လံာ်စီၤပၤအခီၣ်ထံးတဘ့ၣ် 3:15 - Sgaw Karen Common Bible

¹⁵ စီၤၡလိၤမိၤမံပၢၢ်ထီၣ်ဒီးသ့ၣ်ညါဘၣ်ဝဲလၢကစၢ်ယွၤကတိၤတ့ၢ် တၢ်ဒီးအီၤလၢတၢ်မံမီၢ်အပူၤန့ၣ်လီၤ. အန့ၣ်ဝံၤဒီးအဝဲလဲၤဆူဝ့ၢ်ယရူၤၡလ့ၣ်, ဒီးဂဲၤဆၢထၢၣ်ဝဲလၢယွၤအတၢ်အၢၣ်လီၤအီလီၤအတလါစီဆှံအမဲာ်ညါ, ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ်ဆူ ယွၤန့ၣ်လီၤ. အန့ၣ်ဝံၤအလီၢ်ခံ, အဝဲမၤဝဲတၢ်အီၣ်အမူးတမူး လၢကယဲၢ်အပဒိၣ်ပပှၢ်တဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:15 Iomraidhean Croise

လံာ်တၢ်ကဲထီၣ်အခီၣ်ထံး 28:16

ဒီးစီၤယၤကိာ်ပၢၢ်ထီၣ်ဒီးစံးဝဲ, “ယွၤအိၣ်ဖဲအံၤလီၤ. ယွၤအိၣ်ဖဲတၢ်လီၢ်အံၤဒီးယတသ့ၣ်ညါတ့ၢ်ယဲဘၣ်.”

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:20

သၢသီပူၤကွံာ်ဝံၤဖဲစီၤပၤအိၣ်ဖျဲၣ်ဆၢက့ၤအမုၢ်နံၤန့ၣ် စီၤပၤအိၣ်ဒီးအတၢ်အီၣ်အမူးဖးဒိၣ်တမူးလၢအပဒိၣ်ပပှၢ်ခဲလၢာ် အဂီၢ်လီၤ. အဝဲပျၢ်ဖျဲးကွံာ်ပှၤကွၢ်ထွဲစပံးထံဒီးပှၤကုၢ်ကိၣ်အဒိၣ်ဒီး ဟဲစိာ်အဝဲသ့ၣ်ဆူအပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 41:7

ဒီးဘုစဲၤလၢအသွံးတဖၣ်ယူၢ်လီၤကွံာ်ဘုစဲၤလၢအကၢတဖၣ်န့ၣ် လီၤ. စီၤပၤပၢၢ်ထီၣ်ဝဲဒီးသ့ၣ်ညါလၢအဝဲဒၣ်မံမီၢ်တၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:16

ဘၣ်မုၢ်တနံၤ, ပှၤဃဲသဲမုၣ်ခံဂၤဟဲဃီၤဒီးပာ်ဖျါထီၣ်အသး လၢစီၤပၤၡလိၤမိၤအမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:3

ဒီးနီၤဟ့ၣ်လီၤတၢ်အီၣ်တၢ်အီဆူအဝဲသ့ၣ်ခဲလၢာ်အအိၣ်န့ၣ်လီၤ. အဝဲဟ့ၣ်စ့ၢ်ကီးအံၣ်စရ့လးအပှၤပိာ်ခွါဒီးပိာ်မုၣ်တဂၤစုာ် စုာ်လၢကိၣ်တဂၤတလိၣ်, တၢ်ညၣ်အဟၢမံတဂၤတလိၣ်ဒီးစပံးသၣ်အဃ့တနီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:5

အဝဲလုၢ်ထီၣ်ဝဲ, ဂီၤဖံးအဒုခံကလးခံကထိ, ဒီးသိအဒုတကလီၤခံကလးလၢတၢ်လုၢ်မၤဃူမၤဖိးတဖၣ်အဂီၢ်န့ၣ် လီၤ. ဒီးလၢတၢ်န့ၣ်အဃိအဝဲဒီးပှၤဂီၢ်မုၢ်ခဲလၢာ်ပာ်စီဆှံယွၤ အတၢ်လုၢ်ဟံၣ်န့ၣ်လီၤ.

လံာ်နီၢ်အ့ၤစတၢ် 1:3

လၢအဝဲပၢတၢ်သၢနံၣ်တနံၣ်န့ၣ်, မၤတၢ်အီၣ်တၢ်အီအမူးဖးဒိၣ်တခါလၢအပဒိၣ်တဖၣ်ဒီးပှၤပၢတၢ် သ့ၣ်တဖၣ်အဂီၢ်န့ၣ်လီၤ. ကီၢ်ပၤရၣ်ဒီးကီၢ်မၤဒဲအသုးမုၢ်သံၣ်ဘိတဖၣ်, ဒီးဒ်န့ၣ်အသိးကီၢ်ဖိတဖၣ်အပဒိၣ်ဖးဒိၣ်ဒီးပှၤတူၢ်ဒိၣ်ကီၢ်ဒိၣ်တဖၣ် ဟဲဝဲစ့ၢ်ကီးန့ၣ်လီၤ.

လံာ်ယံးရမံယၤ 31:26

အန့ၣ်ဒီး, ပှၤဂီၢ်မုၢ်ကစံးဝဲ, ‘ယမံတ့ၢ်ယဲမုာ်ဒိၣ်မးဒီး ယပၢၢ်ထီၣ် အိၣ်ဒီးတၢ်ဂံၢ်တၢ်ဘါန့ၣ်လီၤ.’

လံာ်ဒၤနံးယ့လး 5:1

မုၢ်တနၤန့ၣ်စီၤပၤဘ့ၤလၡါစၢ်ကွဲဃီၤန့ၣ်အပဒိၣ်ပပှၢ်တကထိဆူတၢ်အီၣ် တၢ်အီအမူးဖးဒိၣ်ဒီးအီသကိးဝဲစပံးထံန့ၣ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်မၢ်ကူး 6:21

လၢခံကတၢၢ်, တၢ်ဆၢကတီၢ်အဂ့ၤလၢနီၢ်ဟ့ၤရိၤဒံအဂီၢ်တုၤဃီၤ ဖဲစီၤပၤဟ့ၤရိာ်အိၣ်ဖျဲၣ်ဆၢက့ၤအမုၢ်နံၤဒီးအဝဲဒၣ်အိၣ်ဒီးတၢ်အီၣ် သကိးအီသကိးအမူးဖးဒိၣ်လၢအပဒိၣ်ပပှၢ်တဖၣ်, သုးခိၣ်သုးနၢ်တဖၣ်ဒီးကီၢ်ကၤလံၤလါအပှၤကဲခိၣ်ကဲနၢ်တဖၣ် အဂီၢ်အခါလီၤ.