လံာ်စီၤပၤအခီၣ်ထံးတဘ့ၣ် 4:31 - Sgaw Karen Common Bible

³¹ အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:31 Iomraidhean Croise

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:6

အဝဲစံးဘၣ်စီၤပၤၡလိၤမိၤ, “တၢ်လၢယနၢ်ဟူဘၣ်တ့ၢ်အီၤလၢ ယထံယကီၢ်အပူၤဘၣ်ထွဲဒီးနတၢ်ကူၣ်သ့အဂ့ၢ်န့ၣ်မ့ၢ်ဝဲတီဝဲလီၤ.

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 15:17

လၢပှၤသးဝံၣ်တၢ်ဖိအဒူၣ်ထၢတဖၣ်အပူၤန့ၣ်အဝဲသ့ၣ်ဃုထၢပှၤလၢ ကမၤသီၣ်စှၢၢ်စှံးတိၢ်ဘီတဖၣ်လၢပှၤမရၤရံၤအဒူၣ်ထၢပူၤလၢ အမ့ၢ်ဝဲစီၤယိၤအ့လးအဖိခွါစီၤဟ့မၣ်, ဒီးအဘူးအတံၢ်စီၤဘရ့ကံယၤအဖိခွါစီၤအၤစာ်, ဒီးစီၤကူၤၡါယၤအဖိခွါစီၤအ့သၣ်န့ၣ်လီၤ. ပှၤလၢတၢ်ကမၤစၢၤအဝဲသ့ၣ်အဂီၢ်ပှၤလ့ၤဝံ ဖိတဖၣ်လၢအဘၣ်တၢ်ဃုထၢအီၤလၢကဒ့တနၢ်သီတူၢ်လၢအဃဲ တဖၣ်မ့ၢ်ဝဲ, စီၤစကၤရယၤ, စီၤယၤစ့အ့လး, စီၤၡမံၤရမိး, စီၤယဃံ အ့လး, စီၤဧူးနံၤ, စီၤအလံအာ်, စီၤမၤစ့ယၤဒီးစီၤဘနါယၤ တဖၣ်န့ၣ်လီၤ. လၢတၢ်ဒ့သီတူၢ်လၢအကပၢၤတဖၣ်အဂီၢ်န့ၣ်ပှၤလ့ၤဝံဖိလၢအမ့ၢ် ဝဲစီၤမးတံးသယၤ, စီၤအလံဖလ့, စီၤမံးကန့ယၤ, စီၤဧၤစါစယၤတဖၣ်ဘၣ်တၢ်ဃုထၢအီၤဒီးစီၤ ဧိၤဘ့းအ့ဒိၣ်ဒီးစီၤယံၤအ့လးတဖၣ်ဘၣ်တၢ်ဃုထၢအီၤဒ်ပှၤ ပၢၤတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:6

အဒီပုၢ်ဝဲၢ်ခွါစီၤစ့ရၤအိၣ်ဒီးအဖိခွါယဲၢ်ဂၤလၢအမ့ၢ်ဝဲ, စီၤစံၣ်ရံၤ, စီၤအ့ၤသၣ်, စီၤဟ့မၣ်, စီၤကးလကိးလးဒီးစီၤဒါရၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:33

ဒူၣ်ထၢအတၢ်လီၤစၢၤတဖၣ်လၢအဟံးန့ၢ်မူဒါအံၤ, မ့ၢ်ဒ်အဖီလာ်အသိးလီၤ. လၢပှၤကဃးဖိအဒူၣ်ထၢပူၤန့ၣ်, စီၤဟ့မၣ်, လၢအမ့ၢ်စီၤယိၤအ့လးအဖိခွါ, မ့ၢ်တၢ်သးဝံၣ်ရိအခီၣ်ထံးတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤယၤကိာ်မ့ၢ်ဒ်လာ်အံၤ န့ၣ်လီၤ. စီၤဟ့မၣ်, စီၤယိၤအ့လး, စီၤၡမူၤအ့လး,

လံာ်ကွဲးနီၣ်တၢ်ခံဘ့ၣ်တဘ့ၣ် 9:23

အဝဲသ့ၣ်ခဲလၢာ်ဃ့တၢ်ဟ့ၣ်ကူၣ်ဟ့ၣ်ဖးလၢစီၤၡလိၤမိၤအအိၣ်ဒ် သိးကနၢ်ဟူဘၣ်တၢ်ကူၣ်သ့လၢကစၢ်ယွၤဟ့ၣ်လီၤတ့ၢ်အီၤန့ၣ်လီၤ.

စံးထီၣ်ပတြၢၤ 88:1

ကစၢ်ယွၤ, တၢ်အုၣ်က့ၤခီၣ်က့ၤယၤကစၢ်ယွၤဧၢ, လၢမုၢ်ဆါယကိးထီၣ်နၤလၢတၢ်မၤစၢၤအဂီၢ်, ဒီးလၢမုၢ်နၤယကိးထီၣ်လၢနမဲာ်ညါလီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်မးသဲ 12:42

လၢမုၢ်စံၣ်ညီၣ်အနံၤန့ၣ်ၡဘၤ အနီၢ်ပၤမုၣ်ကဂဲၤဆၢထၢၣ်ဒီး ပှၤတစိၤအံၤဒီးကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤအဝဲဟဲဝဲလၢတၢ်ဒ့ၣ်စၢၤဖးယံၤ, ဒ်သိးအကဒိကနၣ်စီၤၡလိၤမိၤအတၢ်ကူၣ်ဘၣ်ကူၣ်သ့အတၢ်သိၣ်လီၤသီ လီၤတဖၣ်လီၤ. ယစံးဘၣ်တဲဘၣ်သု, တၢ်တမံၤလၢအဒိၣ်န့ၢ်ဒံးစီၤၡလိၤမိၤအိၣ်ဖဲအံၤလီၤ.”

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်လူၤကၣ် 11:31

လၢမုၢ်စံၣ်ညီၣ်အနံၤန့ၣ်, ၡဘၤအနီၢ်ပၤမုၣ်ကဂဲၤဆၢထၢၣ်ဒီး ပာ်တၢ်ကမၣ်ထီဒါပှၤတစိၤအံၤ, အဂ့ၢ်မ့ၢ်လၢအဝဲဒၣ်ဟဲလၢတၢ်လီၢ်ဖးယံၤဖးစၢၢ်ဒ်သိး အကနၢ်ဟူဘၣ်စီၤၡလိၤမိၤအတၢ်သိၣ်လိလၢ အလၢပှဲၤဒီးတၢ်ကူၣ်ဘၣ်ကူၣ်သ့အဃိလီၤ. မ့မ့ၢ်, ယစံးဘၣ်သု, ပှၤလၢအဒိၣ်န့ၢ်ဒံးစီၤၡလိၤမိၤအိၣ်မးဝဲဖဲအံၤတဂၤလီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.