လံာ်စီၤပၤအခီၣ်ထံးတဘ့ၣ် 4:1 - Sgaw Karen Common Bible

¹ စီၤၡလိၤမိၤမ့ၢ်စီၤပၤလၢအံၣ်စရ့လးဒီကီၢ်ညါအဖီခိၣ်

လံာ်စီၤပၤအခီၣ်ထံးတဘ့ၣ် 4:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:5

အဝဲမၤတၢ်လၢဝ့ၢ်ဃ့ဘြိၣ်အပူၤလၢကီၢ်ယူဒၤအဖီခိၣ်နွံနံၣ် တခီဒီးလၢဝ့ၢ်ယရူၤၡအပူၤလၢကီၢ်အံၣ်စရ့လးဒီးကီၢ်ယူဒၤခဲ လၢာ်အဖီခိၣ်, သၢဆံသၢနံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:13

ဒီးယတဟံးထီၣ်ကွံာ်ဘၣ်ဘီမုၢ်ဒီတဘ့ၣ်လၢအအိၣ်န့ၣ်ဘၣ်. မ့မ့ၢ်ယကပာ်န့ၢ်တ့ၢ်န့ၢ်အီၤပှၤတဒူၣ်လၢတၢ်ကွၢ်မဲာ်ယခ့ ယပှၤစီၤဒၤဝံးအဃိ, ဒီးလၢတၢ်ကွၢ်မဲာ်ဝ့ၢ်ယရူၤၡလ့ၣ်, ဝ့ၢ်လၢယပာ်အီၤလၢယဂီၢ်ဒၣ်ယဲအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 12:6

စီၤပၤရဃၤဘၣ်ဃ့တၢ်ဟ့ၣ်ကူၣ်လၢပှၤသးပှၢ်တဖၣ်လၢအမ့ၢ်တ့ၢ်အဝဲ အပၢ်စီၤၡလိၤမိၤအပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ်လီၤ. အဝဲသံကွၢ်, “သုကဟ့ၣ်ကူၣ်ယၤလၢယကဘၣ်စံးဆၢပှၤဂီၢ်မုၢ်တဖၣ်အံၤဒ်လဲၣ်.”

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:2

ဒီးအအံၤမ့ၢ်အဝဲအပဒိၣ်ဖးဒိၣ်တဖၣ်န့ၣ်လီၤ. ပှၤလုၢ်တၢ်အခိၣ်မ့ၢ်ဝဲစီၤစၤဒိးအဖိခွါစီၤဧစၤရယၤ,

လံာ်ကွဲးနီၣ်တၢ်အခီၣ်ထံးတဘ့ၣ် 12:38

ကယဲၢ်ပှၤသုးဖိခဲလၢာ်လၢအကတဲာ်ကတီၤအသးလၢတၢ်ဒုးအဂီၢ်အံၤ လဲၤဝဲဆူဝ့ၢ်ဃ့ဘြိၣ်ဒီးပာ်လီၤအသးလၢကဒုးကဲထီၣ်စီၤဒၤ ဝံးလၢစီၤပၤလၢအံၣ်စရ့လးခဲလၢာ်အဖီခိၣ်န့ၣ်လီၤ. အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ခဲလၢာ်ပာ်စ့ၢ်ကီးအသး တဖျၢၣ်ဃီလၢတၢ်ဂ့ၢ်တမံၤအံၤအဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:13

လၢတၢ်န့ၣ်အဃိ, စီၤၡလိၤမိၤဟးထီၣ်ကွံာ်ဖဲတၢ်ဘူၣ်ထီၣ်ဘါ ထီၣ်ယွၤအလီၢ်လၢဝ့ၢ်ကံးဘိၣ်, ဖဲယွၤအဒဲစီဆှံလၢယွၤအိၣ်ဝဲ ဆိးဝဲန့ၣ်, ဒီးဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ. ဖဲန့ၣ်အဝဲပၢတၢ်လၢအံၣ်စရ့လးအဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:30

စီၤၡလိၤမိၤပၢတၢ်လၢပှၤအံၣ်စရ့လးဖိခဲလၢာ်အဖီခိၣ်လၢဝ့ၢ် ယရူၤၡလ့ၣ်အပူၤအနံၣ်လွံၢ်ဆံန့ၣ်လီၤ.

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:12

ယၤ, ပှၤဆိကမိၣ်တၢ်အဒိၣ်အယိာ်, ယမ့ၢ်တ့ၢ်စီၤပၤလၢကီၢ်အံၣ်စရ့ လးအဖီခိၣ်လၢဝ့ၢ်ယရူၤၡလ့ၣ်အပူၤန့ၣ်လီၤ.