လံာ်စီၤပၤအခီၣ်ထံးတဘ့ၣ် 3:26 - Sgaw Karen Common Bible

²⁶ မိၢ်နီၢ်နီၢ်တဂၤလၢအသးပူၤပှဲၤဒီးတၢ်အဲၣ်ဘၣ်အဖိခွါအံၤစံး ဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ဝံသးစူၤတဘၣ်မၤသံ ဖိသၣ်အံၤတဂ့ၤ. ဟ့ၣ်လီၤပိာ်မုၣ်န့ၣ်တက့ၢ်.” ဘၣ်ဆၣ်ပိာ်မုၣ်အဂၤတဂၤစံးဝဲ, “ဟ့ၣ်ပဝဲနီတဂၤတဂ့ၤ. ဖှဲးသ့ၣ်ဖးဒီၣ်တဲာ်ဆၣ်ခီအီၤခံခီန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 3:26 Iomraidhean Croise

လံာ်တၢ်ကဲထီၣ်အခီၣ်ထံး 43:30

တုၤနုၤတစုစီၤယိၤသးဟးထီၣ်သတူၢ်ကလာ်, မ့ၢ်လၢအသးလီၤသကံးဒိၣ်မးလၢအဒီပုၢ်ဝဲၢ်ခွါအဃိန့ၣ်လီၤ. အဝဲထၢၣ်အသးတန့ၢ်လၢၤဘၣ်အဃိ, လဲၤနုာ်ဆူအဒၢးပူၤဒီးဟီၣ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:25

အဝဲစံးဝဲ, “ဖှဲးသ့ၣ်ဖးဖိသၣ်လၢအမူဝဲတဂၤန့ၣ်ခံခီ ဒီးဟ့ၣ်လီၤပိာ်မုၣ်ခံဂၤ, တဂၤတခီစုာ်စုာ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 3:27

တုၤနုၤတစု, စီၤပၤၡလိၤမိၤစံးဝဲ, “မၤသံဖိသၣ်လၢၤတဂ့ၤ. ဟ့ၣ်လီၤဆူပိာ်မုၣ်လၢအခီၣ်ထံးတဂၤန့ၣ်တက့ၢ်. အဝဲမ့ၢ်ဖိသၣ်အမိၢ်နီၢ်နီၢ်န့ၣ်လီၤ.”

စံးထီၣ်ပတြၢၤ 39:3

မ့ၣ်အူကဲၤကဖးလၢယသးပူၤ, ဒီးဖဲယဆိကမိၣ်ထီၣ်တၢ်ဒီး မ့ၣ်အူကဲၤကပျီၤထီၣ်ဝဲန့ၣ်လီၤ. တုၤနုၤတစုယကတိၤထီၣ်ဖျဲးတၢ်လီၤ.

လံာ်ယၡါယၤ 49:15

သတးဒီးယွၤစံးဆၢဝဲ, “ပိာ်မုၣ်တဂၤသးပ့ၤနီၣ်အဖိဒၣ်ဝဲကသ့ဧါ. ဒီးတအဲၣ်ဘၣ်ဖိလၢအဆံးစၢ်ထီၣ်ဝဲန့ၣ်ဘၣ်ဧါ. မိၢ်တဂၤမ့ၢ်သးပ့ၤနီၣ်အဖိဒၣ်လဲာ်န့ၣ်, ယတသးပ့ၤနီၣ်ဘၣ်နၤနီတစုဘၣ်.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

ရိမ့ၤ 1:31

အဝဲသ့ၣ်အသးလၢအသ့ၣ်ညါဒၣ်တၢ်တအိၣ်ဘၣ်. အဝဲသ့ၣ်တမၤလၢပှဲၤအတၢ်အၢၣ်လီၤအီလီၤတဖၣ်ဘၣ်, ဒီးတဒုးနဲၣ်တၢ်သူၣ်ဂ့ၤသးဝါမ့ၢ်ဂ့ၤ, တၢ်သးကညီၤမ့ၢ်ဂ့ၤဆူပှၤဂၤ တဖၣ်န့ၣ်ဘၣ်.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.