လံာ်စီၤပၤအခီၣ်ထံးတဘ့ၣ် 4:33 - Sgaw Karen Common Bible

³³ အဝဲကတိၤတၢ်ဘၣ်ထွဲဒီးသ့ၣ်အထူၣ်တဖၣ်ဒီးတၢ်မုၢ်တၢ်ဘိတဖၣ်, စးထီၣ်လၢသ့ၣ်ဆှိအ့ရ့းတဖၣ်လၢကီၢ်လဘၤနိၣ် တုၤလၢကဖျီၣ်အ့စိးလၢအမဲထီၣ်လၢတၢ်ဒူၣ်အလိၤအဂ့ၢ်န့ၣ်လီၤ. အဝဲကတိၤစ့ၢ်ကီးတၢ်ဘၣ်ဃးဒီးဆၣ်ဖိကီၢ်ဖိတဖၣ်, ထိၣ်ဧိၤလံာ်ဧိၤတဖၣ်, တၢ်အစွါအစွဲတဖၣ်ဒီးဒ့ၣ်ဧိၤညၣ်ဧိၤ တဖၣ်အဂ့ၢ်အကျိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:33 Iomraidhean Croise

လံာ်စီၤပၤအခီၣ်ထံးတဘ့ၣ် 4:32

အဝဲကျဲၤအိၣ်ထီၣ်ပှၤကူၣ်ဘၣ်ကူၢ်သ့အတၢ်ကတိၤအထံၣ်သၢကထိ ဒီးတၢ်သးဝံၣ်အါန့ၢ်ဒံးအယုၢ်တကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:34

စီၤပၤတဖၣ်လၢဟီၣ်ခိၣ်ဒီဘ့ၣ်ညါနၢ်ဟူတ့ၢ်အဝဲအတၢ်ကူၣ်သ့ အဂ့ၢ်ဒီးဆှၢလီၤပှၤဂီၢ်မုၢ်လၢကလဲၤဒိကနၣ်အီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:23

နဆှၢလီၤနပှၤစိာ်တၢ်ကစီၣ်တဖၣ်လၢကကတိၤဒိၣ်ကတိၤသွါလီၤအသး လၢယဖီခိၣ်ဒီးစံးလၢနမၤနၢၤကွံာ်ကီၢ်လဘၤနိၣ်ကစၢၢ်အထီကတၢၢ် တဖၣ်, လၢနလ့ၣ်ကဟၣ်ခဲလၢာ်န့ၣ်လီၤ. နကတိၤပာ်ကဖၢလၢလီၤနသးလၢ, ဖဲန့ၣ်နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိ အဂ့ၤကတၢၢ်တဖၣ်, ဒီးနလဲၤတုၤဆူသ့ၣ်ပှၢ်တဖၣ်အတီၣ်ကတၢၢ်အလီၢ်ကဝီၤတဖၣ်န့ၣ်လီၤ.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 12:22

ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:8

ဟဲဃုာ်ဒီးယၤလၢလဘၤနိၣ်အကစၢၢ်ကလိတဖၣ်တက့ၢ်, ယတလးမူးပိာ်မုၣ်ဧၢ, ဟဲဃုာ်ဒီးယၤလၢကီၢ်လဘၤနိၣ်တက့ၢ်. ဟဲလီၤလၢကစၢၢ်အမါနၤအဒီခိၣ်, လၢကစၢၢ်စနံၣ်ဒီးကစၢၢ်ဃ့ရမိၣ်, ဖဲခ့ယုၢ်ဒီးခ့စံၣ်ပိၣ်တဖၣ်အိၣ်ဆိးဝဲအလီၢ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:15

အကံၣ်ဒုၣ်တဖၣ်မၤအသးဒ်လၢၢ်ဝါအထူၣ်တဖၣ်, လၢတၢ်ပာ်လီၤအီၤလၢထူအပူၤတဖၣ်အသိးန့ၣ်လီၤ. အဝဲလီၤကဟုကညီၢ်, ဒ်လဘၤနိၣ်အကစၢၢ်တဖၣ်, လၢအပှဲၤဒီးသ့ၣ်ဆှိးအ့ရ့းဖးထီတဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:51

အန့ၣ်ဝံၤဒီးကဘၣ်ဟံးန့ၢ်သ့ၣ်ဆှိအ့ရ့း, ကဖျီၣ်အ့စိး, လုၣ်ပျံၤဂီၤလုးဒီးထိၣ်လၢအမူတဘ့ၣ်, ဒီးစုၣ်လီၤအီၤခဲ လၢာ်လၢထိၣ်လၢအဘၣ်တၢ်မၤသံအီၤအသွံၣ်ပူၤဒီးလၢထံမူအပူၤန့ၣ်လီၤ. ဒီးကဘၣ်ဖှံဝဲဟံၣ်န့ၣ်နွံစုလီၤ.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်တၢ်ဂံၢ် 24:6

လီၤဂာ်မးဒ်သ့ၣ်စူၣ်ပလိၣ်အကျိၤဖးထီတဖၣ်မ့ၢ်ဂ့ၤ, တၤသၣ်လီၢ်တဖၣ်လၢထံကျိတဘိအဃၢၤမ့ၢ်ဂ့ၤ, လီၤဂာ်မးဒ်သ့ၣ်အကၠီၣ်လၢယွၤသူၣ်လီၤတ့ၢ်ဝဲအသိးမ့ၢ်ဂ့ၤ, ဒ်သ့ၣ်ဆှိးအ့ရ့းတဖၣ်လၢထံနံၤအသိးမ့ၢ်ဂ့ၤန့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.