လံာ်စီၤပၤအခီၣ်ထံးတဘ့ၣ် 3:3 - Sgaw Karen Common Bible

³ စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 3:3 Iomraidhean Croise

လံာ်စီၤပၤအခီၣ်ထံးတဘ့ၣ် 11:34

ဘၣ်ဆၣ်ယတဟံးထီၣ်ကွံာ်ဘီဧိၤမုၢ်ဧိၤဒီဘ့ၣ်ညါလၢစီၤၡလိၤ မိၤအစုပူၤဘၣ်. ယကဟ့ၣ်ဒံးအီၤတၢ်စိတၢ်ကမီၤဖဲအဝဲအိၣ်မူဒံးဝဲ အဖၢမုၢ်န့ၣ်လီၤ. ယကမၤတၢ်အံၤမ့ၢ်လၢတၢ်ကွၢ်မဲာ်ယခ့ ယပှၤစီၤဒၤဝံးလၢယဃုထၢတ့ၢ်အီၤဒီးလၢအစူၢ်ယတၢ်သိၣ်တၢ်သီ တဖၣ်ဒီးတၢ်မၤလိာ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:4

ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

လံာ်စီၤပၤအခီၣ်ထံးတဘ့ၣ် 11:6

အဝဲမၤတ့ၢ်တၢ်ဒဲးဘးထီဒါယွၤဒီးတတီဘၣ်ဒီးအီၤဒ်အပၢ်စီၤ ဒၤဝံးတီတ့ၢ်ဒီးယွၤအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:8

ယဟံးထီၣ်ကွံာ်ဘီမုၢ်လၢစီၤဒၤဝံးအစၢၤအသွဲၣ်တဖၣ်အအိၣ်ဒီး ဟ့ၣ်လီၤတ့ၢ်နၤလီၤ. ဘၣ်ဆၣ်နတလီၤဂာ်ဘၣ်ဒီးယခ့ယပှၤစီၤဒၤဝံးန့ၣ်ဘၣ်. အဝဲမ့ၢ်ပှၤလၢအတီဒီးယၤလၢလၢပှဲၤပှဲၤ, စူၢ်ယတၢ်မၤလိာ်တဖၣ်ဒီးမၤတၢ်လၢယဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:11

စီၤအၤစါမၤတ့ၢ်တၢ်လၢအမၤမုာ်ယွၤအသးဒ်အပၢ်ဖးဒိၣ်လၢပျၢၤ စီၤဒၤဝံးမၤတ့ၢ်ဝဲအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:14

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါ ထီၣ်အလီၢ်ခဲလၢာ်ဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:3

အဝဲမၤတ့ၢ်တၢ်ဒဲးဘးတဖၣ်တမံၤဃီဒ်အပၢ်အသိး, ဒီးတသူၣ်တီသးရၤဘၣ်ဒီးယွၤ, အကစၢ်ယွၤလၢာ်လၢာ်ဆ့ဆ့ ဒ်အဖုဖးဒိၣ်စီၤဒၤဝံးအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 15:5

ယွၤမၤတ့ၢ်တၢ်အံၤမ့ၢ်လၢစီၤဒၤဝံးမၤတ့ၢ်တၢ်လၢအမၤမုာ်ယွၤ အသးဒီးစူၢ်အဝဲအတၢ်မၤလိာ်တဖၣ်ထီဘိ, မ့တမ့ၢ်ဘၣ်ထဲလၢတၢ်ဂ့ၢ်တမံၤလၢအဘၣ်ထွဲဒီးပှၤဃ့ၤသးဖိစီၤ အူၤရံယၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:43

ဒ်အပၢ်စီၤအၤစါလၢအဝဲအမဲာ်ညါအသိးန့ၣ်, အဝဲမၤတ့ၢ်တၢ်အဘၣ်လၢယွၤအမဲာ်ညါန့ၣ်လီၤ. ဘၣ်ဆၣ်ပှၤဘါတၢ်ဂီၤတၢ်ဖီၣ်အတၢ်ဘူၣ်တၢ်ဘါအလီၢ်တဖၣ်တဘၣ်တၢ်မၤ ဟးဂီၤအီၤဘၣ်. ဒီးပှၤဂီၢ်မုၢ်လုၢ်ထီၣ်ပာ်ထီၣ်ဒံးတၢ်ဒီးဆူးကဲၤဒံးတၢ်နၢ မူဖဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:44

စီၤယဟိၡၤဖးမၤတၢ်ဃူတၢ်ဖိးဒီးကီၢ်အံၣ်စရ့လးအစီၤပၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 3:14

ဒီးနမ့ၢ်စူၢ်ယၤဒီးတိၢ်န့ၢ်ယတၢ်သိၣ်တၢ်သီတဖၣ်ဒီးယတၢ်မၤလိာ် တဖၣ်ဒ်နပၢ်စီၤဒၤဝံးမၤတ့ၢ်ဝဲအသိးန့ၣ်ဒီး, ယကဒုးအိၣ်ကၢအိၣ်ခိးနၤလီၤ.”

