၤၡလိၤမိၤမၤဘၣ်တ့ၢ်ပှၤအၢအၢသီသီဒီးပာ်လီၤတၢ်ဝံ တၢ်ယိးအဃၢတဖၣ်လၢပဖီခိၣ်န့ၣ်လီၤ. နမ့ၢ်မၤဖှံထီၣ်ပတၢ်ဝံတၢ်ယိးတဖၣ်အံၤဒီးနမ့ၢ်မၤဘီၣ်မၤညီ ပတၢ်အိၣ်မူန့ၣ်, ပကမ့ၢ်နထံဖိကီၢ်ဖိလၢအသးတီတဖၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်စီၤပၤအခီၣ်ထံးတဘ့ၣ် 4:6

ပှၤကွၢ်ထွဲနီအတၢ်ခ့တၢ်ပှၤတဖၣ်မ့ၢ်ဝဲစီၤအဃံၡၢ်ဒီးပှၤကွၢ် ထွဲပှၤလၢအဘၣ်တၢ်မၤဆူၣ်အီၤတဖၣ်မ့ၢ်ဝဲစီၤဧၤဘဒါအဖိခွါစီၤ အဒိၤနံရၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:8

ပဒိၣ်ဖးဒိၣ်တဆံခံဂၤဒီးကီၢ်ဆၣ်တဖၣ်လၢအဝဲသ့ၣ်ဘၣ်ကွၢ်ထွဲ ဝဲအမံၤတဖၣ်မ့ၢ်ဒ်လာ်အံၤလီၤ. စီၤဃူၢ်အဖိခွါလၢကစၢၢ်အ့ဖရဲၣ်အလိၤ,

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”