လံာ်စီၤပၤအခီၣ်ထံးတဘ့ၣ် 3:7 - Sgaw Karen Common Bible

⁷ အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်, နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 22:5

စီၤဒၤဝံးဆိကမိၣ်ထီၣ်ဝဲ, “တၢ်လုၢ်ဟံၣ်လၢယဖိခွါစီၤၡလိၤမိၤကသူၣ်ထီၣ်န့ၣ်, ကဘၣ်လီၤဘီလီၤမုၢ်ဒီးမံၤဟူသၣ်ဖျါလၢဟီၣ်ခိၣ်ဒီဘ့ၣ်ညါလီၤ. ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိ စှၤဒံးမးန့ၣ်လီၤ. လၢတၢ်န့ၣ်အဃိ, ယကဘၣ်ကတဲာ်ကတီၤဆိတၢ် တဖၣ်လၢတၢ်န့ၣ်အဂီၢ်လီၤ.” သတးဒီးတချုးလၢအဝဲသံဒံးဘၣ်န့ၣ်, စီၤဒၤဝံးကတဲာ်ကတီၤပာ်စၢၤတၢ်ပီးတၢ်လီအါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9

ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

စံးထီၣ်ပတြၢၤ 121:8

နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကွၢ်က့ၤဝဲလီၤထူလီၤယိာ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

လံာ်ပှၤစံၣ်တဲၤတဲလီၤတၢ် 10:16

ထံကီၢ်တဘ့ၣ်အိၣ်လၢတၢ်ကိၢ်တၢ်ဂီၤအပူၤဖဲစီၤပၤမ့ၢ်ပှၤသးစၢ် တဂၤဒီးအခိၣ်အနၢ်တဖၣ်အီၣ်တၢ်အီတၢ်တဲာ်နၤန့ၣ်လီၤ.

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:16

ဘၣ်ဆၣ်ဒီးပှၤကိးဂၤဒဲးလၢကီၢ်အံၣ်စရ့လးဒီးကီၢ်ယူဒၤအပူၤ န့ၣ်အဲၣ်စီၤဒၤဝံးလီၤ. အဂ့ၢ်ဒ်အံၤ, အဝဲမ့ၢ်ခိၣ်နၢ်လၢအမၤန့ၢ်မၤနၢၤတၢ်ဒ်န့ၣ်တဂၤအဃိ န့ၣ်လီၤ.