လံာ်စီၤပၤအခီၣ်ထံးတဘ့ၣ် 3:6

စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ ဂ့ၤ, ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:25

ဒီးခဲကနံၣ်အံၤ, ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကဟံးဃာ်ဂၢၢ်ကျၢၤစ့ၢ်ကီးတၢ်အၢၣ်လီၤအဂၤလၢ နမၤတ့ၢ်ဒီးယပၢ်, ဖဲနစံးဘၣ်တ့ၢ်အီၤလၢထီဘိအဝဲအစၢၤအသွဲၣ်အကျါတဂၤကပၢဘၣ် တၢ်ဒ်အံၣ်စရ့လးအစီၤပၤအသိးဖဲအဝဲဒုးစူၢ်အဝဲသ့ၣ်လၢနၤလီၤ တံၢ်လီၤဆဲးဒ်အဝဲစူၢ်ဝဲအသိး, အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:61

မ်သုဝဲ, အပှၤဂီၢ်မုၢ်အိၣ်ဒီးတၢ်သူၣ်တီသးရၤဒီးယွၤ, ပကစၢ်ယွၤထီဘိ, စူၢ်ကယဲၢ်အဝဲအတၢ်သိၣ်တၢ်သီတဖၣ်ဒီးအတၢ်မၤလိာ်တဖၣ်, ဒ်သုမၤအီၤလၢမုၢ်မဆါတနံၤအံၤအသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 9:4

ယကအံးလီၤကွၢ်လီၤအီၤ, ဒီးဒီဒၣ်အိၣ်ပှိၤအီၤကိးဆၢကိးကတီၢ် ဒဲးန့ၣ်လီၤ. ဒ်နပၢ်စီၤဒၤဝံးမၤတ့ၢ်ဝဲအသိး, နမ့ၢ်မၤယတၢ်မၤလၢတၢ်တီတၢ်လိၤဒီးတၢ်ကလုၢ်တီအပူၤ, ဒီးနမ့ၢ်စူၢ်ယတၢ်သိၣ်တၢ်သီတဖၣ်ဒီးမၤကယဲၢ်တၢ်လၢယမၤလိာ်တ့ၢ် နၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 12:3

ဘၣ်ဆၣ်ဒီး, ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ် တၢ်မၤဟးဂီၤကွံာ်အီၤဘၣ်. ဒီးပှၤဂီၢ်မုၢ်လုၢ်ထီၣ်ထွဲဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤ ဒံးတၢ်နၢမူဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:3

အဝဲမၤတ့ၢ်တၢ်လၢအဘၣ်ယွၤအသး, ဘၣ်ဆၣ်ဒီးအဝဲ တလီၤဂာ်ဘၣ်ဒီးအပၢ်ဖးဒိၣ်လၢပျၢၤစီၤဒၤဝံးန့ၣ်ဘၣ်. အခိၣ်တလိာ်အဝဲမၤတၢ်လၢအပၢ်စီၤယိၤအၣ်မၤတ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:4

အဝဲတမၤလီၤပှီၢ်ကွံာ်ဘၣ်ပှၤတစူၢ်တနာ်ယွၤတဖၣ်အတၢ်ဘူၣ်ထီၣ်ဘါ ထီၣ်အလီၢ်ဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံး တၢ်နၢမူဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:35

ဘၣ်ဆၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤကွံာ်အီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံးတၢ်နၢမူဖဲန့ၣ်လီၤ. ပှၤလၢအဘှီထီၣ်ယွၤအတၢ်လုၢ်ဟံၣ်အကလံၤစိးတြဲၤန့ၣ်မ့ၢ်ဝဲစီၤ ယိၤသၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:4

ဘၣ်ဆၣ်, ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤအီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံး တၢ်နၢမူဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:22

ပှၤအၤၡူၢ်ဖိအသုးခိၣ်ဖးဒိၣ်စံးကဒီးဝဲဆူညါ, မ့တမ့ၢ်ဘၣ်ဒီးမ့ၢ်သုကတဲဘၣ်ယၤလၢ, သုသန့ၤသုသးလၢယွၤ, သုကစၢ်ယွၤန့ၣ်ဧါ. ဖဲစီၤဃံးစကံယၤတဲဘၣ်တ့ၢ်ကီၢ်ယူဒၤ ဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ, ကဘၣ်ဘူၣ်ထီၣ်ဘါထီၣ်ဒၣ်တၢ်ထဲလၢဖဲတၢ်လုၢ်လီၢ်လၢဝ့ၢ်ယရူၤ ၡလ့ၣ်အပူၤအခါန့ၣ်, အဝဲမၤဟးဂီၤကွံာ်ယွၤန့ၣ်အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး အတၢ်လုၢ်လီၢ်တဖၣ်န့ၣ်တမ့ၢ်ဘၣ်ဧါ.

