လံာ်စီၤပၤအခီၣ်ထံးတဘ့ၣ် 22:40 - Sgaw Karen Common Bible

⁴⁰ တုၤအဝဲသံန့ၣ်အဖိခွါစီၤအဃၤစယၤကဲထီၣ်စီၤပၤလၢအလီၢ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 22:40 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:21

ဖဲစီၤဟၤဒးအိၣ်လၢကီၢ်အဲၤကူပတူးအပူၤဒီးနၢ်ဟူဘၣ်တၢ် ကစီၣ်လၢစီၤဒၤဝံးသံလံဒီးအသုးမုၢ်အသုးခိၣ်ကျၢၢ်စီၤယိၤ အာ်သံလံန့ၣ်, စီၤဟၤဒးစံးဘၣ်စီၤပၤ, “ပျဲယက့ၤကဒါက့ၤဆူ ယထံယကီၢ်ဒၣ်ယဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 11:43

အဝဲသံဝဲဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ ဒီးအဖိခွါစီၤရဃၤဘၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:31

စီၤရဃၤဘၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်အပူၤန့ၣ်လီၤ. ဒီးအဖိခွါစီၤအဘံယၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:39

ကယဲၢ်တၢ်အဂုၤအဂၤတမံၤလၢ်လၢ်လၢစီၤပၤအၤဃာ်မၤတ့ၢ်ဝဲ, ဃုာ်ဒီးတၢ်ကွဲးနီၣ်ဘၣ်ထွဲဒီးအဝဲအနီလၢအဘၣ်တၢ်ကယၢကယဲ အီၤလၢကဆီမဲဒီးကယဲၢ်ဝ့ၢ်တဖၣ်လၢအဝဲသူၣ်ထီၣ်တ့ၢ်ဝဲ အဂ့ၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤ ပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:41

လၢကီၢ်အံၣ်စရ့လးအစီၤပၤအၤဃာ်ပၢတၢ်လွံၢ်နံၣ်တနံၤအပူၤ န့ၣ်, စီၤအၤစါအဖိခွါစီၤယဟိၡၤဖးကဲထီၣ်ကီၢ်ယူဒၤအစီၤပၤ,

လံာ်စီၤပၤအခီၣ်ထံးတဘ့ၣ် 22:51

လၢကီၢ်ယူဒၤအစီၤပၤစီၤယဟိၡၤဖးပၢတၢ်တဆံနွံနံၣ်တနံၣ် အပူၤန့ၣ်စီၤအၤဃာ်အဖိခွါစီၤအဃၤစယၤကဲထီၣ်ကီၢ်အံၣ်စရ့လး အစီၤပၤ, ဒီးအဝဲပၢတၢ်လၢဝ့ၢ်ၡၤမရံခံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:52

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲထီၣ်အပၢ်စီၤအၤဃာ်, ဒီးအမိၢ်နီၢ်အံၤစ့ဘ့ၤလး, ဒီးစီၤပၤယၤရၤဘၣ်တဖၣ်အဒိအတဲာ် လၢအအၢအသီအခံ, လၢအဆှၢဃီၤတ့ၢ်ကီၢ်အံၣ်စရ့လးဆူ တၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:17

စီၤပၤအဃၤစယၤသံဝဲဒ်ယွၤစံးတ့ၢ်ဝဲခီဖျိစီၤအ့ၤလံယၤန့ၣ်လီၤ. စီၤအဃၤစယၤအဖိခွါတအိၣ်နီတဂၤဘၣ်. လၢတၢ်န့ၣ်အဃိအဝဲအဒီပုၢ်ဝဲၢ်ခွါစီၤယဟိရၣ်ကဲထီၣ်စီၤပၤ လၢအဝဲအလီၢ်, ဖဲစီၤယဟိၡၤဖးအဖိခွါ, ကီၢ်ယူဒၤအစီၤပၤ, စီၤယဟိရၣ်ကဲစီၤပၤပှဲၤထီၣ်ခံနံၣ်တနံၣ်အကတီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:35

တဘျီန့ၣ်, ကီၢ်ယူဒၤအစီၤပၤစီၤယဟိၡၤဖးမၤတ့ၢ်တၢ်ဒီသိၣ် ဒီမှံၤဒီးစီၤအဃၤစယၤလၢအမ့ၢ်ကီၢ်အံၣ်စရ့လးအစီၤပၤတဂၤ လၢအမၤတ့ၢ်တၢ်အၢတၢ်သီအါမံၤန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.