လံာ်စီၤပၤအခီၣ်ထံးတဘ့ၣ် 22:34 - Sgaw Karen Common Bible

³⁴ ဘၣ်ဆၣ်, လၢတၢ်ဘၣ်ဆၢၣ်ဘၣ်တီၤအဃိ, စူၤရံအသုးဖိတဂၤခးပျၢ်တဘ့ၣ်လၢအမၤဘၣ်ဒိစီၤပၤအၤဃာ်ဖဲ အသဃိးအဆၢန့ၣ်လီၤ. အဝဲကိးထီၣ်ဆူအပှၤနီၣ်လ့ၣ်ကဟၣ်စံးဝဲ, “ယဘၣ်ဒိလံ. နီၣ်ဟးထီၣ်ကွံာ်နလ့ၣ်ကဟၣ်လၢတၢ်ဒုးပျီပူၤတက့ၢ်.”

လံာ်စီၤပၤအခီၣ်ထံးတဘ့ၣ် 22:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:11

ပှၤအိၣ်ဝဲဒၣ်အဂၤခံကယၤ, လၢဒ်စီၤအးဘၡါလိၣ်ကွဲမုာ်အီၤအသိးန့ၣ်, ဟးထီၣ်လၢဝ့ၢ်ယရူၤၡလ့ၣ်ဒီးအီၤန့ၣ်လီၤ. အဝဲသ့ၣ်တသ့ၣ်ညါတၢ်ကူၣ်ကျဲၤအအၢအဂ့ၢ်နီတမံၤဘၣ်ဒီး လဲၤဝဲလၢတၢ်သးလိၤသးဘျၢအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:33

အဝဲသ့ၣ်, သ့ၣ်ညါက့ၤဝဲဒၣ်လၢအဝဲတမ့ၢ်ဘၣ်ကီၢ်အံၣ်စရ့လးအစီၤ ပၤဘၣ်အဃိ, အဝဲသ့ၣ်ဆိကတီၢ်အတၢ်ဒုးအီၤလီၤ.

လံာ်စီၤပၤအခီၣ်ထံးတဘ့ၣ် 22:35

ဖဲတၢ်ဒုးဆူၣ်ဒံးဝဲအကတီၢ်န့ၣ်, စီၤပၤအၤဃာ်အိၣ်ပိာ်ဆၢထၢၣ် တ့ၢ်ဒံးအသးလၢအလ့ၣ်ကဟၣ်အပူၤဒီးကွၢ်ဆၢညါပှၤစူၤရံဖိ တဖၣ်န့ၣ်လီၤ. အဝဲအပူၤလီၢ်အသွံၣ်တဖၣ်ယွၤလီၤဝဲ, ဒီးကးဘၢလ့ၣ်ကဟၣ်အဒါန့ၣ်လီၤ. ဒီးလၢဟါခီန့ၣ်အဝဲသံဝဲ ဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:24

စီၤယ့ၤဟူထုးထီၣ်အချံၣ်ဒီးလၢအဂံၢ်အဘါခဲလၢာ်အပူၤန့ၣ်အဝဲ ခးပျၢ်တဘ့ၣ်လၢအဆဲးဖျိဘၣ်စီၤယဟိရၣ်အချၢဃံဒီးဆဲးဖျိဆူ အသးန့ၣ်လီၤ. စီၤယဟိရၣ်လီၤဃံၤသံဝဲလၢအလ့ၣ်ကဟၣ်ပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 18:30

ကီၢ်စူၤရံအစီၤပၤဟ့ၣ်လီၤတ့ၢ်အကလုၢ်ဆူအလ့ၣ်ကဟၣ်သုးအခိၣ် တဖၣ်လၢအသုတလဲၤထီၣ်ဒုးပှၤအဂၤတဂ့ၤ. မ့မ့ၢ်ကဒုးဒၣ်ထဲကီၢ်အံၣ်စရ့လးအစီၤပၤဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:23

လၢတၢ်ဒုးအကတီၢ်န့ၣ်, စီၤပၤယိၤၡံယၤဘၣ်ဒိလၢပှၤအဲၤကူ ပတူးဖိအပျၢ်တဖၣ်န့ၣ်လီၤ. အဝဲဟ့ၣ်လီၤအကလုၢ်ဆူအခ့အပှၤတဖၣ်စံးဝဲ, “စိာ်ကွံာ်ယၤတက့ၢ်. ယဘၣ်ဒိနးမးလီၤ.”

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

လံာ်မံကၤ 6:13

မၤသးဒ်န့ၣ်ဒီးယစးထီၣ်မၤတ့ၢ်သုတၢ်ဟးဂီၤဒီးတၢ်လီၤပှီၢ်လၢ သုတၢ်ဒဲးဘးတဖၣ်အဃိလီၤ.

လံာ်လီၣ်ဖျါ 9:9

အဝဲသ့ၣ်အသးနါပှၢ်ဘၣ်တၢ်မၤဘၢဃာ်အီၤလၢတၢ်လၢ အလီၤဂာ်ဒီးသဃိးထး, ဒီးတၢ်သီၣ်တၢ်သဲလၢအဘၣ်တၢ်ဒုးအိၣ်ထီၣ်အီၤလၢအဒံးဆ့ တဖၣ်န့ၣ်လီၤဂာ်ဒီးကသ့ၣ်လ့ၣ်ကဟၣ်ဒုးသုးလၢအသဖှိဃီၤဆူ တၢ်ဒုးသုးပူၤတဖၣ်အသီၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:49

အဝဲဘုးနုာ်အစုဆူအထၢၣ်ပူၤဒီးထုးထီၣ်လၢၢ်တဖျၢၣ်ဒီးဘျုး ဃီၤစီၤကၤလယးလၢနီၣ်ဘျုးန့ၣ်လီၤ. လၢၢ်န့ၣ်ဘၣ်စီၤကၤလယးဖဲအခိၣ်တိသၣ်ဒီးအခိၣ်ကုကၢၢ်ဝဲ, ဒီးစီၤကၤလယးလီၤဃံၤအီထီလာ်လၢဟီၣ်ခိၣ်လိၤန့ၣ်လီၤ.