လံာ်စီၤပၤအခီၣ်ထံးတဘ့ၣ် 4:32 - Sgaw Karen Common Bible

³² အဝဲကျဲၤအိၣ်ထီၣ်ပှၤကူၣ်ဘၣ်ကူၢ်သ့အတၢ်ကတိၤအထံၣ်သၢကထိ ဒီးတၢ်သးဝံၣ်အါန့ၢ်ဒံးအယုၢ်တကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:32 Iomraidhean Croise

လံာ်စီၤပၤအခီၣ်ထံးတဘ့ၣ် 4:33

အဝဲကတိၤတၢ်ဘၣ်ထွဲဒီးသ့ၣ်အထူၣ်တဖၣ်ဒီးတၢ်မုၢ်တၢ်ဘိတဖၣ်, စးထီၣ်လၢသ့ၣ်ဆှိအ့ရ့းတဖၣ်လၢကီၢ်လဘၤနိၣ် တုၤလၢကဖျီၣ်အ့စိးလၢအမဲထီၣ်လၢတၢ်ဒူၣ်အလိၤအဂ့ၢ်န့ၣ်လီၤ. အဝဲကတိၤစ့ၢ်ကီးတၢ်ဘၣ်ဃးဒီးဆၣ်ဖိကီၢ်ဖိတဖၣ်, ထိၣ်ဧိၤလံာ်ဧိၤတဖၣ်, တၢ်အစွါအစွဲတဖၣ်ဒီးဒ့ၣ်ဧိၤညၣ်ဧိၤ တဖၣ်အဂ့ၢ်အကျိၤန့ၣ်လီၤ.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 25:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လၢအစံးအါထီၣ် ဝဲဒီးဘၣ်တၢ်ကွဲးဆဲအီၤလၢပှၤတဖၣ်လၢကီၢ်ယူဒၤအစီၤပၤဃံး စကံယၤအကွီၢ်ဘျီၣ်ပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:12

ယဖိခွါဧၢ, တၢ်အိၣ်ဒံးဝဲအဂၤတမံၤလၢတၢ်ပလီၢ်သူၣ်ပလီၢ်သး အဂီၢ်လီၤ. တၢ်ကွဲးလံာ်တဖၣ်န့ၣ်အကတၢၢ်ကတာ်တအိၣ်နီ တဘျီဘၣ်. ဒီးတၢ်မၤလိတၢ်အါကဲၣ်ဆိးန့ၣ်, ကမၤလီၤဘှံးကွံာ် နၤလီၤ.

လံာ်ပှၤစံၣ်တဲၤတဲလီၤတၢ် 12:9

ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်မးသဲ 13:35

အဝဲမၤတၢ်အံၤမ့ၢ်ဒ်သိးဒီး တၢ်လၢဝံတဂၤစံးတ့ၢ်ဝဲ ကလၢထီၣ်ပှဲၤထီၣ်အဂီၢ်လီၤ. “ယကကတိၤတၢ်လၢတၢ်ကတိၤဒိ, တၢ်လၢအအိၣ်လီၤဘၢလၢဟီၣ်ခိၣ် အိၣ်ထီၣ်လံၤလံၤတဖၣ်န့ၣ်, ယကတဲဖျါထီၣ်န့ၢ်အဝဲသ့ၣ်လီၤ” (စံး. ၇၈:၂).