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:17

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ကစၢ်ယွၤအတၢ်ဘူၣ် ထီၣ်ဘါထီၣ်အလီၢ်တဖၣ်လၢထံလီၢ်ကီၢ်ပူၤဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီတကတီၢ်ညါအပူၤ န့ၣ်လီၤ.

စံးထီၣ်ပတြၢၤ 145:20

ယွၤပာ်မူပှၤလၢအအဲၣ်အီၤခဲလၢာ်, မ့မ့ၢ်အဝဲကမၤဟးဂီၤ ပှၤတတီတလိၤခဲလၢာ်န့ၣ်လီၤ.

စံးထီၣ်ပတြၢၤ 31:23

အဲၣ်ယွၤ, အပှၤစီဆှံခဲလၢာ်သ့ၣ်ဧၢ, ယွၤအံးထွဲကွၢ်ထွဲပှၤလၢအသးတီဒီးအီၤ, ဘၣ်ဆၣ်ဟ့ၣ်ကၣ်ပှၤပာ်ထီၣ်ထီအသး အါအါကလဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:5

တၢ်မၤလိာ်အံၤအခီပညီမ့ၢ်ဝဲဒၣ်အံၣ်စရ့လးအပှၤဂီၢ်မုၢ်ကဘၣ် ဟဲစိာ်ဆၣ်ဖိကီၢ်ဖိတဖၣ်လၢအညီနုၢ်မၤသံဝဲလၢတၢ်ဘူၣ်ထီၣ်ဘါ ထီၣ်ယွၤအဒဲအချၢတပူၤလၢ်လၢ်န့ၣ်ဆူယွၤအအိၣ်လီၤ. ဒီးကဘၣ်ဟဲစိာ်ဝဲဆူပှၤလုၢ်တၢ်အခိၣ်အအိၣ်, လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒီးမၤသံအီၤဖဲန့ၣ်, ဒီးလုၢ်ထီၣ်အီၤဒ်တၢ်လုၢ်မၤဃူမၤဖိးဆူယွၤအအိၣ်န့ၣ်လီၤ.

လံာ်မးသဲ 22:37

ယ့ၣ်ၡူးစံးဆၢအီၤ, “ ‘အဲၣ်ယွၤနကစၢ်ယွၤလၢနသူၣ်ကံၢ်သးလဲဒီးနသးဒီဖျၢၣ်ညါ, ဒီးနတၢ်ကူၣ်တၢ်ဆးတုၤအလၢာ်တက့ၢ်’ (သိၣ်သီ. ၆:၅).

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

1 ကရံၣ်သူး 8:3

မ့မ့ၢ်ပှၤတဂၤလၢအအဲၣ်ကစၢ်ယွၤန့ၣ်, ဘၣ်တၢ်သ့ၣ်ညါအီၤလၢ ယွၤလီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 10:13

ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်တက့ၢ်. တနံၤအံၤယဟ့ၣ်လီၤသုလၢတၢ်တဖၣ်န့ၣ်, လၢသုတၢ်ဂ့ၤတၢ်ဘျုးအဂီၢ်လီၤ.

လံာ်သိၣ်လီၤသီလီၤတၢ် 11:13

ဒီးလၢတၢ်န့ၣ်အဃိ, စူၢ်တၢ်မၤလိာ်တဖၣ်လၢယဟ့ၣ်လီၤသုတနံၤအံၤတက့ၢ်. အဲၣ်ယွၤ, သုကစၢ်ယွၤဒီးမၤအတၢ်လၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 30:16

သုမ့ၢ်စူၢ်ယွၤ, သုကစၢ်ယွၤအတၢ်မၤလိာ်လၢယဟ့ၣ်လီၤသု တနံၤအံၤ, သုမ့ၢ်အဲၣ်အီၤ, စူၢ်အီၤ, ဒီးတိၢ်န့ၢ်ဖံးဃာ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်ဒီး, အန့ၣ်တစုသုကဘီၣ်ထီၣ်ညီထီၣ်ဒီးကဲထီၣ်ပှၤဂီၢ်မုၢ်ဖးဒိၣ်အပှၤ ကလုာ်န့ၣ်လီၤ. ယွၤ, သုကစၢ်ယွၤကဆိၣ်ဂ့ၤသုလၢကီၢ်လၢသုကဘၣ်မၤန့ၢ်အီၤအပူၤ န့ၣ်လီၤ.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:12

ပိာ်မုၣ်ဖိတဖၣ်စံးဝဲ, “မ့ၢ်, အိၣ်ဝဲဒၣ်လီၤ. နီၢ်နီၢ်န့ၣ်အဝဲအိၣ်ဒၣ်ဖဲသုမဲာ်ညါတစဲးန့ၣ်လီၤ. သုမ့ၢ်လဲၤချ့ချ့ဒီးသုကချုးန့ၢ်အီၤန့ၣ်လီၤ.