လံာ်စီၤပၤအခီၣ်ထံးတဘ့ၣ် 22:36 - Sgaw Karen Common Bible

³⁶ ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်စီၤပၤအခီၣ်ထံးတဘ့ၣ် 22:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:8

တုၤနုၤတစု, စီၤပၤဂဲၤဆၢထၢၣ်ဒီးလဲၤဆ့ၣ်နီၤဝဲဘူးဒီး ဝ့ၢ်အတြဲၤန့ၣ်လီၤ. အပှၤတဖၣ်နၢ်ဟူဘၣ်လၢအဝဲအိၣ်ဖဲန့ၣ်, သတးဒီးအဝဲသ့ၣ်ခဲလၢာ်လဲၤပာ်ဖှိၣ်ထီၣ်အသးဝးတရံးအီၤန့ၣ်လီၤ. အကတီၢ်ဖဲန့ၣ်, ကယဲၢ်ပှၤအံၣ်စရ့လးဖိခဲလၢာ် ဃ့ၢ်ကွံာ်ဝဲတဂၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်စီၤပၤအခီၣ်ထံးတဘ့ၣ် 12:24

“ကီၢ်အံၣ်စရ့လးအပှၤဂီၢ်မုၢ်ဧၢ, ဒုးတၢ်ဒီးသုဒီပုၢ်ဝဲၢ် ကဒဲကဒဲတဖၣ်တဂ့ၤ. သုဝဲခဲလၢာ်က့ၤဆူသုဟံၣ်တက့ၢ်. တၢ်လၢအမၤတ့ၢ်အသးအံၤမ့ၢ်ဒၣ်ယတၢ်ဘၣ်ယသးန့ၣ်လီၤ.” အဝဲသ့ၣ်ခဲလၢာ်စူၢ်ယွၤအတၢ်မၤလိာ်ဒီးက့ၤကဒါက့ၤဆူအဟံၣ်ဒၣ် ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:31

ကီၢ်စူၤရံအစီၤပၤဟ့ၣ်လီၤအကလုၢ်ဆူပှၤအခိၣ်သၢဆံခံဂၤလၢ လ့ၣ်ကဟၣ်ဒုးသုးအဂီၢ်လၢ, မ့တမ့ၢ်ဘၣ်လၢကီၢ်အံၣ်စရ့လးအစီၤပၤဘၣ်န့ၣ်, အဝဲသ့ၣ်သုတဒုးပှၤအဂၤနီတဂၤတဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:35

ဖဲတၢ်ဒုးဆူၣ်ဒံးဝဲအကတီၢ်န့ၣ်, စီၤပၤအၤဃာ်အိၣ်ပိာ်ဆၢထၢၣ် တ့ၢ်ဒံးအသးလၢအလ့ၣ်ကဟၣ်အပူၤဒီးကွၢ်ဆၢညါပှၤစူၤရံဖိ တဖၣ်န့ၣ်လီၤ. အဝဲအပူၤလီၢ်အသွံၣ်တဖၣ်ယွၤလီၤဝဲ, ဒီးကးဘၢလ့ၣ်ကဟၣ်အဒါန့ၣ်လီၤ. ဒီးလၢဟါခီန့ၣ်အဝဲသံဝဲ ဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:37

အအံၤမ့ၢ်စီၤပၤအၤဃာ်အတၢ်သံန့ၣ်လီၤ. အဝဲအစိၣ်ဘၣ်တၢ်စိာ်အီၤဆူဝ့ၢ်ၡၤမရံဒီးဘၣ်တၢ်ခူၣ်လီၤကွံာ် အီၤဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:12

စီၤပၤအမၤစယါအသုးမုၢ်ဘၣ်တၢ်မၤနၢၤကွံာ်အီၤဒီးအပှၤသုးဖိ ခဲလၢာ်ထွးထီၣ်ဃ့ၢ်ပူၤဖျဲးအသးဆူအဟံၣ်ဒၣ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 21:24

တကတီၢ်ဃီန့ၣ်, ပှၤအံၣ်စရ့လးဖိအဂၤတဖၣ်ဟးထီၣ်ကွံာ်ဝဲ, ဒီးပှၤကိးဂၤဒဲးက့ၤကဒါက့ၤဆူအဒူၣ်ဒၣ်ဝဲဒီး အဟံၣ်ဖိဃီဖိဒၣ်ဝဲဒီးဆူအတၢ်စုလီၢ်ခီၣ်ခိၣ်ဒၣ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10

ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.