လံာ်စီၤပၤအခီၣ်ထံးတဘ့ၣ် 3:11 - Sgaw Karen Common Bible

¹¹ ဒီးလၢတၢ်န့ၣ်အဃိယွၤစံးဘၣ်အီၤ, “လၢနကဃ့နကစၢ်ဒၣ်နဲအတၢ် အိၣ်ကၢအိၣ်ခိးအဂီၢ်မ့ၢ်ဂ့ၤ, တၢ်ထူးတၢ်တီၤမ့ၢ်ဂ့ၤ, နဒုၣ်နဒါတဖၣ်အတၢ်သံမ့ၢ်ဂ့ၤအလီၢ်န့ၣ်, မ့ၢ်လၢနဃ့တ့ၢ်တၢ်ကူၣ်သ့ဒ်သိးနကပၢတၢ်လၢတၢ်စံၣ်ညီၣ်တီအပူၤ အဃိ,

လံာ်စီၤပၤအခီၣ်ထံးတဘ့ၣ် 3:11 Iomraidhean Croise

လံာ်စီၤပၤအခီၣ်ထံးတဘ့ၣ် 3:10

ယွၤဘၣ်သူၣ်ဘၣ်သးတ့ၢ်တၢ်လၢစီၤၡလိၤမိၤဃ့ဝဲအံၤ,

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 1:11

ကစၢ်ယွၤစံးဆၢစီၤၡလိၤမိၤ, “နဃုထၢတ့ၢ်လံတၢ်လၢအဘၣ်လီၤ. လၢနကဃ့တၢ်ထူးတၢ်တီၤမ့ၢ်ဂ့ၤ, တၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ, တၢ်မံၤဟူသၣ်ဖျါမ့ၢ်ဂ့ၤ, နဒုၣ်ဒါတဖၣ်အတၢ်သံမ့ၢ်ဂ့ၤ, ဒီးလၢနကစၢ်ဒၣ်နဲအတၢ်အိၣ်ကၢအိၣ်ခိးအဂီၢ်မ့ၢ်ဂ့ၤ, အလီၢ်န့ၣ်နဃ့တၢ်ကူၣ်သ့ဒီးတၢ်သ့ၣ်ညါဒ်သိးနကပၢယပှၤဂီၢ်မုၢ် လၢယဒုးကဲထီၣ်နၤလၢစီၤပၤလၢအဝဲသ့ၣ်အဖီခိၣ်, ကသ့န့ၣ်လီၤ.

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

တၢ်ကတိၤဒိ. 16:31

သးသမူအထီန့ၣ်မ့ၢ်ပှၤတီပှၤလိၤအတၢ်န့ၢ်ဘျုးလီၤ. ခိၣ်သူဝါန့ၣ်မ့ၢ်တၢ်လၤကပီၤအခိၣ်သလုးလီၤ.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.