လံာ်စီၤပၤအခီၣ်ထံးတဘ့ၣ် 22:3 - Sgaw Karen Common Bible

³ စီၤအၤဃာ်သံကွၢ်အပဒိၣ်ပပှၢ်တဖၣ်, “ဘၣ်မနုၤပတမၤတၢ်နီတမံၤမံၤ, လၢပကဒိးန့ၢ်ဘၣ်က့ၤဝ့ၢ်ရၤ မိးလၢကီၢ်ကံးလဧးအပူၤ, လၢကီၢ်စူၤရံအစီၤပၤအစုပူၤန့ၣ်လဲၣ်. တၢ်န့ၣ်မ့ၢ်တၢ်လၢအဘၣ်ဃးဒီးပှၤလီၤ.”

လံာ်စီၤပၤအခီၣ်ထံးတဘ့ၣ် 22:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:10

ပဖှူတ့ၢ်စီၤအးဘၡါလိၣ်ဒ်ပစီၤပၤတဂၤအသိး, ဘၣ်ဆၣ်ဒီးအဝဲဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလံ. လၢတၢ်န့ၣ်အဃိဘၣ်မနုၤလၢပှၤတဂၤဂၤတကျဲးစၢးလဲၤကိးကဒါက့ၤ စီၤပၤဒၤဝံးန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 22:29

အန့ၣ်ဒီး, ကီၢ်အံၣ်စရ့လးအစီၤပၤအၤဃာ်ဒီးကီၢ်ယူဒၤအစီၤပၤ စီၤယဟိၡၤဖးလဲၤထီၣ်ဒီးဒုးဝ့ၢ်ရၤမိးလၢကီၢ်ကံးလဧးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤခံဘ့ၣ်တဘ့ၣ် 8:28

စီၤပၤအဃၤစယၤလဲၤပာ်ဖှိၣ်အသးဒီးကီၢ်အံၣ်စရ့လးအစီၤပၤ ယဟိရၣ်လၢတၢ်ဒုးတၢ်အပူၤထီဒါကီၢ်စူၤရံအစီၤပၤဃစ့လးန့ၣ် လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဘၣ်ထံးလၢတၢ်ဒုးပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်သိၣ်လီၤသီလီၤတၢ် 4:43

လၢပှၤရူၤဘ့ၣ်ဖိအဒူၣ်အဂီၢ်န့ၣ်, ဝ့ၢ်ဘ့စ့ၢ်လၢအမ့ၢ်ဝ့ၢ်အိၣ် လၢပှၢ်မုၢ်ကနၢ, လၢတၢ်လူၢ်ခိၣ်ထိးန့ၣ်လီၤ. လၢပှၤကးဖိအဒူၣ်အဂီၢ်န့ၣ်, ဝ့ၢ်ရၤမိးမ့ၢ်ဝ့ၢ်လၢအအိၣ်လၢကီၢ် ကံးလဧးလီၢ်ကဝီၤအပူၤန့ၣ်လီၤ. ဒီးလၢပှၤမနၤၡ့ၤဖိအဒူၣ်အဂီၢ်, မ့ၢ်ဝ့ၢ်ကိလၣ်အိၣ်ဝဲလၢကီၢ် ဘၤၡၣ်အလီၢ်ကဝီၤအပူၤန့ၣ်လီၤ.

လံာ်စီၤယိၤၡူ 20:8

ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.

လံာ်စီၤယိၤၡူ 21:38

လၢကးအဒူၣ်အဝဲသ့ၣ်ဒိးန့ၢ်ဘၣ်ဝဲဝ့ၢ်လွံၢ်ဖျၢၣ်လၢအမ့ၢ်ဝဲ ရၤမိးလၢကီၢ်ကံးလဧးအပူၤ, ဃုာ်ဒီးအတၢ်အီၣ်ဆၣ်အလီၢ်တဖၣ် (တၢ်ပူၤဖျဲးအဝ့ၢ်အကျါတဝ့ၢ်,) မၤဃန့ၤ,

လံာ်ပှၤစံၣ်ညီၣ်ကွီၢ် 16:2

ဒီးပှၤဂါစၤဖိတဖၣ်သ့ၣ်ညါဝဲလၢစီၤၡံၣ်ၡိၣ်အိၣ်ဖဲန့ၣ်အဃိ အဝဲသ့ၣ်ကဝီၤဃးတၢ်လီၢ်န့ၣ်ဒီးခိးအီၤသီတနၤကျၢၤလၢဝ့ၢ်အပဲတြီန့ၣ်လီၤ. အဝဲသ့ၣ်အိၣ်ဃိကလာ်ဒီနၤဒီးဆိကမိၣ်လၢအသးပူၤ, “ပကခိးတုၤမုၢ်ဆ့ၣ်ထီၣ်ဒီးပကမၤသံကွံာ်အီၤလီၤ.”

လံာ်ပှၤစံၣ်ညီၣ်ကွီၢ် 18:9

ဒီးအဝဲသ့ၣ်စံးဆၢ, “မ်ပလဲၤဒုးသကိးဝ့ၢ်လ့ၡ့ၣ်တက့ၢ်. ပထံၣ်ကီၢ်န့ၣ်ဂ့ၤဝဲဒိၣ်မးလီၤ. သုတမၤတၢ်နီတမံၤဒီးအိၣ်ဖဲအံၤတဂ့ၤ. မၤချ့ချ့ဒီးလဲၤနုာ်မၤန့ၢ်အီၤတက့ၢ်.