လံာ်စီၤပၤအခီၣ်ထံးတဘ့ၣ် 22:6 - Sgaw Karen Common Bible

⁶ လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤပၤအခီၣ်ထံးတဘ့ၣ် 22:6 Iomraidhean Croise

လံာ်စီၤပၤအခီၣ်ထံးတဘ့ၣ် 12:9

အဝဲသံကွၢ်ဝဲ, “သုကဟ့ၣ်ကူၣ်ယၤလၢယကဘၣ်မၤတၢ်မနုၤန့ၣ်လဲၣ်. ပှၤဂီၢ်မုၢ်လၢအဃ့ယၤလၢယကဘၣ်မၤဖှံထီၣ်အတၢ်ဝံတၢ်ယိးတဖၣ်န့ၣ်, ယကဘၣ်စံးဘၣ်အီၤဒ်လဲၣ်.”

လံာ်စီၤပၤအခီၣ်ထံးတဘ့ၣ် 18:19

ခဲကနံၣ်အံၤဟ့ၣ်လီၤနကလုၢ်လၢကယဲၢ်ကီၢ်အံၣ်စရ့လးအပှၤဂီၢ်မုၢ် ကဟဲထံၣ်ယၤဖဲကစၢၢ်ကၢ်မ့ၤလးအလိၤန့ၣ်တက့ၢ်. ဟဲကိးဃုာ်ဘဧၤလးအဝံလွံၢ်ကယၤယဲၢ်ဆံဂၤဒီးကစၢ်မုၣ်အၡ့ရၤ အဝံလွံၢ်ကယၤဂၤလၢအဘၣ်တၢ်ဆီၣ်ထွဲမၤစၢၤတ့ၢ်အီၤလၢနီၢ်ပၤ မုၣ်အံၤစ့ဘ့ၤလးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 18:20

လၢတၢ်န့ၣ်အဃိစီၤအၤဃာ်ကိးဖှိၣ်ကယဲၢ်ပှၤအံၣ်စရ့လးဖိ ခဲလၢာ်ဒီးဘဧၤလးအဝံတဖၣ်လၢကဟဲထံၣ်လိာ်အသးဖဲ ကစၢၢ်ကၢ်မ့ၤလးအလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:10

စီၤပၤခံဂၤကူသိးဝဲဒီးစီၤပၤအဆ့ကၤဒိၣ်တဖၣ်, ဆ့ၣ်နီၤလၢအ ဝဲသ့ၣ်အလီၢ်ပစိာ်တဖၣ်အဖီခိၣ်, ဖဲပှၤကြဲၢ်တၢ်အလီၢ်လၢအအိၣ်ဝဲ ဖဲဝ့ၢ်ၡၤမရံအတြဲၤဖးဒိၣ်အချၢတစဲး, ဒီးကယဲၢ်ဝံတဖၣ်ကတိၤတၢ်လၢဝံအကျိာ်ဖဲအဝဲသ့ၣ်အမဲာ်ညါန့ၣ် လီၤ.

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:5

ဘၣ်ဆၣ်ဒီးအဆိကတၢၢ်မ်ပကသံကွၢ်သကိးတၢ်ဒီးယွၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 10:19

ကိးဖှိၣ်ကယဲၢ်ဘဧၤလးအဝံခဲလၢာ်, ကယဲၢ်ပှၤတဖၣ်လၢဘူၣ်ထီၣ်ဘါ ထီၣ်အီၤ, ဒီးကယဲၢ်အပှၤလုၢ်တၢ်အခိၣ်ခဲလၢာ်တက့ၢ်. ပျဲပှၤအိၣ်တ့ၢ်နီတဂၤတဂ့ၤ. ယကလုၢ်ထီၣ်တၢ်လုၢ်ဖးဒိၣ်တမံၤ ဆူဘဧၤလးအအိၣ်ဒီးပှၤတဂၤလၢ်လၢ်လၢအတဟဲဘၣ်န့ၣ်, ကဘၣ်တၢ်မၤသံကွံာ်အီၤန့ၣ်လီၤ.” (အအံၤမ့ၢ်စီၤယ့ၤဟူအတၢ်ကူၣ်လီတမံၤလၢအဝဲတိာ်ပာ်ဝဲလၢကမၤ သံကယဲၢ်ပှၤဘူၣ်ထီၣ်ဘါထီၣ်ဘဧၤလးခဲလၢာ်န့ၣ်လီၤ.)

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:14

တုၤအဝဲလဲၤအိၣ်ဖျါထီၣ်လၢစီၤပၤအၤဃာ်အမဲာ်ညါန့ၣ်, စီၤပၤသံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖး ဒီးယၤပကြၢးလဲၤထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဒုးဘၣ်န့ၣ်ဧါ.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်နကမၤနၢၤတၢ်လီၤ. ယွၤကဟ့ၣ်နၤတၢ်မၤနၢၤန့ၣ်လီၤ.”

လံာ်ယၡါယၤ 36:10

မ့ၢ်သုဆိကမိၣ်လၢယဒုးသုထံသုကီၢ်ဒီးမၤဟးဂီၤတ့ၢ်အီၤန့ၣ်, တအိၣ်ဘၣ်ဒီးယွၤအတၢ်မၤစၢၤဘၣ်န့ၣ်ဧါ. ယွၤအနီၢ်ကစၢ်ဒၣ်ဝဲစံးဘၣ်တ့ၢ်ယၤလၢယကလဲၤထီၣ်ဒုးအီၤဒီး မၤဟးဂီၤအီၤလီၤ.”

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.