လံာ်စီၤပၤအခီၣ်ထံးတဘ့ၣ် 21:7 - Sgaw Karen Common Bible

⁷ နီၢ်အံၤစ့ဘ့ၤလးစံးဆၢဝဲ, “နမ့ၢ်စီၤပၤဧါမ့တမ့ၢ်နတမ့ၢ် စီၤပၤဘၣ်န့ၣ်ဧါ. ဂဲၤဆၢထၢၣ်လၢနလီၢ်မံခိၣ်, အိၣ်ဒီးတၢ်သးဖှံဒီးအီၣ်တၢ်တက့ၢ်. ယကမၤန့ၢ်နၤလၢစီၤနၤဘိးအစပံးလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:4

စီၤယိၤနဒာ်စံးဘၣ်စီၤအၤမနိၣ်ဒ်အံၤ, “နမ့ၢ်စီၤပၤအဖိခွါတဂၤ, ဘၣ်ဆၣ်ဒီးယကွၢ်နၤတနံၤဘၣ်တနံၤန့ၣ်နဖျါသူၣ်အုးသးအုးနဲလီၤ. ဘၣ်မနုၤအဃိလဲၣ်.” အဝဲစံးဆၢဝဲဒၣ်, “ယအဲၣ်ဘၣ်နီၢ်တၤမၢ်လၢအမ့ၢ်ယဒီပုၢ်ဝဲၢ်ခွါလၢအမိၢ်လီၤဆီဒီးယမိၢ်, စီၤအးဘၡါလိၣ်အဒီပုၢ်ဝဲၢ်မုၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:6

အဝဲစံးဆၢဝဲ, “မ့ၢ်လၢတၢ်လၢစီၤနၤဘိးစံးဘၣ်တ့ၢ်ယၤအဃိန့ၣ်လီၤ. ယပာ်ဖျါထီၣ်ယတၢ်သးအိၣ်လၢယကပှ့ၤအစပံးအလီၢ်မ့တမ့ၢ်အဝဲမ့ၢ် ဘၣ်အသးဒီးယကဟ့ၣ်အီၤလၢစပံးလီၢ်အဂၤတတီၤလၢအလီၢ်န့ၣ်လီၤ. ဘၣ်ဆၣ်အဝဲတဲဘၣ်ယၤလၢယမၤန့ၢ်အီၤတသ့ဘၣ်န့ၣ်လီၤ.”

တၢ်ကတိၤဒိ. 30:31

မဲာ်တဲးလဲးဖါတံၢ်တဖၣ်, ဆီဖါကီၢ်တဖၣ်လၢအဟးလၢတၢ်ပာ် ထီၣ်ထီသးအပူၤ, ဒီးစီၤပၤတဖၣ်လၢအပှၤဂီၢ်မုၢ်အမဲာ်ညါန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.

လံာ်ဧၤမိၣ် 6:12

ကသ့ၣ်တဖၣ်ကဃ့ၢ်လၢလၢၢ်အလိၤစ့ၢ်ကီးဧါ. ပှၤကထဲၣ်ပီၣ်လဲၣ်လၢဂီၤဖံးစ့ၢ်ကီးဧါ. ဘၣ်ဆၣ်သုဘိးကဒါကွံာ်တၢ်စံၣ်ညီၣ်တီဆူတၢ်စုၣ်တၢ်ပျၢ်ဒီးတၢ် အဘၣ်ဆူတၢ်ကမၣ်လီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်ပှၤစံၣ်ညီၣ်ကွီၢ် 19:6

ဒီးပှၤခံဂၤန့ၣ်ဆ့ၣ်နီၤဒီးအီၣ်သကိးအီသကိးတၢ်လီၤ. တုၤနုၤတစု ပိာ်မုၣ်ဖိအပၢ်န့ၣ်စံးဘၣ်အီၤ, “မံဖဲအံၤတနၤဒီးမၤမုာ်နသးတက့ၢ်.”

လံာ်နီၢ်ရူၤသး 3:7

ဖဲစီၤဘိၤဧးအီၣ်တၢ်ဒီးအီတၢ်ဝံၤဝဲန့ၣ်, အသူၣ်ဖှံအသးညီဝဲလီၤ. ဒီးလဲၤမံလီၤဝဲလၢဘုပူၣ်အကတၢၢ်န့ၣ်လီၤ. အန့ၣ်ဒီး, နီၢ်ရူၤသးဟဲဝဲကယီကယီ, အိးထီၣ်တၢ်လၢအမၤဘၢအခီၣ်ဒီးမံလီၤဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:14

အဝဲကဟံးန့ၢ်ကွံာ်သုစံာ်ဧိၤပှဲၤဧိၤ, စပံးလီၢ်လၢအဂ့ၤကတၢၢ်, သ့ၣ်စၤယံးအထံးတဖၣ်ဒီးဟ့ၣ်အီၤဆူ အပှၤခိၣ်ပှၤနၢ်တဖၣ်အအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:4

တုၤနုၤတစုကယဲၢ်ကီၢ်အံၣ်စရ့လးဖိအခိၣ်အနၢ်တဖၣ်ထံၣ်လိာ်ပာ်ဖှိၣ်ထီၣ်သး ဒီးလဲၤဆူစီၤၡမူၤအ့လးအအိၣ်လၢဝ့ၢ်ရၤမါအ ပူၤ,