လံာ်စီၤပၤအခီၣ်ထံးတဘ့ၣ် 22:10 - Sgaw Karen Common Bible

¹⁰ စီၤပၤခံဂၤကူသိးဝဲဒီးစီၤပၤအဆ့ကၤဒိၣ်တဖၣ်, ဆ့ၣ်နီၤလၢအ ဝဲသ့ၣ်အလီၢ်ပစိာ်တဖၣ်အဖီခိၣ်, ဖဲပှၤကြဲၢ်တၢ်အလီၢ်လၢအအိၣ်ဝဲ ဖဲဝ့ၢ်ၡၤမရံအတြဲၤဖးဒိၣ်အချၢတစဲး, ဒီးကယဲၢ်ဝံတဖၣ်ကတိၤတၢ်လၢဝံအကျိာ်ဖဲအဝဲသ့ၣ်အမဲာ်ညါန့ၣ် လီၤ.

လံာ်စီၤပၤအခီၣ်ထံးတဘ့ၣ် 22:10 Iomraidhean Croise

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤအခီၣ်ထံးတဘ့ၣ် 22:30

စီၤအၤဃာ်စံးဘၣ်စီၤယဟိၡၤဖး, “တုၤပလဲၤဆူတၢ်ဒုးအပူၤန့ၣ်, ယကပျိာ်လီၤဆီယသး, မ့မ့ၢ်နဲဒၣ်, ကူကၤစီၤပၤအကူအသိးတဖၣ်န့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤဆူတၢ်ဒုးအပူၤအိၣ် ဒီးတၢ်ပျိာ်လီၤဆီအသးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤပၤအခီၣ်ထံးတဘ့ၣ် 22:9

အန့ၣ်ဒီး, စီၤအၤဃာ်ကိးနုာ်ကွီၢ်ဘျီၣ်အပဒိၣ်တဂၤဒီးတဲအီၤ လၢကလဲၤကိးန့ၢ်စီၤမံၤကါယၤတဘျီဃီန့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 6:20

မ့မ့ၢ်ပာ်ဖှိၣ်တၢ်ထူးတၢ်တီၤလၢသုဂီၢ်လၢမူခိၣ်, ဖဲတၢ်ဖိဃၢ်ဒီးထးဃံၣ် မၤဟးဂီၤတၢ်တသ့ဘၣ်ဒီးတၢ်ဘျၣ်ဘၢၣ်ဖျိတၢ်ဒီးဟုၣ်န့ၢ်တၢ်တသ့ ဘၣ်အလီၢ်န့ၣ်တက့ၢ်.

မၤတၢ် 12:21

ဖဲမုၢ်တနံၤလၢအဘၣ်တၢ်ဃုထၢလီၤဆီအီၤန့ၣ်, စီၤဟ့ၤရိာ်ကူထီၣ်သိးထီၣ်အစီၤပၤအကူအသိး, ဆ့ၣ်နီၤလၢအလီၢ်ပစိာ်အဖီခိၣ်, ဒီးကတိၤလီၤတၢ်ဆူပှၤဂီၢ်မုၢ်အအိၣ်လီၤ.

မၤတၢ် 25:23

မုၢ်ဆ့ၣ်ထီၣ်တနံၤန့ၣ်, စီၤအကြံးပၤဒီးနီၢ်ဘ့ၢ်နံက့ၤဟဲဝဲအိၣ်ဒီး တၢ်မၤလၤကပီၤအီၤအဒိၣ်အမုၢ်ဒီးနုာ်လီၤဆူကမျၢၢ်ဒိကနၣ်တၢ် အဘျီၣ်ရိဖှိၣ်အပူၤဃုာ်ဒီးသုးဖိတကထိအခိၣ်တဖၣ်ဒီးဝ့ၢ် တဖျၢၣ်န့ၣ်အပှၤမံၤဟူသၣ်ဖျါတဖၣ်လီၤ. စီၤဖ့စတူးဟ့ၣ်လီၤအကလုၢ်ဒီးစီၤပီလူးဘၣ်တၢ်ဟဲဆှၢနုာ်အီၤလီၤ.