လံာ်စီၤပၤအခီၣ်ထံးတဘ့ၣ် 22:30 - Sgaw Karen Common Bible

³⁰ စီၤအၤဃာ်စံးဘၣ်စီၤယဟိၡၤဖး, “တုၤပလဲၤဆူတၢ်ဒုးအပူၤန့ၣ်, ယကပျိာ်လီၤဆီယသး, မ့မ့ၢ်နဲဒၣ်, ကူကၤစီၤပၤအကူအသိးတဖၣ်န့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤဆူတၢ်ဒုးအပူၤအိၣ် ဒီးတၢ်ပျိာ်လီၤဆီအသးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 14:2

စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:38

ဝံန့ၣ်ဘိၣ်ထီၣ်အမဲာ်ဒီးတၢ်ကံးယာ်တဘ့ၣ်လၢကပျိာ်လီၤဆီ အသးအဂီၢ်ဒီးလဲၤဃီၤဒီးဂဲၤဆၢထၢၣ်ဝဲလၢကျဲကပၤခိးဝဲလၢ ကီၢ်အံၣ်စရ့လးအစီၤပၤကလဲၤခီဂာ်တၢ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:10

စီၤပၤခံဂၤကူသိးဝဲဒီးစီၤပၤအဆ့ကၤဒိၣ်တဖၣ်, ဆ့ၣ်နီၤလၢအ ဝဲသ့ၣ်အလီၢ်ပစိာ်တဖၣ်အဖီခိၣ်, ဖဲပှၤကြဲၢ်တၢ်အလီၢ်လၢအအိၣ်ဝဲ ဖဲဝ့ၢ်ၡၤမရံအတြဲၤဖးဒိၣ်အချၢတစဲး, ဒီးကယဲၢ်ဝံတဖၣ်ကတိၤတၢ်လၢဝံအကျိာ်ဖဲအဝဲသ့ၣ်အမဲာ်ညါန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:29

စီၤအၤဃာ်စံးဘၣ်စီၤယဟိၡၤဖး, “တုၤပလဲၤထီၣ်ဒုးတၢ်န့ၣ်, ယကပျိာ်လီၤဆီယသး, မ့မ့ၢ်နဲ, ကူသိးဒၣ်နစီၤပၤအတၢ်ကူတၢ် သိးန့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤထီၣ်ဆူတၢ်ဒုးအပူၤ အိၣ်ဒီးတၢ်ပျိာ်လီၤဆီအသးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:22

ဘၣ်ဆၣ်စီၤယိၤၡံယၤပာ်လီၤတ့ၢ်အသးလၢကဒုးတၢ်န့ၣ်လီၤ. အဝဲဂ့ၢ်လိာ်လၢကဒိကနၣ်တၢ်လၢကစၢ်ယွၤစံးဝဲခီဖျိစီၤပၤနကိၤန့ၣ်လီၤ. လၢတၢ်န့ၣ်အဃိအဝဲပျိာ်လီၤဆီအသးဒီးလဲၤဝဲဆူတၢ်ဒုး အပူၤလၢမကံးဒိၤအပျီပူၤန့ၣ်လီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 28:8

မၤသးဒ်န့ၣ်ဒီး, စီၤစီလူးပျိာ်လီၤဆီအက့ၢ်အဂီၤ, ဒီးကူထီၣ်သိးထီၣ်တၢ်ကူတၢ်သိးအဂၤ, ဒီးဖဲမုၢ်ခံးလီၤန့ၣ် အဝဲဒီးအပှၤခံဂၤလဲၤတၢ်ဒ်သိးကထံၣ်လိာ်ဒီးပိာ်မုၣ်န့ၣ်လီၤ. စီၤစီလူးစံးဘၣ်ပိာ်မုၣ်န့ၣ်, “ကူၣ်လိာ်တၢ်ဒီးပှၤသံတဖၣ်အကလၤဒီး တဲယၤလၢတၢ်မနုၤကမၤအသးတက့ၢ်. ကိးထီၣ်ပှၤလၢယတဲအမံၤတဂၤအကလၤတက့ၢ်.”