လံာ်စီၤပၤအခီၣ်ထံးတဘ့ၣ် 4:26 - Sgaw Karen Common Bible

²⁶ စီၤၡလိၤမိၤအိၣ်ဒီးတၢ်ဘုၣ်ကသ့ၣ်အလီၢ်လွံၢ်ကထိလၢအလ့ၣ်ကဟၣ် ကသ့ၣ်တဖၣ်အဂီၢ်, ဒီးကသ့ၣ်ဒုးသုးတကလးခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:4

စီၤဒၤဝံးဖီၣ်န့ၢ်အဝဲအပှၤကသ့ၣ်သုးဖိအဂၤတကထိနွံကယၤဒီး အဝဲပှၤခီၣ်သုးဖိအဂၤခံကလးန့ၣ်လီၤ. အဝဲပာ်ဃးဒံးကသ့ၣ်တဖၣ်လၢလၢလီၣ်လီၣ်လၢလ့ၣ်ကဟၣ်ဒုးသုးအဆိ တကယၤအဂီၢ်ဝံၤဒီး, အဂၤတဖၣ်န့ၣ်မၤဟးဂီၤကွံာ်ဝဲအခီၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:27

လၢလါတလါဘၣ်တလါလၢတၢ်ဟ့ၣ်မူဟ့ၣ်ဒါအီၤအပူၤန့ၣ်, အဝဲအပဒိၣ်ဖးဒိၣ်တဆံခံဂၤ, တဂၤဘၣ်တဂၤစုာ်စုာ်ဟ့ၣ်ထီၣ်တၢ် အီၣ်လၢစီၤပၤၡလိၤမိၤလိၣ်ဘၣ်ဝဲလၢအဂီၢ်ဒီးလၢပှၤခဲလၢာ်လၢ အအီၣ်ဃုာ်တၢ်ဒီးအီၤလၢနီပူၤအဂီၢ်န့ၣ်လီၤ. ထီဘိအဝဲသ့ၣ်ဟ့ၣ်ထီၣ်တၢ်ခဲလၢာ်လၢတၢ်လိၣ်ဘၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:14

အဝဲမၤထီၣ်လ့ၣ်ကဟၣ်သုးအဆိတကထိလွံၢ်ကယၤ, ဒီးဃုထၢထီၣ်ပှၤဒိးကသ့ၣ်, သုးဖိတကလးခံကထိဂၤန့ၣ်လီၤ. အကျါတနီၤန့ၣ်ပာ်ဝဲဖဲဝ့ၢ်ယရူၤၡလ့ၣ်အပူၤဒီးအဂၤတဖၣ်ပာ်လီၤ ဝဲလၢဝ့ၢ်အဂၤတဖၣ်အပူၤစုာ်စုာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:25

စီၤပၤၡလိၤမိၤအိၣ်စ့ၢ်ကီးဒီးတၢ်ပာ်လ့ၣ်ကဟၣ်တဖၣ်ဒီးကသ့ၣ် တဖၣ်အလီၢ်အခါလွံၢ်ကထိ, ဒီးအိၣ်ဒီးပှၤဒိးကသ့ၣ်သုးဖိ တကလးခံကထိ ဂၤန့ၣ်လီၤ. အကျါတနီၤန့ၣ်, အဝဲပာ်ဝဲဖဲဝ့ၢ်ယရူၤၡလ့ၣ်အပူၤဒီးအအိၣ်လီၤတဲာ်တဖၣ်န့ၣ်ပာ် ဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.