လံာ်စီၤပၤအခီၣ်ထံးတဘ့ၣ် 4:6 - Sgaw Karen Common Bible

⁶ ပှၤကွၢ်ထွဲနီအတၢ်ခ့တၢ်ပှၤတဖၣ်မ့ၢ်ဝဲစီၤအဃံၡၢ်ဒီးပှၤကွၢ် ထွဲပှၤလၢအဘၣ်တၢ်မၤဆူၣ်အီၤတဖၣ်မ့ၢ်ဝဲစီၤဧၤဘဒါအဖိခွါစီၤ အဒိၤနံရၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:24

စီၤအဒိၤရၣ်မ့ၢ်ပှၤဘၣ်တၢ်မၢဆူၣ်အီၤတဖၣ်အခိၣ်, စီၤအဃံလူးအဖိခွါစီၤယဟိၡၤဖးမ့ၢ်ပှၤကွဲးနီၣ်တၢ်တဖၣ်အ ခိၣ်,

လံာ်စီၤပၤအခီၣ်ထံးတဘ့ၣ် 12:18

တုၤနုၤတစု, စီၤပၤစီၤရဃၤဘၣ်ဆှၢလီၤစီၤအဒိၤရၣ်လၢအမ့ၢ် ပှၤအခိၣ်တဂၤလၢပှၤဘၣ်တၢ်မၢဆူၣ်မၤနၢၤအီၤအကျါဒ်သိးကလဲၤဆူ ပှၤအံၣ်စရ့လးဖိတဖၣ်အအိၣ်, ဘၣ်ဆၣ်အဝဲသ့ၣ်ကွံာ်သံကွံာ်အီၤလၢလၢၢ်န့ၣ်လီၤ. လၢတၢ်အံၤအဃိစီၤရဃၤဘၣ်ဒိးထီၣ်အလ့ၣ်ကဟၣ်ချ့သဒံးဒီးဃ့ၢ် ပူၤဖျဲးကွံာ်အသးဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်စီၤပၤအခီၣ်ထံးတဘ့ၣ် 4:7

စီၤၡလိၤမိၤဃုထၢပာ်လီၤပှၤတဆံခံဂၤဒ်ကီၢ်ဆၣ်အပဒိၣ်ဖးဒိၣ် တဖၣ်အသိးလၢကီၢ်အံၣ်စရ့လးအပူၤန့ၣ်လီၤ. အဝဲသ့ၣ်ကဘၣ်ဟ့ၣ်ထီၣ်တၢ်အီၣ်တၢ်အီလၢအကီၢ်ဆၣ်ဒၣ်ဝဲလၢစီၤပၤ ဒီးပှၤအိၣ်လၢနီပူၤခဲလၢာ်အဂီၢ်န့ၣ်လီၤ. လၢတနံၣ်အတီၢ်ပူၤန့ၣ်အဝဲသ့ၣ်တဂၤစုာ်စုာ်အိၣ်ဒီးမူဒါလၢ တၢ်အီၣ်တလါအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:18

တုၤနုၤတစု, စီၤပၤရဃၤဘၣ်ဆှၢလီၤစီၤအဒိၤနံရၣ်, လၢအမ့ၢ်ပှၤအဒိၣ်တဂၤလၢအကွၢ်ထွဲပှၤလၢတၢ်မၢဆူၣ်အီၤလၢကုၢ် အတၢ်မၤအပူၤ, ဒ်သိးကလဲၤဆူပှၤအံၣ်စရ့လးဖိတဖၣ်အအိၣ်န့ၣ်လီၤ. ဘၣ်ဆၣ်အဝဲသ့ၣ်ကွံာ်သံကွံာ်အီၤလၢလၢၢ်န့ၣ်လီၤ. လၢတၢ်မၤအသးအံၤအဃိ, စီၤရဃၤဘၣ်ဒိးထီၣ်အလ့ၣ်ကဟၣ်ချ့ချ့ ဒီးဃ့ၢ်ပူၤဖျဲးကွံာ်အသးဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:8

လၢအမ့ၢ်ပှၤအိၣ်လီၤတဲာ်တ့ၢ်တဖၣ်န့ၣ်, စီၤၡလိၤမိၤမၢဆူၣ်အီၤ လၢကုၢ်အတၢ်မၤအပူၤတုၤလၢမုၢ်မဆါတနံၤအံၤန့ၣ်လီၤ.