လံာ်စီၤပၤအခီၣ်ထံးတဘ့ၣ် 4:13 - Sgaw Karen Common Bible

¹³ စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤအခီၣ်ထံးတဘ့ၣ် 4:13 Iomraidhean Croise

လံာ်စီၤပၤအခီၣ်ထံးတဘ့ၣ် 22:3

စီၤအၤဃာ်သံကွၢ်အပဒိၣ်ပပှၢ်တဖၣ်, “ဘၣ်မနုၤပတမၤတၢ်နီတမံၤမံၤ, လၢပကဒိးန့ၢ်ဘၣ်က့ၤဝ့ၢ်ရၤ မိးလၢကီၢ်ကံးလဧးအပူၤ, လၢကီၢ်စူၤရံအစီၤပၤအစုပူၤန့ၣ်လဲၣ်. တၢ်န့ၣ်မ့ၢ်တၢ်လၢအဘၣ်ဃးဒီးပှၤလီၤ.”

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:23

ဘၣ်ဆၣ်ဒီးကၡူၢ်ဒီးအရၣ်အဘီအမုၢ်တဖၣ်မၤန့ၢ်မၤနၢၤဝ့ၢ်ဃုဆံ လၢတၢ်လီၢ်ဖဲန့ၣ်, အိၣ်ဃုာ်ဒီးသဝီတဖၣ်လၢယၤအံၢ်ဒီးကနးဒီးဝ့ၢ်အိၣ်ဘူးအိၣ် တံၢ်ဖဲန့ၣ်တဖၣ်န့ၣ်လီၤ. ကယဲၢ်ပှၤဂီၢ်မုၢ်လၢအအိၣ်ဆိးဖဲန့ၣ်ခဲလၢာ်, မ့ၢ်ပှၤဟဲလီၤစၢၤလီၤသွဲၣ်လၢစီၤကံးလဧးအပၢ်စီၤမၤကံၢ်န့ၣ်လီၤ.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 68:15

ယွၤအကစၢၢ်ကလိ, မ့ၢ်ဘၤၡၣ်ကစၢၢ်တဖျၢၣ်လၢ အအိၣ်ဒီးတၢ်စိခိၣ်အါမးန့ၣ်လီး. တၢ်ထီၣ်ထီတဖၣ်အကစၢၢ်, ဘၤၡၣ်အကစၢၢ်ဧၢ,

လံာ်တၢ်ဂံၢ် 32:41

စီၤမနၤၡ့ၤအဒူၣ်ဖိစီၤယၤအံၢ်လဲၤထီၣ်ဒုးန့ၢ်သဝီတနီၤဒီး ယုၢ်န့ၢ်ဝဲအမံၤလၢ “ယၤအံၣ်အသဝီတဖၣ်န့ၣ်လီၤ.”

လံာ်သိၣ်လီၤသီလီၤတၢ် 3:10

ပဟံးန့ၢ်ကွံာ်ကီၢ်ဘၤၡၣ်အစီၤပၤစီၤဧိာ်အလီၢ်ကဝီၤခဲလၢာ်လၢ အမ့ၢ်ဝ့ၢ်တဖၣ်လၢအအိၣ်လၢတၢ်လူၢ်ဒီခိၣ်အတၢ်ပၢၤခိၣ်အလိၤ, ကီၢ်ကံးလဧးဒီးကီၢ်ဘၤၡၣ်အလီၢ်ကဝီၤတဖၣ်, ယံၤဝဲလၢမုၢ်ထီၣ်တုၤဆူဝ့ၢ်တဖၣ်လၢအမ့ၢ်စၤလကးဒီးအ့ဒြံၤ န့ၣ်လီၤ.

လံာ်သိၣ်လီၤသီလီၤတၢ် 3:4

တကတီၢ်ဃီန့ၣ်, ပမၤန့ၢ်ကွံာ်အဝ့ၢ်တဖၣ်ခဲလၢာ်, ဝ့ၢ်လၢပတဟံးန့ၢ်ဘၣ်အီၤန့ၣ်တအိၣ်လီၤတဲာ်ဘၣ်နီတဝ့ၢ်ဘၣ်. ပမၤန့ၢ်ဝ့ၢ်ခဲလၢာ်အဝ့ၢ်ဃုဆံလၢအၢ်ကိးအလီၢ်ကဝီၤဒီကဝီၤညါ ဖဲကီၢ်ဘၤၡၣ်အစီၤပၤပၢတၢ်န့ၣ်လီၤ.

လံာ်သိၣ်လီၤသီလီၤတၢ် 3:8

အကတီၢ်ဖဲန့ၣ်, ပဟံးန့ၢ်ကွံာ်တၢ်လီၢ်အံၤလၢ ထံကျိယၢ်ဒ့ၣ်အမုၢ်ထီၣ်တကပၤ, စးထီၣ်လၢထံကျိအၢ်နိၣ်တုၤဆူကစၢၢ်ဃ့ရမိၣ်လၢပှၤဧၣ်မိၣ်ဖိ အစီၤပၤခံဂၤအံၤအအိၣ်န့ၣ်လီၤ.

လံာ်သိၣ်လီၤသီလီၤတၢ် 4:43

လၢပှၤရူၤဘ့ၣ်ဖိအဒူၣ်အဂီၢ်န့ၣ်, ဝ့ၢ်ဘ့စ့ၢ်လၢအမ့ၢ်ဝ့ၢ်အိၣ် လၢပှၢ်မုၢ်ကနၢ, လၢတၢ်လူၢ်ခိၣ်ထိးန့ၣ်လီၤ. လၢပှၤကးဖိအဒူၣ်အဂီၢ်န့ၣ်, ဝ့ၢ်ရၤမိးမ့ၢ်ဝ့ၢ်လၢအအိၣ်လၢကီၢ် ကံးလဧးလီၢ်ကဝီၤအပူၤန့ၣ်လီၤ. ဒီးလၢပှၤမနၤၡ့ၤဖိအဒူၣ်အဂီၢ်, မ့ၢ်ဝ့ၢ်ကိလၣ်အိၣ်ဝဲလၢကီၢ် ဘၤၡၣ်အလီၢ်ကဝီၤအပူၤန့ၣ်လီၤ.

လံာ်စီၤယိၤၡူ 20:8

ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.

လံာ်စီၤယိၤၡူ 21:38

လၢကးအဒူၣ်အဝဲသ့ၣ်ဒိးန့ၢ်ဘၣ်ဝဲဝ့ၢ်လွံၢ်ဖျၢၣ်လၢအမ့ၢ်ဝဲ ရၤမိးလၢကီၢ်ကံးလဧးအပူၤ, ဃုာ်ဒီးအတၢ်အီၣ်ဆၣ်အလီၢ်တဖၣ် (တၢ်ပူၤဖျဲးအဝ့ၢ်အကျါတဝ့ၢ်,) မၤဃန့ၤ,