လံာ်စီၤပၤအခီၣ်ထံးတဘ့ၣ် 3:9 - Sgaw Karen Common Bible

⁹ လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤပၤအခီၣ်ထံးတဘ့ၣ် 3:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤပၤအခီၣ်ထံးတဘ့ၣ် 10:24

ဒီးပှၤအိၣ်လၢဟီၣ်ခိၣ်ဒီဘ့ၣ်ညါသးအိၣ်ဟဲဒီးဒိကနၣ်အဝဲ အတၢ်ကူၣ်သ့လၢကစၢ်ယွၤဟ့ၣ်လီၤတ့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:10

ယွၤဘၣ်သူၣ်ဘၣ်သးတ့ၢ်တၢ်လၢစီၤၡလိၤမိၤဃ့ဝဲအံၤ,

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:12

ဒီးမ်ယွၤ, နကစၢ်ယွၤဟ့ၣ်နၤသးအတၢ်ထံၣ်ဒီးတၢ်ကူၣ်သ့ ဒ်သိးနကပၢကီၢ်အံၣ်စရ့လးဒ်အဝဲအတၢ်သိၣ်တၢ်သီလၢအဟ့ၣ်လီၤပှၤ ယူဒၤဖိအသိးန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 1:10

သတးဒီးဟ့ၣ်ယၤတၢ်ကူၣ်သ့ဒီးတၢ်သ့ၣ်ညါလၢယလိၣ်ဘၣ်အီၤဒ်သိး ယကပၢတၢ်လၢအဝဲသ့ၣ်အဖီခိၣ်န့ၣ်တက့ၢ်. မ့တမ့ၢ်ဒ်န့ၣ်ဘၣ်ဒီး, ယပၢနပှၤဂီၢ်မုၢ်ဖးဒိၣ်အံၤကသ့တစုစုဒ်လဲၣ်.”

စံးထီၣ်ပတြၢၤ 119:144

နတၢ်အုၣ်နသးတဖၣ်န့ၣ် မ့ၢ်တၢ်တီတၢ်လိၤထီဘိလီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ.

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:73

နတ့လီၤပာ်လီၤယၤဒီး ပၢၤဃာ်ယၤပူၤပူၤဖျဲးဖျဲးလီၤ. ဟ့ၣ်ယၤတၢ်နၢ်ပၢၢ်ဒ်သိး ယကမၤလိနတၢ်မၤလိာ်တဖၣ်န့ၣ်တက့ၢ်.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 20:12

ယွၤဟ့ၣ်တ့ၢ်လံပှၤမဲာ်ချံတဖၣ်လၢကထံၣ်တၢ်အဂီၢ်ဒီးနၢ်တဖၣ်လၢ ကဒိကနၣ်တၢ်အဂီၢ်လီၤ.

လံာ်ပှၤစံၣ်တဲၤတဲလီၤတၢ် 7:11

ပှၤလၢအအိၣ်မူကိးဂၤဒဲးန့ၣ်ကြၢးကူၣ်သ့ကူၣ်ဘၣ်လီၤ. တၢ်အံၤဂ့ၤထဲသိးဒီးတၢ်ဒိးန့ၢ်ဘၣ်တၢ်န့ၢ်သါတမံၤ,

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မးသဲ 3:14

စီၤယိၤဟၣ်သးအိၣ်ဂ့ၢ်လိာ်တၢ်အံၤ ဒီးတြီအီၤဒီးစံး, “ယကြၢးဒိးဘျၢယသးလၢနစုပူၤဒီးနဟဲဆူယအိၣ် လၢတၢ်ဒိးဘျၢအဂီၢ်တခီဧါ.”

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

၂ ကရံၣ်သူး 2:16

လၢပှၤလီၤမၢ်တဖၣ်အဂီၢ်န့ၣ်, အဝဲအံၤမ့ၢ်တၢ်နၢအုၣ်နၢ ပူးလၢအဒုးအိၣ်ထီၣ်တၢ်သံတၢ်ပှၢ်, မ့မ့ၢ်လၢပှၤဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်, မ့ၢ်ဝဲတၢ်နၢမူနၢဆှီလၢအဟဲစိာ်တၢ်နၢမူလီၤ. မ့မ့ၢ်ဒ်န့ၣ်ဒီး, မ့ၢ်မတၤမၤတၢ်မၤဒ်သိးအံၤတမံၤသ့ဝဲတဂၤလဲၣ်.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.