လံာ်စီၤပၤအခီၣ်ထံးတဘ့ၣ် 3:1 - Sgaw Karen Common Bible

¹ စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ တုၤလီၤလၢအဝဲသူၣ်ထီၣ်အနီ, ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ တစုန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤပၤအခီၣ်ထံးတဘ့ၣ် 11:1

စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးအလီၢ်ခံ, အနံၣ်လွံၢ်ကယၤဃိးဆံ, ဖဲစီၤၡလိၤမိၤကဲစီၤပၤလၢကီၢ်အံၣ်စရ့လးလွံၢ်နံၣ်တနံၣ်လၢလါခံလါတလါ, လါစံာ်အပူၤန့ၣ်စီၤၡလိၤမိၤစးထီၣ်တၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:1

စီၤၡလိၤမိၤသူၣ်ထီၣ်စ့ၢ်ကီးနီတဖျၢၣ်လၢအဂီၢ်ဒၣ်ဝဲ, ဒီးယံာ်ဝဲတဆံသၢနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:8

လၢတၢ်စံၣ်ညီၣ်အဒၢးဖးဒိၣ်အလီၢ်ခံဂၢၤအဂၤတတီၤန့ၣ်, စီၤၡလိၤမိၤအကစၢ်ဒၣ်ဝဲအိၣ်ဆိးအဟံၣ်တဖၣ်ဘၣ်တၢ်ဘှီထီၣ်အီၤဒ် တၢ်သူၣ်ထီၣ်အဂၤတဖၣ်အသိးန့ၣ်လီၤ. အဝဲဘှီထီၣ်စ့ၢ်ကီးဟံၣ်ဒ်န့ၣ်အသိးလၢအမါ, ကီၢ်အဲၤကူပတူးအစီၤပၤအဖိမုၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:1

တုၤစီၤပၤၡလိၤမိၤမၤဝံၤတၢ်သူၣ်ထီၣ်ဘှီထီၣ်ယွၤအတၢ်လုၢ်ဟံၣ်, ဒီးနီ, ဒီးကယဲၢ်တၢ်လၢအဝဲအဲၣ်ဒိးဘှီထီၣ်ဝဲတဖၣ်အလီၢ်ခံ န့ၣ်,

လံာ်စီၤပၤအခီၣ်ထံးတဘ့ၣ် 9:10

စီၤၡလိၤမိၤသူၣ်ထီၣ်ယွၤအတၢ်လုၢ်ဟံၣ်ဒီးအဝဲအနီ, ယံာ်ဝဲအနံၣ်ခံဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:24

ဖဲအဝဲအမါလၢအမ့ၢ်ကီၢ်အဲၤကူပတူးအစီၤပၤအဖိမုၣ်, သုးအသးလၢစီၤဒၤဝံးအဝ့ၢ်ဆူနီလၢစီၤၡလိၤမိၤဘှီထီၣ်န့ၢ် လၢအဂီၢ်ဝံၤအလီၢ်ခံန့ၣ်, စီၤၡလိၤမိၤမၤပှဲၤထီၣ်ဟီၣ်ခိၣ်လၢတၢ်လီၢ်လၢအအိၣ်လၢဝ့ၢ် အမုၢ်ထီၣ်တကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:7

မ့ၢ်လၢစီၤဒၤဝံးလဲၤအိၣ်ဝဲဆိးဝဲဖဲတိာ်န့ၣ်အပူၤအဃိဘၣ် တၢ်ကိးလၢ “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:1

တုၤကီၢ်ယူဒၤအစီၤပၤစီၤယဟိၡၤဖးထူးထီၣ်တီၤထီၣ်ဝဲဒီး အမံၤဟူသၣ်ဖျါထီၣ်ဝဲန့ၣ်, အဝဲသုးကျဲၤတၢ်တ့တၢ်ဖျီတခါလၢအဝဲအဒူၣ်ဖိထၢဖိတဂၤဒီး ကီၢ်အံၣ်စရ့လးအစီၤပၤအၤဃာ်အဒူၣ်ဖိထၢဖိတဂၤအဘၢၣ်စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:11

စီၤၡလိၤမိၤဒုးဟးထီၣ်ကွံာ်အမါလၢအမ့ၢ်ကီၢ်အဲၤကူပတူး အစီၤပၤအဖိမုၣ်လၢစီၤဒၤဝံးအဝ့ၢ်ဆူဟံၣ်တဖျၢၣ်လၢအဝဲသူၣ် ထီၣ်ဝဲလၢအမါအံၤအဂီၢ်န့ၣ်လီၤ. အဝဲစံးဝဲ, “ပိာ်မုၣ်အံၤတဘၣ်အိၣ်လၢအံၣ်စရ့လးအစီၤပၤဒၤ ဝံးအနီပူၤဘၣ်. အဂ့ၢ်ဒ်အံၤ, တၢ်လီၢ်တပူၤလၢ်လၢ်ဖဲ တၢ်အၢၣ်လီၤအီလီၤအတလါစီဆှံအိၣ်ဝဲန့ၣ်မ့ၢ်တၢ်လီၢ်စီဆှံ န့ၣ်လီၤ.”

လံာ်စီၤဧ့စြၤ 5:11

အဝဲသ့ၣ်စံးဆၢဝဲလၢပမ့ၢ်မူခိၣ်ဒီးဟီၣ်ခိၣ်အကစၢ်ယွၤအခ့ အပှၤတဖၣ်, ဒီးပဘှီထီၣ်ကဒါက့ၤတၢ်လုၢ်ဟံၣ်, လၢအဘၣ်တၢ်ဘှီထီၣ်တ့ၢ်ဒီးမၤပှဲၤတ့ၢ်အီၤအဂံၢ်ခိၣ်ထံးလၢကီၢ် အံၣ်စရ့လးအစီၤပၤဖးဒိၣ်တဂၤလၢအပူၤကွံာ်အါနံၣ်အါလါတ့ၢ်လံန့ၣ်လီၤ.

လံာ်စီၤဧ့စြၤ 9:14

လၢတၢ်န့ၣ်အဃိ, ပတပာ်ကဲကဒီးနတၢ်မၤလိာ်တဖၣ်ဒီးဆီဟံၣ်ဆီဃီ ဒီးပှၤဂီၢ်မုၢ်အအၢအသီတဖၣ်အံၤကသ့ဝဲဒ်လဲၣ်. ပမ့ၢ်မၤဒ်န့ၣ်ဒီးနကသးဒိၣ်ထီၣ်ဒိၣ်မးတုၤဒၣ်လဲာ်နကမၤဟးဂီၤ ကွံာ်ပှၤလၢာ်လၢာ်ဆ့ဆ့ဒီးတပျဲအိၣ်မူလီၤတဲာ်ပှၤနီတဂၤဘၣ် န့ၣ်လီၤ.

လံာ်သိၣ်လီၤသီလီၤတၢ် 23:8

စးထီၣ်လၢအဝဲသ့ၣ်အစၢၤအသွဲၣ်တဖၣ်သၢစိၤတစိၤဒီးဆူညါန့ၣ် တၢ်ကဘၣ်ဂံၢ်ဃုာ်အီၤလၢယွၤအပှၤဂီၢ်မုၢ်အကျါန့ၣ်လီၤ.