လံာ်စီၤပၤအခီၣ်ထံးတဘ့ၣ် 22:48 - Sgaw Karen Common Bible

⁴⁸ စီၤပၤယဟိၡၤဖးအိၣ်ဒီးအကဘီတဖၣ်လၢအလဲၤတၢ်လၢပီၣ်လဲၣ်ပူၤ လၢကလဲၤတၢ်ဆူကီၢ်အိဖ့ၢ်လၢတၢ်မၤန့ၢ်ထူအဂီၢ်န့ၣ်လီၤ. ဘၣ်ဆၣ်အဝဲသ့ၣ်ဟးဂီၤကွံာ်ဝဲဖဲဝ့ၢ်ဧးစယိၣ်က့ဘ့ၢ်ဒီးတလဲၤ တၢ်နီတစုလၢၤဘၣ်.

လံာ်စီၤပၤအခီၣ်ထံးတဘ့ၣ် 22:48 Iomraidhean Croise

လံာ်တၢ်ကဲထီၣ်အခီၣ်ထံး 27:37

စီၤအံၤစဲးစံးဆၢဝဲ, “ယဖိခွါဧၢ, ယဒုးကဲတ့ၢ်အီၤကစၢ်လၢ နဖီခိၣ်လံ. ဒီးယဒုးကဲအဘူးအတံၢ်ခဲလၢာ်လၢအကုၢ်အပှၤတဖၣ်လီၤ. ယဟ့ၣ်တ့ၢ်လံအီၤဘုဧိၤဟုဧိၤဒီးစပံးထံလံ. ခဲအံၤ, ယမၤတၢ်လၢနဂီၢ်တသ့နီတမံၤလၢၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:49

အန့ၣ်ဒီးကီၢ်အံၣ်စရ့လးအစီၤပၤစီၤအဃၤစယၤအဲၣ်ဒိးပျဲလီၤ အပှၤတဖၣ်လၢကလဲၤဃုာ်တၢ်ဒီးစီၤယဟိၡၤဖးအပှၤတဖၣ်, ဘၣ်ဆၣ်ဒီးစီၤယဟိၡၤဖးတတူၢ်လိာ်ဘၣ်တၢ်သးအိၣ်န့ၣ်ဘၣ်လီၤ.

လံာ်စီၤပၤအခီၣ်ထံးတဘ့ၣ် 9:26

စီၤၡလိၤမိၤဘှီထီၣ်စ့ၢ်ကီးကဘီတကရူၢ်ဖဲဝ့ၢ်ဧ့းစယိၣ်က့ ဘ့ၢ်လၢအအိၣ်ဘူးဒီးအ့လိးလၢအအိၣ်ဖဲပီၣ်လဲၣ်က့ၣ်ကျီၤအကၣ် ဘၣ်အနံၤ, လၢကီၢ်အဒိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:28

အဝဲသ့ၣ်လဲၤဝဲဆူကီၢ်အိဖ့ၢ်ဒီးဟဲက့ၤစိာ်ဝဲထူလီၤတယၢၢ် အကံကၢ်တကယၤခံဆံ, ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:9

လၢတၢ်န့ၣ်အဃိစီၤပၤယဟိရၣ်ဒီးကီၢ်ယူဒၤအစီၤပၤဒီးကီၢ် အဒိၣ်အစီၤပၤတဖၣ်ဟးထီၣ်ဝဲဒၣ်လီၤ. ဖဲအဝဲသ့ၣ်လဲၤတၢ်နွံသီဝံၤအလီၢ်ခံန့ၣ်, အဝဲသ့ၣ်အထံလၢာ်ကွံာ်န့ၢ်အီၤ, ဒီးထံတအိၣ်တီၢ်နီတစဲးလၢပှၤ ကညီအဂီၢ်မ့ၢ်ဂ့ၤလၢဆၣ်ဖိကီၢ်ဖိတဖၣ်လၢအလဲၤတၢ်ဒီးအဝဲသ့ၣ် အဂီၢ်မ့ၢ်ဂ့ၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 8:20

ဖဲစီၤယဟိရၣ်ပၢတၢ်အခါန့ၣ်, ကီၢ်အဒိၣ်ပူထီၣ်တၢ်ထီဒါကီၢ်ယူ ဒၤဒီးကဲထီၣ်ထံကီၢ်လၢအအိၣ်သဘျ့တဘ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:21

တုၤအကူၣ်လိာ်ဖးလိာ်သကိးအသးဒီးပှၤဂီၢ်မုၢ်ဝံၤအလီၢ်ခံန့ၣ်, စီၤပၤဟ့ၣ်လီၤအကလုၢ်လၢပှၤသးဝံၣ်တၢ်ဖိတနီၤကကူထီၣ်သိးထီၣ် အဆ့ကၤဒိၣ်တဖၣ်လၢအဝဲသ့ၣ်ကူသိးဝဲဖဲဘူၣ်စီဆှံအကတီၢ်တဖၣ်န့ၣ်, ဒီးကလဲၤတၢ်လၢသုးမုၢ်အမဲာ်ညါဒီးသးဝံၣ်ထီၣ်တၢ်, “စံးထီၣ်ပတြၢၤယွၤတက့ၢ်. အဝဲအတၢ်အဲၣ်မ့ၢ်တၢ်လီၤထူလီၤ ယိာ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:7

ဘၣ်ဆၣ်ဝံတဂၤလဲၤဃီၤဆူစီၤပၤအအိၣ်ဒီးစံးဘၣ်အီၤ, “လဲၤကိးဃုာ်ပှၤအံၣ်စရ့လးအသုးဖိတဖၣ်အံၤဒီးနၤတဂ့ၤ. ယွၤတအိၣ်ဘၣ်ဒီးပှၤတဖၣ်အံၤလၢအဟဲလၢကလံၤစိးဘီမုၢ် တခီန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

စံးထီၣ်ပတြၢၤ 45:9

လၢပိာ်မုၣ်တဖၣ်လၢ အအိၣ်လၢနနီပူၤအကျါန့ၣ် စီၤပၤအဖိမုၣ်တဖၣ်အိၣ်ဝဲ ဒီးနီၢ်ပၤမုၣ်ဆၢထၢၣ်လၢနလီၢ်ပစိာ်စုထွဲတကပၤ, သိးဝဲတၢ်ကယၢကယဲတဖၣ်လၢ တၢ်မၤအီၤဒီး ထူအဂ့ၤကတၢၢ်န့ၣ်လီၤ.

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

လံာ်ယၡါယၤ 2:16

အဝဲကမၤလီၤဘျၢကွံာ်ကဘီလၢအဒိၣ်ကတၢၢ်ဒီးအဃံလၤ ကတၢၢ်တဖၣ်ဒၣ်လဲာ်န့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.