လံာ်စီၤပၤအခီၣ်ထံးတဘ့ၣ် 22:17 - Sgaw Karen Common Bible

¹⁷ စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:17 Iomraidhean Croise

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

လံာ်ယၡါယၤ 13:14

ပှၤတခီဘီမုၢ်ဖိတဖၣ်လၢအအိၣ်လၢကီၢ်ဘၤဘူၤလိၣ်အပူၤကထွးထီၣ် ဃ့ၢ်ဆူအထံအကီၢ်ဒၣ်ဝဲ, လီၤဂာ်ဒီးတၤဟိလၢအထူၣ်ဖျဲးထီၣ် လၢပှၤခးတၢ်ဖိတဖၣ်အစုပူၤ, ဒီးကလီၤဂာ်ဒ်သိလၢအပှၤကွၢ် သိတအိၣ်ဘၣ်အသိးန့ၣ်လီၤ.

လံာ်ယံးရမံယၤ 28:8

ဝံတဖၣ်လၢ အကတိၤတ့ၢ်လံတၢ်လၢပျၢၤ, တချုးလၢယဆၢကတီၢ်ဒီး နဆၢကတီၢ်န့ၣ်, တဲဆိပာ်ဝဲလၢ တၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါကဟဲဘၣ်ပှၤအါကလုာ် ဒီးဘီမုၢ်လၢ အဒိၣ်စိဒိၣ်ကမီၤတဖၣ်န့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယဃ့းစက့လး 1:4

ယကွၢ်ထီၣ်တၢ်ဒီးထံၣ်ဘၣ်ကလံၤမုၢ်ဟဲထီၣ်လၢကလံၤစိးတခီလီၤ. လီဝၢ်ထီၣ်အဒံးလၢတၢ်အၢၣ်ဖးဒိၣ်တလိၣ်အလိၤဒီးမူကပိာ်လိၤဝး တရံးအီၤန့ၣ်ကပြုၢ်ကပြီၤထီၣ်ဝဲလီၤ. ဖဲလီၢ်ဝၢ်ထီၣ်အဒံးအလီၢ်န့ၣ်, တၢ်ကပီၤထီၣ်ဝဲတမံၤဒ်တိၢ်ဘီအသိးန့ၣ်လီၤ.

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်တၢ်ဂံၢ် 24:3

ဒီးအဝဲဒၣ်အဲးထီၣ်အထးခိၣ်လၢဝံအကျိာ်ဒ်အံၤလီၤ. “စီၤဘဧိၢ်အဖိခွါစီၤဘံးလၣ်အတၢ်ကစီၣ်, ပှၤတဂၤလၢအထံၣ်တၢ်ဆှံဆှံအတၢ်ကတိၤတဖၣ်,

လံာ်တၢ်ဂံၢ် 24:4

မတၤနၢ်ဟူတၢ်လၢကစၢ်ယွၤစံးဝဲသ့န့ၣ်လဲၣ်. လၢမဲာ်ချံစီၣ်ဝဲၤ ကဲၤတဖၣ်န့ၣ်ယထံၣ်တၢ်လၢသးတမံၤ, တၢ်ထံၣ်လၢညါခီတမံၤလၢအဟဲလၢသ့တၢ်လၢာ်ကစၢ်ယွၤတဂၤ အအိၣ်န့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

လံာ်မၢ်ကူး 6:34

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:9

စီၤစီလူးစံးဆၢဝဲ, “မ့ၢ်တၢ်ဆိကမိၣ်အဂ့ၤလီၤ. မ်ပလဲၤသကိးတက့ၢ်.” မၤသးဒ်န့ၣ်ဒီး, အဝဲသ့ၣ်လဲၤဆူဝ့ၢ်ဖိလၢပှၤစီဆှံတဂၤအိၣ် ဆိးဝဲန့ၣ်လီၤ.